Accueil
Envoyer à un ami
Version imprimable
Partager

A fine di i bumbagi rivendicativi ?

Nant'à a nostra RN 193 trà Casatorra è U Borgu, un misteriosu bumbagiu dice : « IUFM : Scola di i Maestri ». È basta. Micca d'altre spiegazioni, nisuna rivendicazione.



A fine di i bumbagi rivendicativi ?
Hè finitu u tempu di a cuntestazione, di a frebba di e notte turchine è di i slogans revuluziunarii. Finite e speranze di cambiamenti, di « grands soirs », i sogni di lindumani più belli in un mondu più ghjustu. À i cani militantisimu, manifestazioni, greve, tract è sit-in.

À u megliu, oghje si militeghja nant'à Facebook.

« IUFM : scola di i maestri  » ci prevene dunque u stranu bumbagiu nant'à a strada naziunale.

In i tempi antichi di u seculu passatu, si saria passatu altrimenti. S'averia piuttostu dettu « IUFM : scrucconi » o « ladri », « pistunati », « trafficoni », « demissione », « vergogna » o megliu : « fora » è ancu perchè micca « IUFM : speculatori» è più forte « IUFM : drugati» o più viulente « pedofili ».

Nunda di tuttu què, solu « IUFM, scola di i maestri ! ». À difettu di rivendicazione, hè vera chì almenu si face appena di pedagugia.

Dopu à u tag rivendicativu, eccu u tag spiegativu. Perchè micca ?

Allora s'aspetta a seguita. À quandu i bumbagi :

« DDE : e strade ! »
« CTC : cullettività ! »
« OEHC : offiziu idròlicu ! »
« SFR : u portable ! »
« Chômage : disimpiegu ! »
« Gendarmi : flicchi ! »
« Corse-Matin : u giurnale ! »
« SNCM : i battelli ! »
« Emile Zuccarelli : merre di Bastia ! »
« Etat Français : Statu Francese ! »

È voi, chì pensate di stu tag misteru ?

u 9 di Dicembre 2009
U Sgaiuffu



1.mandatu da Mazzone u 09/12/2009 19:43
C'amu à mette à rigrete i tag di l'UMS : l'Unione di u Misgiu Corsu.

2.mandatu da ziu santu u 09/12/2009 19:47
Mi pare ch'ellu hè una " speciale dédicace " à l'usu pinzuti di u 93 chì si credenu i tarcani " en place "

C.F.C : u trinichellu
F.L.N.C : i clandestini
Leclerc : i supermarcati

3.mandatu da Culomba u 09/12/2009 20:22

Ebbeh : volenu "cursizà" u nome di l'IUFM in "SDIMA" (Scola di i maestri ) -)???

O volenu dì chì nunda hè fattu pè i maestri è tuttu pè i capizzoni di l'Università???

Altrimente, a moda hè à u cuntrariu :

- Santa di Niolu = la foire des bergers!

- Sant'Andria = la Saint-André!

- I muvrini = les petits mouflons







4.mandatu da Ave Bastia u 09/12/2009 20:42
"SCB: squadra di ballò"......spessu a verità è una bella macagna dinù

5.mandatu da U kingu u 09/12/2009 21:45 (da un teleffuninu)
Un hè tantu u sughjettu, ma mi faci pinsà a stu taggu chi miritia un Oscar bè ch'eddu sia bestiu. Dicia: " on vous a rendu l'Algerie, rendez nous Ghisonaccia".

6.mandatu da Küg u 09/12/2009 22:10 (da un teleffuninu)
"Janvion" nant'à u casale Pouillon

7.mandatu da Quill'altru u 10/12/2009 10:49
Ùn vi scurdate di mintulà u famosu "bienvenue à chibreland !" taggatu nantu à i muri di citatella di Bastia.
Hè vera chì quandu si vede ciò chì si passa in i scagni di u Cunsigliu generale simu in pienu Chibreland è Patanechja city !

8.mandatu da rughjatore u 10/12/2009 10:50
ATOL = Les opticiens

...

9.mandatu da Marcu u 10/12/2009 11:49
ah ah ah
m'arricordu di u tag nant' a u muru di l'anfitetru nan't u parking di PP2, qualchi anni fà (10 anni quantunque ... :-\)
"J'ai bien cru que Battiston était mort" ridia ogni volta ah ah ah

è "a sfida" ... ? si trova stu tag in ogni locu ... tamantu misteru ...

10.mandatu da Corfatex u 10/12/2009 17:27
"A BAS PINAY" sott'à u Museu di Corti

11.mandatu da turchinu u 10/12/2009 18:12
E u tag "FORZA BASIA" tra u ponte vechju è Venacu... Unu di i tag i più cunnisciuti di Corsica, l'autori s'eranu sminticatu di u "T"....

12.mandatu da fratellu ficatellu u 10/12/2009 21:22
Ci n'era statu unu tremendu, à l'èpica, annant'a muraglietta davant'a "L'oriente" in Corti... "Star ac' - Chjami aghjalesi : Fratelli di lotta !". Fù statu sguassatu in furia...
Pè' ciò chi cuncerna a "A sfida"... Lascemu à Myckey T ,tranquillu...

13.mandatu da heliofobu u 10/12/2009 21:24
E u maravigliosu "Sego sì, Sarko nò !" in l'Ostriconi... Chi putenza !

14.mandatu da coppenagu u 11/12/2009 07:47
eiu m'arricordu di stu bumbasgiu in Bastia: "français la mer t'a amené, elle te ramènera" è dinù di "I A F". Chì vulerà dì? "i arabi fora?"

15.mandatu da Jean Marie Le Pen u 11/12/2009 15:04
I.F.F : Il fait froid ...

16.mandatu da filidatu u 11/12/2009 16:09
aghju vistu dinù A F F : arabi fora fora??

17.mandatu da Cumpalliols u 12/12/2009 09:47
A.F.F. vole dì A Francia Fora.

Stu stridu era unu di i primi, è manifesteghja una brama di sculunisazione.
À contu meiu, cunsidercu chì hè una prova di maturità.

18.mandatu da Babbu Natale un'esista micca! u 12/12/2009 15:54
A sfida, ghjè micca pè GB Acquaviva?

19.mandatu da Ghjuvan Marcu u 13/12/2009 20:11
Sogu d'accunsentu cu Cumpalliols è Babbu natale ha ragione : a Sfida ghjè per a mimoria di Ghjuvan Battista.
IAF IAF IAF ghjè u stridu di a iena chi ridignula.

20.mandatu da ricu u 16/12/2009 18:40
LIBERTA' PAR NITTENDU E GAMU BOYU

21.mandatu da Anto u 17/12/2009 11:33
"Gloria à tè Anto Drobnjak" grossetti anni 90

22.mandatu da DFGHE u 17/12/2009 18:39
a l'epica (quandu era in liceu in Bastia) uni pochi avianu scrittu CFR=OS (invece di OAS) !!!!!

23.mandatu da muammar u 17/12/2009 21:42
Hé vera chi "FORZA BASIA" in Venacu hé unu di i mo preferiti...
Ma ci era dino in Aiacciu "BUTAGAZ inc' noi" chi a l'epica di e nuits bleues era assai putente...
Sino sempre in Aiacciu, (carrughju ornano), si vede dapoi pocu un "Bashung sempre vivu" chi m'ha un pocu stumacatu mà assai piaciutu.

24.mandatu da ghjuvan mouloudu u 19/12/2009 14:08
è in bastia a nant'a u ponte di Multari, "votez TALOMONI" !

25.mandatu da tutta a verita he bonn'a dicce u 21/12/2009 09:42
"nique corse" nanta a rue droite

26.mandatu da antone u 23/01/2010 00:17
avìu vistu unavolta "I Fasgioli Freschi" mà mi sò scurdatu di u locu.

27.mandatu da marboeuf u 24/01/2010 01:36
"MJR au four" '(Mouvement de Jeunesse Rebelle.... ), ind'u "tunellu"di u Fangu, 19 di nuvembre 1988 (19h46), per una bella squadra di closcie gòthiche di A3, psichotropata...

28.mandatu da piratella u 24/01/2010 02:04
In Aiaicciu avia vistu : "Gloria à tè Divan", è mi facie ride ogni volta -))

Novu cumentu :