Accueil
Envoyer à un ami
Version imprimable
Partager

A guerra di i saldi

Baruffe, caddies chì si strufinanu, insulte, calci è pugni : eccu ! Sò principiati i saldi.



A guerra di i saldi
Ind'i tempi antichi a vita curria à u rìtimu di a natura. À ogni stagione i so travaglii : tribbiera à u principiu di l'estate, castagne à l'entre di l'inguernu, impiaghjera è muntagnera per i pastori...

E feste religiose venianu à incalcassi nant'à stu rìtimu di u tempu. Natale, Pasqua, San Ghjuvà, 8 settembre...

Oghje a nostra vita hè ritmata da e feste di a cunsumazione. E duie festoni di l'anni sò dunque i saldi, quelle d'inguernu è quelle d'estate. À mezu, ci hè Halloween, a rientrata, a Saint Valentin, Fête des mères, Fête des pères, Festa di i curnuti, Fête des beaufs, eccetera.

Dapoi oghje, i parkings di e chjese nove sò pieni à tappu. I praticanti di a religione nova anu empiutu i tempii di a cunsumazione.

Si fala à posta da u paese per esse presente u "jour J". Megliu : certi anu postu u so famosu jour de congé pour faire les soldes.

A quistione nant'à tutte e labre hè dunque dapoi sta mane : "oh, tu as fait les soldes ?"

Cum'è in ogni religione, ci sò ancu i fanàtichi. Quelli chì mettenu a sveglia à 7 ore per fà l'apertura di i magazini. Quelli chì facenu passà in forza u so caddie pè ghjunghje u primu...

Iè, cusì si passa ind'è noi oghje. È da quì à 100 anni, u futuru Pierre-Jean Luccioni ferà un articulu nant'à l'apertura di i saldi in u so "Tempi fà : a Corsica in l'anni 2000".

u 13 di Lugliu 2011
U Sgaiuffu



1.mandatu da estrimei u 13/07/2011 21:40
a populu fattu "bisogna " a ....cumprà
...ma nantu a a tilatigga , chi a roba he menu cara !
he un vi scurdate : a circà a tratichjina u Populu si strughjerà !

2.mandatu da J G u 14/07/2011 09:28
a sucietà di cunsumazione in francese mi scuserete speru !

ô superflu , chose si nécessaire
il y en a plein les caddies , les frigos les vestiaires
des gaspi tant et plus
qui font des détritus
dont on ne sait quoi faire

ô superflu chose si nécéssaire
on en a plein le nez , les poumons c'est dans l'air
ça empeste et ça pue
ça fume et ça polue
et ça gruge nos salaires

ô superflu chose si necessaire
de chiffons , de papiers sont pleins les contenaires
des pubs des prospectus
il y en toujours plus
c'est trop c'est suicidaire

ô superflu chose si nécessaire
j'en appelle a Voinet j'en appelle a Mammaire
et à tous les élus
qu'ils se bougent le cul
pour faire le nécessaire

3.mandatu da ANTO u 15/07/2011 05:12
Eu mi dumandu da duv'elli venenu tutti sti soldi pè i saldi .!

4.mandatu da J G u 17/07/2011 11:10
i saldi ? da duve sorte ssu nome , ssa nuvella parulla chi s 'ell' un si leghje tuttu u scrittu nimu sà cio ch'ellu hé ? rimesse nantu a i pezzi piuttostu o si qualchisia ha megliu ma micca i alldi ! aio o zitelli arrestemu di imventà u corsu ! ! ! per piacé

5.mandatu da J G u 17/07/2011 11:11
micca i SALDI vulia scrive

6.mandatu da estrimei u 18/07/2011 12:37
i saldi ? da duve sorte ssu nome ?
dice J G .
serà rcfm chi l'avera cacciata ?

Novu cumentu :


Seguitateci nant'à Facebook


L'articuli

Abbunatevi à a newsletter

Circà nant'à A Piazzetta