Accueil
Envoyer à un ami
Version imprimable
Partager

A lingua corsa ricunnisciuta da Facebook !

Utilizà Facebook in lingua corsa, serà da quì à pocu pussibule. Mark Zuckerberg hè d'accordu è hà apertu u spaziu di traduzzione in corsu.



A lingua corsa ricunnisciuta da Facebook !
U messagiu hè statu publicatu nant'à a pagina officiale di a squadra di traduzzione di u gigante di l'internet :



A lingua corsa ricunnisciuta da Facebook !

U corsu hè dunque a 125esima lingua ricunnisciuta da u situ chì conta circa una miliarda è mezu d'utilizatori.

Ma nanzu di pudè cliccà, likà, chjachjarà è fidighjà videò di ghjatti in lingua corsa nant'à Facebook, ci vulerà à lanciassi in un travagliu di traduzzione maiò.

Perchè sì Facebook hè statu d'accordu per apre u spaziu di traduzzione in lingua corsa, u travagliu ferma à fà.

C'era una dumanda forte (a pagina FB in corsu hà più di 6000 fans), è hè a Fundazione di l'Università chì hà fattu e prime dimarchje. Ci hè vulsutu à cuntattà è cunvince l'intrapresa americana è principià a traduzzione.

I più azezi diceranu ch'ellu ùn ghjova à nunda. Ma almenu ricunnisceranu chì a sìmbolica hè forte : un gigante di l'internet, una di e più grande marche mundiale ricunnosce a lingua corsa.

Ma u più duru ferma à fà. Hè un travagliu cullaburativu, tuttu ognunu pò participà. Alè, avà tocc'à voi !

Per principià a traduzzione, ci vole à andà quì.

Publicatu u 01/12/2014 à 8h22
Messu à ghjornu u 01/12/2014 à 23h34

St'articulu hè statu traduttu nant'à u situ Ampargu a lingua corsa.

u 1mu di Dicembre 2014



1.mandatu da azezone u 01/12/2014 10:23
Zuckerberg n'hà fattu di più per a lingua corsa ch´è Tatti, Zuccarelli è Rocca Serra

2.mandatu da è cusì sia u 01/12/2014 17:04
un antru calciu in culu à a dittattura francese

3.mandatu da capicursina u 01/12/2014 17:04
chì ne penserà Barbier?...

4.mandatu da marcu u 01/12/2014 21:54
Pensatu pà Barbier:

"..........Li ghjunghji u filossera
Cum'ellu hè ghjuntu à la vigna
Li caschinu li capelli
Incun la più forte tigna..............."

(a canzona di u trenu)

5.mandatu da Girandulò u 02/12/2014 21:54
Aveti vistu ciò ch'ellu hà dettu Emmanuel Petit dui ghjorni fà ? "J'ai beaucoup de mal avec les Français, je n'ai jamais vu un peuple aussi arrogant, suffisant, menteur et hypocrite." Abbastanza !! Et 1, et 2 et 3 - 0 !! Ahah !

6.mandatu da solinas muscatelli u 03/12/2014 18:28 (da un teleffuninu)
U più bellu situ
Ci campemu

7.mandatu da Lucacorsu u 10/12/2014 14:25
Veramente ùn la so s'ella ha da giovà a qualcosa di fà una traduzione di Facebook in corsu spergu solu chi a ghjente seguiterà ssu progettu e s impegnerà a fà usu di a so lingua chi s ella e per adopra solu u francese a traduzione da per se ùn serve a nunda

Novu cumentu :


Seguitateci nant'à Facebook


L'articuli

Abbunatevi à a newsletter

Circà nant'à A Piazzetta