Accueil
Envoyer à un ami
Version imprimable
Partager

A dittatura di a Salute

Và bè sò azezu. Hè capita dinù chì a pruliferazione di e croce cummencia à cullammi in capu. Fora ùn ci hè più ch’è flicchi è quessa dinù po mi techja. A so ch’ aghju torna da rompe e stacche à tuttu u mondu à fà a facciaccia ma sta « dittatura di a salute » generalizata mi face propiu cagà, è vulerebbe ch’ella vi fessi cagà anc’à voi pè piacè !



A dittatura di a Salute
Aiò aiò, ùn si pò più nè manghjà, nè beie, nè fumà ! Ùn ci hè più u dirittu ch’è d'esse in salute ! Poca misèria nò ?!
Micca sale, micca pèveru, micca òliu nè butiru, salze innò è nè mancu dolci. Vinaccia pocu pocu, caffè ghjustu una goccia è senza zùccheru, sigarette manc’una. Dìcenu chì ci vole à furzassi à cullà e scale di i casali ancu s’ellu ci hè l’ascensore perchè face prò per a circulazione è u core… Ancu quessa !


Santu Biò
Ùn si parla più ch’è di a nutritura BIÒ ! U BIÒ di quì, u BIÒ di quallà… Aiò chì ùn sente più di nunda u BIÒ ! L’anu industrializatu ancu quessu u cibu è avà, BIÒ o micca, hè listessa pesta ch’è u restu. Eppo ci vole à esse Califurnianu per pagassi a manghjusca BIÒ. Emu digià u nostru chì fà à truvà i soldi pè manghjà, allora figuràtevi appena pè manghjà bè ! Ùn ci vole micca à deccunà oh !

Dìcenu dinù chì ci vulerebbe à sciaccassi cinque frutti è cinque legumi à ghjornu, ùn vi pare micca nò !? Hè propiu impussìbule d’ingòllesi tanta rupaccia in un ghjornu solu ! Di notte ancu ancu : Gin-Aranciu, Vodka cù a Mela, Whisky-Limone è Malibu-Ananassu… Ma per u restu ùn vecu micca !


Ci vòlenu fà more in piena forma !
Aù ! Basta ! Eiu avà mi vestu (s’eo vogliu d’altronde !) è mi ne falgu in caffè à pigliammi a scìmia di a mio vita, dopu mi facciu un pranzu di quelli pè èmpiemi u corpu à tappu, mi fumu dui chilò di tabaccu puru, pigliu a vittura è partu à tavulette à fà u giru di a Còrsica per la machja cù u tondu in la manu manca è una damisgiana piena in manu diritta.

S’elli ci sò chì sò interressati, lacate puru u vostru nùmaru…

u 13 di Farraghju 2009
Ussamà Ben Lazezu



1.mandatu da heliofobu u 13/02/2009 20:50
Eccu ! A settimana s'alluntana, Ussamà s'avvicina...
O amicu ! Pà a nostra salute, u patronne di a gargotta induve sò abituatu s'hè buscatu a puzionne magica (senza parlà di u Camagra...) :
Absynthe ! (Absinta ?)
Era u m'ultimu missaghju chi da qui a qualch'ore saraghju scemu dà ligà è definitivamente ceccu !
Avedeci (hè una spressione...)

2.mandatu da eviva a piazzetta forum libaru u 13/02/2009 21:37
mi sentu u stumacu !!!

3.mandatu da Ben Lazezu u 14/02/2009 10:53
O liofobu sì sempre cun noi ?
Dacci qualchì segnu di vita o strappalampiò !

Ma aghju capitu avà quale era a musa di stu gruppu corsu capicursinu per ch'ella vi fessi scrive testi cusì scemi (è à certi falli sceglie un zebru per mette nant'à u dischettu chè?) ! Putente, putente...

Tenìtecine puru una candella chì u prussimu pranzu u femu in capicorsu s'aghju capitu bè.... è truvàteci dinù un tettu ch'è no pòssimu rende in pace dopu!




è bella sigura, in tantu ch'è azezu di serviziu, in stu caru ghjornu di San Valentinu :
Merda à l'innamurati !

4.mandatu da heliofobu u 14/02/2009 21:31
Accident'à Toulouse Lautrec ! A fata verde m'hà resu ceccu compiu, mà, aghju buscatu un lugicialu pè' pudè scrive in bragliu... Un mi ne sortu tantu male !

5.mandatu da Piratella u 15/02/2009 01:37

iè sì bè azezu!!

6.mandatu da Kugùrn u 15/02/2009 19:26
è glù è glù è glù

7.mandatu da Piratella u 16/02/2009 02:07
Pè a salute una cosa sola à fà : una risa scema ogni ghjornu, almenu un quartu d'ora (eh, seriu ! a dicenu i medichi).

Hè per quessa chì a Piazzetta duveria esse rimbursata da a Secù! Tandu, u tufone hà da sparisce : a Piazzetta hè gratisi!!

Eccu, ùn hè micca difficiule di arregulà i prublemi , o Sarcò, basta à avè e letture bone!

8.mandatu da Kugùrn u 16/02/2009 10:27
troppu cumplimenti...
à certi l'anu dà ghjunghje i vezzi...

9.mandatu da Piratella u 26/03/2009 01:00
Ùn la cunniscite micca quessa :

Aghju lettu tantu nantu à i danni di l'alcollu, di a sigaretta, ecc, ch'avà sò dicisu :

PIANTU DI LEGHJE! lol

fora di ... A PIAZZETTA, ben intesa!

10.mandatu da Fiumurbacciu u 17/04/2009 14:21
ah chì piacè di truvà qualchissia cume mè.. N'aghju una techja di sente da mane à a sera "faut qu'j'arrete d'boire et d'manger c pas bon" o dinù " j'vais me mettre a la muscu ca plait aux meufs".. aoh basta avà! L'altru ghjornu un amicu ùn vulia micca cullà incu mè in corti parchì avia a paura d'ingrassà (aviamu previstu di pigliassi una scimia tremenda...) tandu ùn hè micca cullatu.. Bon eiu sò andatu (hèèè...) ma sò statu appena stumacatu di st'affare quì allora mi sò campatu à leghje st' articulu cusì ùn mi sentu più solu... Evviva i BRIAGONI, evviva i MANGHJONI, evviva i PANZÒ!!!

11.mandatu da Piratella u 17/04/2009 15:29

Aghju lettu assai nantu à i danni di l'alcollu, di a sigaretta, di u grassu, di u zuccaru, allora, avà sò decisa :



ÙN AGHJU PIÙ DA LEGHJE !!!

12.mandatu da Piratella u 17/04/2009 15:30
Scusate, mi scurdava chì l'avia digià fatta, quessa... O webmaestru, sguassa unu di i messagi più questu quì, beiu troppu sò intuntita...

13.mandatu da Ghjuvanni u 19/05/2009 15:13
Per mantenesi in salute ,s'e aghju capitu, ùn ci vuleria né à troppu manghjà , beie o fumà.
Nimu hà ancu scrittu chì di fà aspessu l'amore pò esse dannificu.
U troppu stroppia neh?
Chì ne pensate voi altri ,quelli di a leva di dopu à u 68?

14.mandatu da sumenta u 19/05/2009 20:33
Fà spessu l'amore un hè micca dannificu, hè magnificu!! è omu deve bè crepà di qualcosa. Allora manghjemu, biemu è femu l'amore. è tu o ghjuvanni preferisci stà senza fà nunda, ascultandu a ghjente chì un sà vive fora di a norma?

15.mandatu da Ghjuvanni u 22/05/2009 11:18
Eu ùn pretengu chè una cosa : u troppu stroppia.
Cunsigliu a muderazione per ogni cosa .
Chì ne pensate ?
Ci pò esse un antru pensamentu chè quellu di sumenta !

16.mandatu da Manga manghja u 25/06/2009 17:53

Evviva i Giappunesi!!

Un studiu dimostra chì i grassi campanu più vechji chè i magri....

è dinù chì i grassi anu menu scianze di seduce chè i magri ...HUM : un grassu riccu averà sempre di più scianze chè un magru poveru, ...NO???

Novu cumentu :


Seguitateci nant'à Facebook


L'articuli

Abbunatevi à a newsletter

Circà nant'à A Piazzetta