Accueil
Envoyer à un ami
Version imprimable
Partager

A guerra di u minchju

Ci hè vulsutu chì un fottògrafu pigliessi u so minchju in ritrattu per fà nasce u dibattitu in Corsica. Alleluia !



A guerra di u minchju
William Shakespeare hà scrittu una pezza di teatru intitulata “Beacoup de bruit pour rien”. Simu in pienu nentru. Nuvembre 2011 dunque firmerà in a storia cum’è quellu induve i Corsi si sò messi à ragiunà, à cuntrastà, à annerbassi, à mughjà... per una storia di cazzu. Iè, ne simu custì.

E riazzioni chì sò nate di l’articulu publicatu mercuri (in i cummenti, ma sopr’à tuttu ind’i fora) c’imponenu di fà “juste une mise au point”, cumu averia dettu Jackie Quartz.

Dunque :

Nò, u famosu ritrattu di Limelette ùn hè micca un’offesa à i “valori” di a nostra “Santa Nazione Corsa Cristiana”. D’altronde, site veramente siguri chì i nostri antichi, i nostri vechji avianu un rispettu tremendu pè a religione ? Ùn mancanu e storie è i stalvatoghji paisani pieni d’anti clericalisimu è dispettosi pè a religione.

Nò, ùn diventimu micca a caricatura di ciò ch’è no ùn simu micca. Difende a Corsica ùn vole micca dì esse integristi religiosi. D’altronde, a Chjesa corsa ùn hà dettu nunda è mancu u Vescu ùn hà riagitu. Serà ch’elli si ne impippanu di stu “non evenimentu”.

Iè, l’affissu era goffu, era una pruvucazione è un colpu di pubba d’un tippu chì si vulia fà cunnosce (hà riesciutu, avà tuttu u mondu u cunnosce !). D’accordu, ùn hà u talentu nè di Desproges, nè di Coluche, nè di Benetton. Ma chì pò fà ?

Iè, si pò esse cristianu è infuttesine cumplettamente di u famosu ritrattu.

Nò, st’affissu ùn avia micca da esse messu in carrughju, vicinu à e scole. Ma o ghjente ùn v’inchietate, grazia à internet è à You Porn, i vostri zitelli ne sanu più ch’è voi nant’à e pratiche sessuale...

Iè, interdisce una mostra, una libru, un filmu ùn si face micca, puru s’elli sò goffi. Hè una debulezza è hè esse riazziunariu. Zitelli, sappiate chì 30 anni fà eranu i cuncerti di i gruppi corsi è i libri in lingua corsa chì eranu difesi in certi lochi. Ùn caschemu micca da u latu di u censore.

Nò, ùn avemu micca scrittu chì quelli chì anu interdettu a mostra di Limelette eranu drugati, calibrati è cuccainomani... S’ella hè veramente quessa chì pone prublema, turnate à leghje l’articulu !

Iè, a Corsica hè malata, ma quessa a sapiamu. Malata perchè perde a so identità, a so lingua, a so cultura. Malata dinù perchè ci hè un difettu di demucrazia, di spressione, di cuntrastu.

Iè, ci hè una crispazione identitaria è circhemu di fà nece d’esse attaccati à l’anima corsa. Ma chì ci ferma di l’anima corsa ? Qualessa ? Quella mitificata di “a Corsica di mammone” ? O quella d’oghje, vale à dì quella di i soldi, di a droga, di l’individualisimu, di a cunsumazione, di u parè, di Quick è di Décathlon ?

Nò, stu cazzu ridiculu ùn hè micca un’agressione contr’à a Corsica. L’agressioni, circatele da u latu di i maffiosi, i grossi dealers, i trafficoni, i speculatori, quelli chì vendenu a so terra à i ricchi fresteri per fassi dui soldi, per cumprassi un quad è andà à Bali. Circatele dinù in u campu di i Corsi chì neganu a so identità, chì si scordanu di ciò ch’elli sò, chì ùn volenu sente parlà corsu.

Iè, ci hè un prublema d’identità, a sapiamu dinù. Ùn basta di mettesi un treilli è di mughjà nant’à Facebook ch’è no simu corsi per esselu.

Nò, ùn femu micca u sbagliu di mischjà identità è religione, hè periculosu. D’accordu ci hè una longa storia cristiana in Corsica. Ma si pò esse corsu è esse attea, ghjudeu, musulmanu, cummunistu o anarchistu... Pare incredibile d’avè à dilla. Purtantu, ùn hè quessa a visione umanista di Pasquale Paoli ? Averemu da ghjustificassi ancu di quessa ?

Nò, ùn hè stata quistione di fà una lezzione di murale à i studienti. Ma à noi, à A Piazzetta, u nostru scopu ùn hè di stuzzicà a ghjente è di mette u ditu induv’ellu face male per facci riflette ? Sinnò, per ùn pensà micca, ci hè TF1 è Skyrock.

Iè, ci hè un pruverbiu corsu chì dice “campa è lascia campà”. Una pruvucazione cù u ritrattu d’un cazzu ? È allora, chì pò fà ?


“Anu l’ochji ma ùn ci vedenu micca” (Psaume, 134, 2)

È cum'è A Piazzetta hè un locu di dibattitu è di spressione libera, eccu in "droit de réponse" u puntu di vista di qualchissia chì sustene "l'occupazione" di a mostra di Limelette da i sindicati :

" Avete tutti intesu parlà di l’affare gravissimu (sic) di l’espusizione « Histoire d’une absence » d’un giovanu studiente di l’Università è di e riazzione chì l’anu seguitata. I sindicati curtinesi anu vulsutu reagì contr’à ciò chì l’hè parsu una pruvucazione maiò è si sò pisate ùn sò quantu voce - da u forum di RCFM à i più sinistri comptoirs - da dinunzià sta « talibanizazione » di i sindicati chì sarebbinu, d’un colpu, diventati peghji cà i SS.

Difatti, vista da luntanu, st’interdizzione fatta à un « artistu » di pudè prisintà a so « opara » pò esse capita cum’è una pratica antidemucratica.

Ma ci vularebbe quantunque à ramintà certi fatti à prupostu di st’affarucciu chì face traparlà a Corsica sana è ancu al’di là (vede a petizione).

Ind’è noi, ci piace à castrà i grilli allora chì st’affare ùn a si merita forse micca. Arricurdemuci chì u ritrattu, ogettu di u scandalu, hè statu affissatu d’apartuttu in Corti è davant’à una scola primare in particulare. Ùn dubbiteghju manc’appena chì l’affissu abbia pussutu piace à certi, « tout les goûts sont dans la nature » dice u francese, ma quantunque, l’autore ùn era forse micca ubligatu à impone un cazzu – u soiu ?- à a ghjente da prisintà a s’espusizione. À ch’a si cerca, trova, di regula, « qui sème le vent… ».

Mi pare chì custì, ùn si tratta micca d’estresmisimu religiosu, ma piuttostu di bon’sensu, ùn cridite micca ?

A giuventù agisce spessu cù u core è senza riflette sempre à e cunsequenze ma ùn ci hè stata viulenza, nè fisica, nè murale ind’a riazzione, forse un pocu esagerata, di i sindicati studientini.

Anu pussutu ragiunà cù u giovanu A. Limelette è oppone i so parè di manera pacifica, bellu luntanu di ciò chì s’era passatu in cuntinente per a pezza di teatru o l’affare di u « Piss Christ » per esempiu.

Dunque, ùn valia forse micca à fanne un cuncistoriu di st’affare, sopr’à tuttu chì a cosa a più impurtante, ghjè chì u corciu A. Limelette hè avà grilliatu cù e zitelle di a facultà. "

u 24 di Nuvembre 2011
U Sgaiuffu



1.mandatu da u miumese u 24/11/2011 22:12
Persunalmente, sò catolicu, fieru di esse lu, mà mi n'infuttu !

2.mandatu da Peace Christ u 24/11/2011 21:43
studienti curtinesi, vi sbagliate di lotta.

eiu so cristianu, praticante (di tantu in tantu), mi ne imbattu i cuglioni (è u minchju dinù), e pensu che vo avete fattu un sbagliu maio

un sbagliu filosoficu : interdisce è censura he riservatu à i conni, i reactionnaires, i fascisti....

un sbagliu in termine di fiura : catastroficu per a vostra fiura e quella di l'università, passate per talibani

un sbagliu d'analisi : site chjesali à stu puntu ? pregate tutte e sere ? avete lettu a bibbia, u vangelu ? cunniscite a tullerenza cristiana allora ?

leghjite, studiate, andate à u sinemà, cultivatevi.... puttana gobba !

3.mandatu da piccula u 24/11/2011 22:07
beuh... allora se no lachemu fà affari cusi simu belli... quali sarà u prossimu "artistu" ? un speziu di strappata chi s'hà da filmà nant'à i cabinetti ? E quistu chi hà vulsutu furzà sta ghjovana in Bastia, era pà muscià u so cantu artisticu eddu dino ? Aio ci voli à piantà à pena, croci, ghjesgia, cridenti o no, avaristi pussutu tena i so cugli in u so pantalonu ! Se tuttu u mondu si metta à pruminà si à pele allora, indù andemu !!

4.mandatu da Ussamà Ben Lazezu u 24/11/2011 22:08
Ogni volta chì a giuventù Corsa move un pelu di culu, li fàlanu asciutte è bagnate. I giòvani a si sò cacciata cù stu poveru tippu : hè bè, ci hè statu un dibattitu è nimu hè statu tombu. Sti pochi tempi hè digià un affarone.

Sigura chì ci sò altri prublemi ch’è questu ! Hè capita ! Ma ghjè à i giòvani chì ci vole à rimpruverà u statu pessimu di a sucetà Corsa, ghjustu per l’affare di Corti ? Allora, è quelli chì i mùghjanu sti giòvani ? Facenu qualcosa contr’à a sucetà maffiosa ? Anu una suluzione ? Facenu qualcosa contr’à a droga ? Contr’à l’usu sprupusitatu di l’arme ? Perchè sti giovani anu scuzzulatu à Limelette, l’avemu da fà u prucessu di u statu di a sucetà Corsa ? Mbeuh…

I Corsi anu solu trasmessu u passatu à i so figlioli, micca i valori è ancu di menu a lingua. Nò, anu vendutu à i so giovani ritratti di un passatu magnificu. Oghje, in u presente pessimu ch’è no campemu, chì vulete ch’elli ùn ci sianu prublemi d’identità ? È ogni volta chì i giòvani cèrcanu di "difende" sta famosa sucetà passata, certe volte di manera appena sgalapata, sò quelli chì ùn anu trasmessu nunda à falli rimproveri di ghjudici, à usu pinzutinu.

Un era pò esse micca a più bona soluzione di vulè impedisce sta mostra. Ma hè assai di più gattiva quella d’incarcà a giuventù cù u pesu di a nostra culpabilità cumuna.

5.mandatu da Anghju u 24/11/2011 22:21
Anche eiu so cristiana , corsa , e Indé e tradizione di u mi babbo e di à mo mammo ! Allora basta !!!
Rispitemu i nostri principi !!!!! À sucieta corsa un hé micca qu elle di i tempi !é si vede !!pasquale Paoli un vulia micca tutte ste cunerie !!!

6.mandatu da Peace Christ u 24/11/2011 22:39
@ piccula : si tuttu u mondu si mette à pruminassi à pelu in carrughju, serà un bè ! permetterà forse à certi di stampà appena di più spessu... è li ferà prò !

7.mandatu da Tux u 25/11/2011 03:59
@Anghju : Pasquale Paoli avia fattu applicà a cunstituzione civile di u cleru, allora, pensu chi si ne futterebbe bè di quest'affare

8.mandatu da Rughjatore u 25/11/2011 04:17
Vecu chì ci sò "fans" di Dutronc à a Piazzetta! Comu dicia? "toujours du bon coté"? iè, ghjera què mi pari...

9.mandatu da Fred u 25/11/2011 07:27
S'ellu pudia fà entre appena di sale in zucca a sti poveri studienti... O poveri a noi!!!!!

10.mandatu da Casata u 25/11/2011 07:37 (da un teleffuninu)
Ma ch'elli vaghinu a chjavà appena piuttostu che di circà di fà i gattivi à 19 contra 1 !

11.mandatu da Ghjà u 25/11/2011 08:00
Aio o zitelli, francamente... Un vidite micca cume vo site stati ridiculi in sta storia pattetica ? A certi li ferebbe prò di parte appena in erasmus......

12.mandatu da J G u 25/11/2011 09:43
Una vorta dipiu a stridà " Haro sur le baudet " mentre chi tuttu va di trversu ! ! ! ! ! chiachiere ! ! ! chi un ghjovanu manc'appena a fà avanzà u scimilimiliblicu ! ma brava a piazzetta quand'elle dice : Peghju che l'affare Dreyfus : u minchju curtinese .
.... Ie a prova hé fatta ! c ' hé vulsutu un ritratu di minchju , pe fà nasce un grande dibatitu !

13.mandatu da Ulongu u 25/11/2011 10:04
Quarant'anni di lotta per finisce à l'UDF ! (chì ùn esiste mancu più d'altronde....)

14.mandatu da Claude E. u 25/11/2011 11:46
eiu mi n'impipu ava e sempre a listessa storia.
ramentate ogni volte l'anni setenta cume un esempiu (d'impedisce e di non-impedisce), asperemu 113 nantu u merca per fa un cuncertu, feremu una petizione per chi i qualchi scemi di u fronte sianu tutti in prigio cusi sara finita cu u rimori di i pacheti,... etc etc lascemu fa lascemu pensa. a CFR ghjera nurmale alora? drugassi e nurmale? chi l'assassini si tombanu e nurmale? perche un lasciate micca fa tuttu mondu.

pienghjite sempre quandu c'e un gruppu o una personna chi mette una rivista a un' altra. e piu faciule di sta in casa che di fa a lotta.

15.mandatu da Casanis u 25/11/2011 12:12
Iè, ai ragiò Claude E. ci vole à resiste, à cumbatte, à fà campà cio chi ci ferma di corsu... ma ci vole à falla di manera intelligente, simu tutti d'accordu

resiste ùn vole micca dì censurà, boycottà, interdisce... resiste vole dì fà, creà, riesce à fà unisce a ghjente.

a leva di u 70 hè stata pruduttiva : riacquistu culturale, gruppi di musica, libri, pezze di teatru... sì à l'università ? allora cunnosci sta storia è sta pruduzzione

iè ci vole à resiste à l'acculturazione generalizata di a Corsica, ma di manera intelligente... ùn vi sbagliate di lotta !

avà ci vole à calmassi è circà d'analizà cù u tempu cio chi s'hè passatu.

a Corsica minacciata da un studiente micca cunnisciutu in Corti ? nò, ùn hè veramente micca quessu u prublema......

16.mandatu da circinelludiguagnenativupeliguagnesusosanguavirsatu u 25/11/2011 12:13
Vi scatineti contr'a coda di Corti, ma nimu ùn anscia contr'à quidda davanti à decathlon l'altru ghjornu...!
Hè quissa a verità cruda è tarribuli !!! ;)

17.mandatu da Décazzon u 25/11/2011 12:22
INFINE !!!!! à ringraziatti o circinelludiguagnenativupeliguagnesusosanguavirsatu...

MERCI pè u to messagiu...

18.mandatu da chitant artist u 25/11/2011 13:19
Ussamà sò d'accunsentu cun te.

Isti studienti anu riagitu à una pruvucazzione è ciò, senza viulenza, ùn si meritanu micca un tribunale. Ancu se l'analisi di u sgaiuffu mi pare ghjusta per unepochi di punti pensu chi u famosu ritrattu hè un picculu mancu di rispettu à i “valori” corsi (tuttu u mondu s'accorda a di chi ghje una pruvucazione nò?)

Pensu dunque chi i nostri giòvani ùn anu micca cumplettamente tortu. Una riazzione ci vulia è ista sturietta caccierà forse a voglia à certi di fà peghju.

19.mandatu da Cazzone u 25/11/2011 13:29
Forse u prublemu hè solu chè nant'u ritrattu, un hè micca un cazzu mà un cazzone !!
Ghjelosi !

20.mandatu da Ulongu u 25/11/2011 14:05
Ringraziu à Cazzone d'avè assaltu u nivellu di u dibattitu ma ringretu chì u fattu u più impurtante nimu ùn l'hà rimarcatu :
Al dilà di a prisenza pruvucatrice di u Paternostru in stu locu, chì l'averà pigliatu di rasà si cusì u cazzu ? Ci hè qualcosa nò ? O ci hè una moda di i minchji pilati in Corti ?

21.mandatu da Bernard Cazzoni u 25/11/2011 14:58
avete intesu sta cunneria di giru di Francia in Corsica ? lampu una chjama à tutti i veri Cristiani corsi : ci vole à impedisce st'eresia à tutti patti !
A mè mi runzicheghja l'anima di sapè chi averemu nant'à e nostre strade stu carnavale di tippu travestitu in Diavule è chi ùn si vede ch'à ellu à a televisio. Cum'è cristianu ùn la possu incascià !


22.mandatu da GISCARD PRESIDENT u 25/11/2011 16:20
Chers compagnons, sachez que l'Union des Jeunes Giscardiens de France apporte son soutien aux étudiants qui se sont mobilisés.

Ca fait plaisir de voir qu'on est pas tous seuls.

"et viva", comme on dit chez vous !

23.mandatu da J A u 26/11/2011 06:55
Eu pendu

24.mandatu da J A u 26/11/2011 07:03
Eu pensu chi se u cazzu nantu a st' affissu hè u soiu, u tipu ùn hè micca "grilliatu" cù e zitelle di Corti.
Chi tanti Rocco...

25.mandatu da Paoli sempre vivu u 26/11/2011 09:48
In lu 1791, i bastiesi ( miccà i bastiacci ), hannu seguitatu à certi "Barbacciuti nustrale". Pasquale de Paoli ha mandatu a Guarda Naziunale contr'à i "Preti Ignoranti è Fanatici fautori dello antico despotismo". Evviva Paoli !!! Evviva a Nazione Corsa Laica !!!

P.S : Ci so, bel'intesu, barbacciuti corsi laici, e forze cù u minchju pilatu. U minchju pilatu ùn hè una moda, hè u nostru minchju identitariu !!!

26.mandatu da u benedettu u 26/11/2011 14:21
http://sites.radiofrance.fr/chaines/france-bleu/?nr=f00be783ae379544adaec164e179e218&aafbde4b4320a496fdb89d91dd08be07_container_id=35477&aafbde4b4320a496fdb89d91dd08be07_container_mode=instances&aafbde4b4320a496fdb89d91dd08be07_article_id=669555

27.mandatu da A risposta u 26/11/2011 14:25
Sarìa una bona ch'ellu ci sia un "droit de réponse" ogni volta che qualchissia hè inditatu no?

28.mandatu da Dalilala u 27/11/2011 13:44
Moi aussi je suis un vrai artiste,j'écris en Français sur un blog dévolu à la langue Corse je suis en plein dans la transgression majeure et l'oeuvre artistique et mon prochain projet d'ARTISTE LIBRE est de chier sur le Diu Vi Salve Regina(le cantique des bergers keurses,tiens en parlant de ça pourquoi pas faire une mostra sur les délires zoophiles de ces derniers ,c'est tellement fun) et de faire du 8 décembre(la fete des anciens keurses) la journée de....l'anti corse avec un artiste libre qu'est Siné et autre libertaires comme le grand Bhl(tellement vociféré ici bas) et avec comme espace de débat "la placette".

29.mandatu da Circinelludiguagnenativupeliguagnesusosanguavirsatu u 27/11/2011 16:59
Ma parchì piglià cusì mali st'affari Di fottò ? Parlemune seriu un pocu...
È sè Pensu eiu, sinceru sinceru, chì sta fottò hè più un umaggiu à u cristu o à a riligioni cattolica ch'e u cuntrariu ...? Hein ?!
Ssu minchju biancu è pilatu di statua, ssu paternostru, mi facini pinsà à me à a cappedda Sestina ! À l'opere dì l'arte dì à rinascita Taliana !

30.mandatu da Fiumorbu u 27/11/2011 19:46
@ dalilala : fatti lu cullà bellu prufonde u to arte ò simplicione ! Carnavalli cume te si deverianu fà impicà.

31.mandatu da Dalilala u 27/11/2011 23:10
O fiumorbobo,o speziu di spazza fume di merda,si tù u simpliciottu,se tu si di quelli ch'hannu i cuglioni,dami u to indirizzu per sapè quallè ch'a da impicà à l'altru,u mio dettu era una manéra di sviluppa a nantu a cunneria di e ghjente chi diffendenu ss'affissu.

32.mandatu da Casalta u 28/11/2011 01:25
ma piantate d'imbulighjà religione è identità corsa !

ùn hè micca quistione di difende st'artistu pinzutu è goffu, ma esse corsu ùn vole micca di esse cristianu ! chi n'aghju da futte eiu di Limelette !!!!



REVIENS PASQUALE PAOLI, sò tutti SCIMITI !!!!

33.mandatu da picciaghjolu u 28/11/2011 21:42
A vera dumanda hè : meritava a prima pagina di corse matin incù un ritrattu l'intervenzione di i sindicati ? o bastava un articulellu indrentu ?
Forse chì u giurnaliste hà avutu anch'ellu una reazzione epidermica.

34.mandatu da Piatamò u 29/11/2011 13:58
Ùn a socu micca sè t aghju u drittu di dì la ma trovu ch'edd'hè un beddu ritrattu... È ancu se in diu ùn ci crergu micca ùn ci vecu micca un' inghjulia qualunqua pà a ghjesgia. À u cuntrariu, à un preti, u so cazzu ùn li pò serva chè à dui affari, piscià è appiccà qualcosa à nantu , in paternostru par asempiu...

Novu cumentu :


Seguitateci nant'à Facebook


L'articuli

Abbunatevi à a newsletter

Circà nant'à A Piazzetta