Accueil
Envoyer à un ami
Version imprimable
Partager

A playlista di Pasquale Paoli



Casata : Paoli. Nome : Antone Filippu Pasquale. Età : 29 anni. Prufessione : Capigenerale di a Nazione Corsa.

Era u 14 lugliu 1755 (ma quessa avà a sapete).

È cumu ùn ci hè nunda di megliu ch'è appena di musica pè rendeli omagiu, eccu a playlista di tonton Pasquale.
A playlista di Pasquale Paoli

Canta u Populu Corsu - A Palatina

A Palatina (o Pasqualina) ùn si sà nè u nome di quellu(a) chì l'hà scritta, nè u nome di quellu(a) chì l'hà cumposta. Parechji gruppi l'anu cantata nanz'à Canta u Populu Corsu, ma nunda di megliu ch'è l'interpretazione di Natale Luciani, Ghjuvanpaulu Poletti è Ceccè Buteau una sera in Arghjusta Muricciu à u principiu di l'anni 80

Per lu Capu Naziunale
Appruntate li truffei
I furdani à sei à sei
Anderanu à tumbulà
È dumane à lu Cunventu
U vulemu incurunà.

L'Arcusgi - L'Arcusgi di Pasquale

Aspettendu a rivincita di Ponte Novu...

U sonu di u culombu introna la Custera
Ci chjama lu ribombu sott’à a cara bandera
Vicinu hè lu nemicu per piglià la Nazione
A retita di l’anticu ci dà mille ragione

I Chjami Aghjalesi - Borgu

Ci hè statu Ponte Novu, ma nanzu, ci hè statu a concia di U Borgu.

Un generale fù mandatu quì
In Bastia pè tumbà è ferì
Stu conte scemu chì vulia fà
Dumà lu populu di Pasquà.

U Culombu

Cumpostu da Petru Rocca in u 1937, successu di l'anni 70. Custì cantatu da Canta u Populu Corsu.

"Disceta la speranza
A voce di culombu
Chjama di u so ribombu
A santa Libertà"

Diana di l'Alba - A concia di Luigi Piombu

In l'ultimu dischettu di Diana di l'Alba.

"Mai mai nisun statu
Ci hà fattu ghjimbà lu capu
Mai mai nisun statu
Ci ferà ghjimbà lu capu !"


Pigliati què, o Valls.

I Campagnoli - Omi di a storia

"Ma di quella storia,
Ùn si, ùn si ne sente"
canta u gruppu.

È ci n'hè chì ùn volenu sempre micca sentene parlà.

Diana di l'Alba - 1769

Ah ! Sì Pasquale ùn avia messu in postu i mercenarii tedeschi nant'à quellu ponte...

I Chjami Aghjalesi - Guerrieri

Bon d'accordu, ùn ci hè nisuna menzione à Pasquale Paoli in sta canzona. Ma ùn face nunda.

"Fissanu un puntu luntanu, a vittoria chì s'avvicina
U nemicu soffrerà sterperanu u so locu
Pè di qual'hè u maestru, diceranu cù u focu
Fissanu un puntu luntanu, a vittoria chì s'avvicina."

I Voci di a Gravona - Circinellu

Dumenicu Leca di Guagnu dettu Circinellu, era un prete paulistu accanitu è animatore di a resistenza in a pieve di Vicu, dop'à Ponte Novu. Hà ghjuratu d'ùn rendesi micca à i Francesi, è hà tenutu a so prumessa.

Anch'ellu si merita u so picculu omagiu nant'à sta pagina, nò ?

Canta u Populu Corsu - Corsica Nostra

"Parla di Paoli, di i so guerrieri
Sopra à le cime è le fruntiere
Di Ponte Novu canta la gloria
Ci porta à l'arme, ci porta à more

Corsica nostra, terra d'eroe,
Rizzati libera, falla per noi,
Portanu u nome di libertà,
I to figlioli pronti à marchjà,
Portanu u nome di libertà
I to figlioli pronti à luttà"


Ghjuvanpaulu Poletti hè un tippone.

u 14 di Lugliu 2014



1.mandatu da Si Corti avia un portu... u 14/07/2014 12:26
Evviva a Nazione corsa!! Evviva u Generale Paoli!!!

2.mandatu da pzeudo u 14/07/2014 22:42
Evviva u generale !

3.mandatu da Giacomoni u 16/07/2014 14:22
Eu metterebbe piuttostu : Filippu Antone o Filippantone Pasquale à locu di Antone Filippu Pasquale per via chì u so attu di battesimu scrittu in latinu indicheghja Philippus Antonius Paschalis. D’altronde in corsu u nome cumpostu di Filipp’Antone hè di più frequente o almenu l’aghju intesu di più chè Anton Filippu.
L’istessu per Chjara Maria, Paula Maria più corsu chè Maria Chjara, Maria Paula chì s’avvicinanu da u francese.

Per a casata si pò scrive Paoli ma ancu « de Paoli » cume signava ellu stessu. I Ghjenuvesi anu ancu scrittu « de Pauli » (cf Storia veridica della Corsica da F. M. Accinelli) ciò chì prova chì a prununzia era cusì ed hè più logica chì seguita u corsu.

Luigi G.

4.mandatu da J G u 17/07/2014 16:29
Un hanu ancu trovu megliu che una canzona guerriera per fà avanzà l'omi a u passu , a u sonu di u tamburu
Päce a à Corsica chi nun si vole scordà ma chi un vole ricumminccià a fà a guerra !!!!!!!
Intratene u rancore un ci po portà chè disgrazia

5.mandatu da U Podestà u 18/07/2014 19:33
chì putenza sta playlista paolina ! mà ci vole à mette ancu :

Canta u Populu Corsu ( I Muvrini dinù) - Sunate lu Cornu
Canta u Populu Corsu - l'Armata di l'Ombra
Canta u Populu Corsu - Corsica Nazione

I Voci di a Gravona - Rivolta paisana

A Filetta - A Paghjella di l'impicatti

è sopratuttu quessa : Hymne de Sampiero (cantatu dà Francescu-Filippu Barbolosi cù A Filetta)

6.mandatu da sardu u 20/07/2014 20:15
bè,si hè in corsu,allora si dice PASQUA'...no?

7.mandatu da sardu u 20/07/2014 20:15
bè,si hè in corsu,allora si dice PASQUA'...no?

8.mandatu da acquaviva u 21/07/2014 14:19
per u dirittu di i populi a dispone di a so destinu oghje tutti i naziunalisti di u mondu susteneni a lotta di u populu palestinese:in gaza in cisgiordania sionisti fora di a palestina basta a l'APARTHEID E A U CULUNIALISMU D'ISRAEL.

9.mandatu da anto u 22/07/2014 15:58
Mi dumandu veramente si i tempi so a canta !

10.mandatu da Tesoru u 25/07/2014 01:34
Ancu "Mal'caminu" di u gruppu "Corsica" duo di Ghjacumu Culioli è Éric Mattei ... Canzona meravigliosa per mè ...

Novu cumentu :


Seguitateci nant'à Facebook



Abbunatevi à a newsletter

Circà nant'à A Piazzetta