À cantu à a partita Corsica - Euskadi, Gilles Simeoni dicia à So Foot avè « a brama di riflette à una sorte di turneu » trà « populi è nazione senza Statu » di u circondu mediterraeu.
Catalogna, Palestina, Sicilia, Sardegna, hè vera ch'ellu puderia esse mancu male. Ma perchè micca sunnià più grande, è organizà una cumpetizione trà selezzione di populi senza statu chì venerianu da tuttu u cuntinente auropeu ?
A messa in piazza d'una manifestazione tale ùn seria micca qualcosa di semplice, ma ci sò appena da per tuttu iniziative chì nascenu è chì vanu in stu sensu. L'ultima ? A signatura d'un partenariatu trà a Lega di Brittagna è a federazione gallese, anch'ella palisata da So Foot.
Catalogna, Palestina, Sicilia, Sardegna, hè vera ch'ellu puderia esse mancu male. Ma perchè micca sunnià più grande, è organizà una cumpetizione trà selezzione di populi senza statu chì venerianu da tuttu u cuntinente auropeu ?
A messa in piazza d'una manifestazione tale ùn seria micca qualcosa di semplice, ma ci sò appena da per tuttu iniziative chì nascenu è chì vanu in stu sensu. L'ultima ? A signatura d'un partenariatu trà a Lega di Brittagna è a federazione gallese, anch'ella palisata da So Foot.
Gaël Danic > Gareth Bale ?
Stallata in Dinard, in Ille-et-Vilaine, a selezzione gallese chì ghjucherà u so primu macciu di l'Euro sabbatu contr'à Sluvacchia, s'hè intrenata davant'à 700 zitelli, invitati per l'occasione. À a fine di a seanza, u selezziunadore Chris Coleman hà spiegatu ch'elli ci seranu scambii di ghjucadori gallesi è brittoni in i trè anni à vene. « St'accordu significa chì e noste prussime generazione di ghjucadori puderanu fà cresce e so cunniscenze è benefizià d'una preparazione cuntinentale da chjuchi. Hè digià una làscita furmidèvule di st'Euro 2016. » U presidente di a Lega brittona s'hè anch'ellu felicitatu di st'amicizia spurtiva nova : « Pour une ligue, c’est très rare d’obtenir un partenariat avec une Fédération comme celle du pays de Galles. Ces échanges vont permettre d’améliorer les qualités sportives, culturelles et linguistiques de nos licencié(e)s. »
U Paese di Gallia è a Brittagna sò digià ligati pè a Storia, a cultura è a lingua. I so inni, Bro gozh ma zadoù (Anticu paese di i mo babbi) pè a Brittagna è Hen Wlad Fy Nhadau (Antica terra di i mo babbi) sò cantati cusì nant'à u listessu versu. Scambii culturali esistenu dinù trà l'università di Brest è di Aberystwyth.
Ùn si sà ancu sì l'idea d'una partita trà e duie selezzione hè stata dibattuta, ma quessa saria una seguita logica. Eppo nimu vole privassi d'un Gareth Bale vs. Gaël Danic.
Peccatu chì i ghjucadori di a selezzione brittona preferiscanu parte in vacanze invece ch'è d'affirmà a so identità nant'à u terrenu...
U Paese di Gallia è a Brittagna sò digià ligati pè a Storia, a cultura è a lingua. I so inni, Bro gozh ma zadoù (Anticu paese di i mo babbi) pè a Brittagna è Hen Wlad Fy Nhadau (Antica terra di i mo babbi) sò cantati cusì nant'à u listessu versu. Scambii culturali esistenu dinù trà l'università di Brest è di Aberystwyth.
Ùn si sà ancu sì l'idea d'una partita trà e duie selezzione hè stata dibattuta, ma quessa saria una seguita logica. Eppo nimu vole privassi d'un Gareth Bale vs. Gaël Danic.
Peccatu chì i ghjucadori di a selezzione brittona preferiscanu parte in vacanze invece ch'è d'affirmà a so identità nant'à u terrenu...
È s'ellu era quessu, u ballò chì ci piace ?
