Accueil
Envoyer à un ami
Version imprimable
Partager

À quandu i plastichi telecummandati ?

U pdg d'Amazon hà annunziatu a prussima rivuluzione di a so intrapresa : e cummande passate nant'à u situ è purtate in casa via l'utilizazione di "droni".



Induve si pianterà Jeff Bezos ? U patrone di u gigante americanu di cummerciu in linea ne trova sempre una.

L'ultima ch'ellu hà trovu : utilizà droni pè arrigà in casa e cummande di l'internauti. Chjamatu «Amazon Prime Air», l'affare puderia esiste da quì à quattru o cinque anni.

I droni ponu purtà robba (sin'à 2,3 chilò) è in un chjerchju di 16 chilometri in gir'à i magazini d'Amazon. U patrone parla d'una rivuluzione ecologista.

Ma hè sopr'à tuttu un furmidèvule colpu di publicità per a so intrapresa. Nanz'à Natale, hè bè trovu !

S'imagineghja tuttu ciò ch'ellu si puderia fà cù st'apparechji. Domino's avia digià fattu parlà fendu crede ch'ellu si puderia purtà pizze cù i droni.

Pacchetti è pizze seranu forse un ghjornu purtati per aria. È a prima notte turchina cù utilizazione di droni, serà per quandu ?



u 3 di Dicembre 2013



1.mandatu da Rafini Juvan'''' Pé u 03/12/2013 10:22
si pudaria ancu taglià i capelli! o purta un parraqua! o un lume, di notte!

2.mandatu da anto u 03/12/2013 15:41
Allora chi in duvè noi e strade di i paesi so piene di tafoni ,parenu folè !!

3.mandatu da Lonzu Ribellu u 03/12/2013 18:04
'' È a prima notte turchina cù utilizazione di droni, serà per quandu ? ''
E perchè no, bona idea... Pit ;-)

4.mandatu da ghjuva u 04/12/2013 18:28
ai rasgio...mdr

Novu cumentu :


Seguitateci nant'à Facebook


L'articuli

Abbunatevi à a newsletter

Circà nant'à A Piazzetta