Accueil
Envoyer à un ami
Version imprimable
Partager

A mundializazione in 3 minuti è 40

Matthew Harding hè un tippu furtunatu. U nome ùn vi dice siguramente nunda, ma avete forse vistu a so video nant'à Youtube. A so idea : fà u giru di u mondu è fassi filmà in ogni paese, ballendu di manera ridicula davant'à i grandi munumenti...



A so storia principia in u 2003. Tandu l'americanu decide di piantassi di travaglià è di fà un giru di u mondu. A so video induv'ellu balla cum'è un tontu hè destinata à u so circulu d'amichi, ma cunnosce un bellu successu nant'à internet...

À tal puntu chì un sponsor vene à cuntattallu pè rifà u giru di u pianeta, sempre filmendusi in tutti i paesi induv'ellu và, fendu u so ballu ridìculu. Oghje sta videò hè stata vista più di 10 millioni (!!!) di volte è Matt Harding hè diventatu un fenòmenu di u net...

Ma u tippu ùn hè mai saziu è hè ancu appena malignu. Hà prupostu à u so sponsor un terzu giru di u mondu, filmendusi sta volta cun tutti quelli chì l'anu scrittu. Si riparte dunque per un novu giru di u mondu, sempre à l'ochju... U risultatu si pò vede quì.

Certi facenu d'ellu un sìmbulu di fraternità è d'amicizia frà i populi...

Vi face sunnià è vi dà a voglia di viaghjà ? Ma forse ùn avete micca u contu in bancu di Matt Harding ? Cum'è stu giovanu londonianu;, pudete ripiglià l'edea, ma filmenduvi ballendu... in tutti i lochi di a vostra casa...

"Da rifletteci", dicia quellu.

u 16 di Farraghju 2009
u webmaestru



1.mandatu da Heliofobu u 16/02/2009 02:15
Da rifletteci (nanz'a ballà... ). E sè Matt sbarca ind'è noi ?
Duie suluzione :
- S'ellu sbarca ind'un locu turisticu, apperitivu a u "Pacific" incu e persunalità pulitiche è culturale (tutti i collabo ci seranu...)
- S'ellu sbarca ind'un paese di trabbanati... Une rafala maiò di panette è di sciambuloni (a fallera, cume sempre...) daret'a u capu !
Da rifletteci...

2.mandatu da Kugùrn u 16/02/2009 09:23
o Signore, parate mi ste vacche...

3.mandatu da estrimei u 16/02/2009 10:05
a u "webmaestru " ,
ti pare ch'ell'un ci n'he micca abbastanza , corsi , chi pratendennu ammaestrà u mondu, chi francannu u mare pieni di prutensione , si facenu for di Corsica una vita mischinella , e aspettanu e vacanze per ghjunghje a facci crede ch'elli so diventati persunaggi?

u "w" 'n' una parulla corsa , un mi garba tantu, chi ne pensi di tilatigaghju ?

4.mandatu da macumba u 16/02/2009 10:45
à quandu una video simile in tutti i paesi di Corsica : Cugnoculi Muntichji, Perelli d'Alisgiani, Calacucci, Ruglianu...

una idea à fà no ?

5.mandatu da Heliofobu u 16/02/2009 22:50
Ma oghje ghjorni, tutti li Corsi vannu in Spagna !
Per... visità...

6.mandatu da Piratella u 16/02/2009 23:42

Buh, hè mattu 'ssu Matt! Hà trovu a manera a più custosa di guardassi u billicu è di fà cacà a ghhjente cù videò di viaghju...In Corsica di sicuru, si buscaria una bella concia, micca cum'è cù 'ssi bravi bonzi laossiani pacifichi sempre pronti à ride!

Ma Corsi chì a si ghjocanu à u stranieru ci n'hè di più in più è in quessa diventanu caricature di u turistu...francese! (u peghj di u mondu, da ciò ch'ellu si dice in i sundami)

è po cù a webcam avà ci sò chì si filmanu cantendu sottu à a duscia, allora, ùn ci manca più nunda!


Seguitateci nant'à Facebook


L'articuli

Abbunatevi à a newsletter

Circà nant'à A Piazzetta