Accueil
Envoyer à un ami
Version imprimable
Partager

A dumanda di Tatti à Zuccarelli

In Bastia, ùn si passa più un ghjornu senza ch'ellu accadi qualcosa. A settimana passata François Tatti hà dumandatu nant'à twitter à Jean Zuccarelli di piantà tuttu.



A dumanda di Tatti à Zuccarelli
"O Jean, falla finita !". Eccu à pocu pressu u messagiu ch'ellu hà mandatu ghjovi passatu François Tatti nant'à twitter, u lindumane di a publicazione d'un sundagiu chì face vince à Simeoni :

"Le rejet de la candidature de Jean Zuccarelli est profond et irréversible. Je lui demande de se retirer pour faire gagner"

Eccessu di cunfidenza à l'ora di l'apperitivu ? Pruvucazione ? Intox ?

Imaginate a chigna di Jean Zuccarelli quandu hà vistu u tweet nant'à u so teleffunu... Pocu dopu, Zuccarelli li rispundia qualcosa chì si puderia traduce cù "Ti sì vistu tù ?"

"François Tatti (12% selon les sondages) demande à Jean Zuccarelli (35%!) de se retirer… Cherchez l’erreur"

Bon d'accordu, certe volte u dibattitu ùn hè di prima trinca. Ma ci face pensà à qualchì dumanda di demissioni celebre.

C'era statu a dumanda di Paul Quastana à Bernard Bonnet cù u so famosu "quand comptez vous partir ?"

È c'era statu dinù a dumanda d'Arlette Chabot à Jacques Chirac in a campagna presidenziale di u 1995. Tancu, Chirac era à paghjolu in i sundagi è paria persu. A giurnalista avia dumandatu à Chichi s'ellu ùn cuntava micca ritirà a so candidatura.

Cunniscite a seguita di a storia. Cinque mesi dopu, à a so dumanda, Chirac era elettu presidente di a ripublica. Pocu dopu à a so risposta, Bonnet ellu finia in i ruminzulaghji di ripublica.

Per ciò chì cuncerna i destini di François Tatti è di Jean Zuccarelli, per avà nimu pò risponde à a dumanda...



u 3 di Marzu 2014



1.mandatu da henry smart u 04/03/2014 08:42
un a so per voi, ma mi pare di più in più simpaticu stu Tatti !!
ale torna un sforzu.

Novu cumentu :