Accueil
Envoyer à un ami
Version imprimable
Partager

A prima fiera di a pulenda à l'hypermercatu

Hè nata a prima fiera di a pulenda di l'hypermercatu è pò trimà a fiera di Bucugnà ! Un lettore ci manda sti ritratti pigliati in u circondu bastiacciu.



Tuttu ognunu cunnosce a fiera di castagna di Bucugnà organizata dapoi più di trenta anni è successu tremendu. U merre Achille Martinetti ci spiega ch'elli ci sò 30.000 persone in trè ghjorni.

Ma a sucetà di cunsumu ricupereghja tuttu. Avà hè ancu organizata una settimana di a pulenda in un hypermercatu di u circondu di Bastia.

Un lettore ci hà mandatu sti ritratti :


Iè iè, si trova pulenda in scatulette. Bon ùn avemu micca pruvatu, ma perchè micca ?

Aspettendu u primu "Pulenda 30" chì vi porta in casa a vostra pulenda in menu di trenta minuti (cun ove, brocciu, figatellu o ketchup s'ella vi garba), vi preghemu una bona pulenda di Natale è Capu d'annu à tutti.


Ma l'infurmazione pessima hè chì per avà farina pisticcina ci n'hè sempre pocu. Carine Franchi di u Groupement Régional des Producteurs et Transformateurs de Châtaignes et Marrons de Corse spiega à Corse-Matin chì a battaglia contr'à u cynips ùn hè ancu à vince. Ci sò state 110 tone di farina AOC in u 2010... è 39 tone in u 2015.

Ùn ci semu ancu.

u 15 di Dicembre 2016



1.mandatu da Guerrini u 26/12/2016 18:08
À quandu a fiera di i brilluli ? O ancù a fiera ,à ciò chì ci passa in a mente.
Tuttu hè cummerciu oghje !

Novu cumentu :


Seguitateci nant'à Facebook


L'articuli

Abbunatevi à a newsletter

Circà nant'à A Piazzetta