Accueil
Envoyer à un ami
Version imprimable
Partager

À populu fattu, bisognu à Macron ?

A visita d'Emmanuel Macron in Corsica era aspettata. Eccu un resucontu vistu da e rete suciale.



Emmanuel Macron l'avia prevenuta : « Je ne suis pas le Père Noël, et vous n’êtes pas des enfants ». Ma cum'è sempre cù i candidati in campagna, ci sò quelli chì sò cuntenti è quelli chì facenu u musu.

Quist'annu, a moda hè di cantà un canzona à un candidatu. Hè statu u casu di François Fillon. Per Emmanuel Macron a scelta s'hè purtata nant'à "Toi le pinzutu", una canzona d'Antone Ciosi.


Ùn hà micca fattu ride à tuttu u mondu.


In Furiani, l'ultras ùn eranu micca in tribuna Petrignani ma à u teatru. Avianu preparatu striscioni è bandere.


Ma ancu quand'ellu si scrive duie parolle di corsu, si trova a manera di fà un sbagliu.


Bon passemu à u discorsu. Nant'à a lingua prima : ok per l'insignamentu di u corsu à a scola, cuufficialità micca.


Hà fattu ride l'internauti chì l'insignamentu di u corsu hè autorizatu dapoi u... 1974. Hè tandu chì a lege Deixonne nant'à l'insignamentu di e lingue "regiunale" hè stata stesa à u corsu.

À u so meeting hà parlu di "encourager l'apprentissage de la langue".


Bon ci vole à dì quantunque chì sta frasa chì per noi ùn vole dì nunda, li vale centinaie di tweets d'insulte da a parte di i naziunalisti francesi.

Ci vole à crede chì Macron avia fattu nasce qualchì speranza postu chì parechji sò stati dillusi.



Pè i so sustegni corsi, bisognu à andà più luntanu. A dice Jean-Charles Orsucci à Corse-Matin di u 8/4/2017 :

"Il porte un message intéressant pour la Corse (...) il sera donc important de lui donner un maximum de députés s'il est élu, pour travailler avec la majorité présidentielle, convaincre. Et essayer d'aller plus loin sur certains sujets comme la coofficialité, où l'on est pas sur la même longueur d'ondes, bien qu'il soit favorable au bilinguisme."


In Furiani, Macron s'hè dinù addirrizzatu à u populu turchinu. Micca quellu di u Sporting. L'altru :


Infine, u candidatu hà vulsutu lancià un missaghju à i patriotti.


Per compie, Buzzfeed dice chì "la Marseillaise n'a pas été chantée avec ferveur".


Una meza-marsegliese pè rassigurà à tempu à l'autonomisti è à i republicani ?














Ritrattu Assma Maad / BuzzFeed News

l'8 d'Aprile 2017


Novu cumentu :


Seguitateci nant'à Facebook



Abbunatevi à a newsletter

Circà nant'à A Piazzetta