Accueil
Envoyer à un ami
Version imprimable
Partager

À mumenti : l'elezzione di "Mister prigiuneru puliticu" !

In Bèlgica hè statu creatu u cuncorsu di Miss SDF. A vincitrice guadagnerà un allogiu durante un annu. È sì l'iniziativa hà fattu nasce a pulèmica, u scopu era di dinunzià a precarità è sensibilizà l'opinione. È ind'è noi ?



À mumenti : l'elezzione di "Mister prigiuneru puliticu" !
Dopu à u so incontru cù u Cumitatu Anti Repressione u 7 di marzu scorsu in Bastia, u presidente di u gruppu UMP à l'Assemblée Nationale Jean-François Copé hà dumandatu à Rachida Dati di truvà e suluzioni chì parmetterianu d'avvicinà i prigiuneri pulitichi corsi.

Soca a ministra di a ghjustizia, cunnisciuta per u so gustu di e belle cose, si puderia inspirà di i nostri amichi bèlgichi...

Cusì, allocchè à a fine di l'annu, serà organizatu l'elezzione di Mister Prigiuneru Puliticu. Quellu chì vince averà u dirittu d'esse incarceratu in paese soiu, à a prigiò di U Borgu. Cum'è di solitu, u CAR è l'associu Sulidarità anu palisatu a so zerga è u so azizume.

A ghjuria serà presidata da a Première Dame de France, abituata di i podium. Truveremu dinù :
  • Rachida Dati, chì neguzieghja un cuntrattu cun Dior pè veste i prigiuneri-candidati
  • Gilbert Thiel, chì cunnosce benissimu tutti i candidati (hè appena u nostru Geneviève de Fontenay, ma in ancu più goffu !)
  • A ghjudice Laurence Levert, chì d'appressu à e linguacce ùn saria quì solu pè rispettà a parità
  • U presidente Wacogne, membre d'onore

Dapoi st'annunziu, ognunu dà u so pronòsticu. Ma quale vincerà u cuncorsu ???

Per fà tace e voci, a presidente di a ghjuria hà assiguratu ch'ellu ùn ci serà micca piston, è chì "tutti i prigiuneri pulitichi sò à egualità, chì tutti sò fiacchi dopu à anni è anni passati in prigiò. Nisun candidatu ùn hè trattatu megliu ch'è l'altri !

Difficiule dunque, d'induvinà quale vincerà.

In più di quessa, per evità a froda di u cuncorsu di Miss France, u publicu ùn puderà micca vutà per SMS. "Ci vole à finiscene cù e pràtiche d'arrubecci eletturali à l'usu corsu !" S'hè spicciatu d'aghjustà u giurnalistu officiale di Sarkozy, Christophe Barbier.

Per l'animazione di a serata, si ghjucheria trà Julien Lepers, Benjamin Castaldi è Jean-Martin Mondoloni. Euh... vulia dì Luc Mondoloni...

Ma nanzu di principià, a ghjuria duverà risolve un prublema matematicu : cun 60 incarcerati, à ragiò d'una elezzione à l'annu, u prublema di i prigiuneri pulitichi serà scioltu da quì à... 60 anni.

Quandu vi diciamu chì "inseme, tuttu diventa pussibule"...

l'11 di Marzu 2009
A Strega



1.mandatu da paulo u 11/03/2009 10:13
Mà ùn ci hè micca u sgiò Sarkosy in a ghjuria?

2.mandatu da estrimei u 11/03/2009 10:26
pianu, pianu, o a stregga , capu nenzu, eu vogliu ch'omu possi sceglie a presidenza e di tuttu u ghjuratu.
prupongu:
in testa di lista
tutti quelli chi a l'assemblea di Corsica manghjanu e cacanu in francese-mi pare chi a presidenza un pò scrucchjà a u conte di cala purcina-
dopu
tu quelli di a dnat(thiel, marion,.... e i so cani arrabbiati)
in fine , s'ella ci hè a piazza quelli chi a u putere e quelli chi volenu a piazza (vals 'un hè micca megliu che dati! )

3.mandatu da Kugùrn u 11/03/2009 12:01
bof

4.mandatu da Ghjuvan Musculi u 11/03/2009 15:05
next

5.mandatu da estrimei u 11/03/2009 17:37
"tu quelli di a dnat(thiel, marion,.... e i so cani arrabbiati)
in fine , s'ella ci hè a piazza quelli chi a u putere e quelli chi volenu a piazza (vals 'un hè micca megliu che dati! ) "
custi , aghju scrittu a purcinu ! fate u piacè, scusatemmi.
in fatti vulia scrive:
tutti quelli di a dnat(thiel, marion,.... e i so cani arrabbiati)
in fine , s'ella ci hè a piazza , quelli chi hanu u putere e quelli chi volenu a piazza (vals 'un hè micca megliu che dati ! )

6.mandatu da U Tontu u 11/03/2009 19:57
O estrimei so à fondu cù tè !

7.mandatu da U-blogu.com u 12/03/2009 22:44
Mortu di risa!!!

Novu cumentu :


Seguitateci nant'à Facebook


L'articuli

Abbunatevi à a newsletter

Circà nant'à A Piazzetta