Accueil
Envoyer à un ami
Version imprimable
Partager

A passione di e Birkenstock

Qualchì annu fà, tuttu u mondu si ne ridia di e stumacanti "ciavatte d'alemani". Oghje, site has-been s'è vò ùn avete un paghju di Birk. È si un ghjornu a moda serà di mette e "charentaises", e metteriate dinù ?



A passione di e Birkenstock
Arricurdatevi una decina d'anni fà. Ghjunta l'estate, tuttu u mondu si ne ridia di e famose "chaussures d'allemands", ste sandalette orrìbile in coghju (messe cun calzette o micca) chì stumacavanu à tutti.

Oghje, a Birk hè u top di a moda, a grossa glassa, u toppu di u toppu. Da mette cù u "bleu de chine" pè spazzà in casa o cù un t-shirt "Oggi" per andà à L'Acapulco, a ciavatta tedesca cunnosce a gloria dopu à anni è anni di rise è di ghjesteme.

I "scarpacci di i bosci" sò passati in qualchì annu da u ringardisimu maiò di pumataghji à a finezza ùltima di a moda. Ci hè da riflette, nò ?

Argumentu di u Birkenfan, u cunfortu : "oui mais tu comprends tu es bien dedans..."

Serà... Ma tandu, perchè micca sorte à Via Notte cù un paghju di "Charentaises". Ùn sò cusì cunfurtèvule anch'elle ?

È si, un ghjornu, un publicitariu decide di rilancià e charentaises, di rendele fashion è chì George Clooney ci si mette anch'ellu à spassighjassi in ciavatte, vi ci si mettite ancu voi ???

Dopu à a tong corsa, quale averà l'idea di lancià e ciavatte 100% nustrale ?

u 13 d'Aostu 2010
u webmaestru



1.mandatu da Cugnome u 13/08/2010 15:30
Un ghjornu a moda serà di sorte à pelu cù una piuma in culu e i primi à falà in carrughju seranu i corsi !

2.mandatu da Lupiaccie u 13/08/2010 17:03
U megli ùn sarebbe di fà mette e "Meindl" à i nostri omi pulitichi corsi è ancu di lancià a moda in francia.. sempre megliu che a futura moda di e Babouch...

3.mandatu da SPQR u 13/08/2010 17:29
Eo nanzu e "Caligae" di e Legione Rumane ò i stivali di a Wermacht...

4.mandatu da ghjuvan'marcu u 13/08/2010 18:12
O webmaestru, parlendu di "charentaises", si tratta di sciavatte o di femine ? Perche une cum'è l'altre si stà bè adentru ma ùn ci vole micca sorte cun'elle.

5.mandatu da Peppetru u 15/08/2010 10:13
Perchè "scarpacci di bosci" ?... lighjia vulenteri i vostri scritti nantu à a piazzetta ma certe volte fariate megliu d'ùn scrive micca certe cunarie ! he forse pè sudisfà tutt'u mondu ch'e vo fate què ma a me ùn mi fate più ride.

6.mandatu da u webmaestru u 15/08/2010 12:12
Di siguru ch'ellu hè irònicu... À posta ci sò i "..."

Hè ghjustu per sottulineà u fattu chì ciò chì era ridiculu qualchì annu fà
hè diventatu à a moda oghje.

Avà, scusa si A Piazzetta ùn ti cunvene più. Quì nimu hè pagatu, nimu hè
prufessiunale è ùn si pò piace à tutti tuttu u tempu o amicu...

7.mandatu da vuvuzelacciu u 15/08/2010 12:53
eccu a corsica.... fate qualcosa, serete sempre critticatu!!!

peppetru un deve micca cunnosce u secondu gradu!

8.mandatu da per ride u 15/08/2010 13:58
"ùn semu micca biglietti di banca par piace à tutti"... S. DALZETO

evviva u ridiculu corsu!

a Piazzetta in forza!


9.mandatu da antò u 15/08/2010 18:33
bheu... "tout ça pour ça" o Peppetru....

si mancu i lettori di a piazzetta perdenu u so "sens de l'humour" e u secondu gradu,allora ci hé da che trimà da veru per u nostru paese

bella risposte di "per ride"

10.mandatu da marboeuf u 15/08/2010 19:25
2 suluzione : O peppetru ci hà fattu una bella macagna incu stu messaghju, e ci vole da cungratulà. O allora, mette anch'ellu "scarpi di bosci", e ci vole da cungratulà ancu di più !

11.mandatu da Espadrille u 15/08/2010 20:27
Dite tutti "scarpi di Boche", mà di "boche Hippies" di l'anni 70 è d'avà.. perchè tempi passatoni, boche, di quessi scarpi ùn nè mettianu....avianu un altru spiritu..!!

eviva l'espadrille francesa o u tong asiaticu..

12.mandatu da Avulpaccia u 05/09/2010 16:13
Magnificu articulu avete raggiò!
Eu ùn mi le possu vede, u peghju sò l'omi mdrisa.
Quandu serà a moda di" a piumà in Culu hà metteranu tutti""!! Forza a voi, e victime di a moda ancu s'ellu hé goffu!

Novu cumentu :


Seguitateci nant'à Facebook


L'articuli

Abbunatevi à a newsletter

Circà nant'à A Piazzetta