Accueil
Envoyer à un ami
Version imprimable
Partager

A festa di u 5 di maghju

Finite e prumesse ! Thiriez hè statu chjaru : « pas question de faire du 5 mai une journée sans football en France ». U PSG festighjerà forse u so tìtulu di campione un 5 di maghju.



A festa di u 5 di maghju
I vint'anni di a catastrofa di Furiani è a ricullata di u Sporting in L1 avianu messu in lume a necessità d'onorà a memoria di quelli chì avianu persu a vita u 5 di maghju 1992.

U successu di a petizione, u travagliu di u cullettivu di e vìttime, e dichjarazioni di certi presidenti, omi pulitichi, spurtivi, giurnalisti, ci facianu pensà chì forse, pudiamu ghjunghje à qualcosa.

Ma nò. È quandu Thiriez dice nò, hè nò : « Il n’est pas question de faire du 5 mai une journée sans football en France. Une journée sans football est une mauvaise réponse à un véritable drame. Cette position a été arrêtée au plus haut niveau de la Fédération, et nous n’en bougerons pas. »

U 5 maghju 2013 ci seranu dunque trè scontri di L1. U PSG riceve à Valenciennes. À quattru ghjurnate di a fine di a stagione, i Parigini seranu forse sacrati campioni di Francia.

À partesi da dumenica sera, ùn ci serà più chè pè u PSG, novu campione di Francia. I capizzoni di a LFP anderanu à felicità i dirigenti parigini à u Parcu di i Principi, sbarrazzatu di i so sgaiuffi di e tribune pupulare d'Auteuil è di Boulogne. E stars tratechje di u PSG feranu nece d'esse cuntenti. Tutti festighjeranu sta bella vittoria di u futbol novu, quellu di i soldi è di i petrodollari. E catene d'infurmazione ripeteranu à l'infinita chì infine u PSG hè campione. È noi...

È noi risenteremu qualcosa di stranu in a nostra gola.

E vìttime si chjamavanu Antoine Angelini, Guy Brunel, Marie-Pierre Campana nata Clement, André Casta, Alexandra Drillaud, Jean-Baptiste Dumas, Antoine Geronimi, Thierry Giampietri, Dominique Giannoni, Santa Grimaldi, Pierre-Jean Guidicelli, Cédric Lalliat, Lucien Marsicano, Christian Mattei, Michel Mortier, Marie-Laure Ottaviani nata Guerrieri, Patrick Rao, Michel Vivarelli.

Ùn ci scurderemu mai.

u 3 di Maghju 2013



1.mandatu da ghjuva u 03/05/2013 18:44
putana un avete nancu capitu che sti frencesi si ne cacanu di noi..ancu per una disgrazia cume questa.

2.mandatu da henry smart u 04/05/2013 09:46
Un penseru per tutti quelli chi so morti è chi si stati feriti ! un penseru per tutti quelli ch'anu suffertu da l'azzione di u Fronte di tandu, chi era affiancu à l'assassini è i respunsevuli di issa disgrazia ! Un penseru per quelli chi anu persu a fede per sempre indu ballo !
un ci vole à ghjuca issu ghjornu, ma micca solu per u dolu, dinu per a memoria chi un ci vulera mai scurdassi di i meccanisimi chi anu cagiunatu que !

Novu cumentu :


Seguitateci nant'à Facebook


L'articuli

Abbunatevi à a newsletter

Circà nant'à A Piazzetta