Accueil
Envoyer à un ami
Version imprimable
Partager

À quandu un veru filmu nant'à a Corsica ?

"Les Anonymes - Ùn pienghjite micca" serà u prussimu filmu di Canal + nant'à l'affare Erignac.



À quandu un veru filmu nant'à a Corsica ?
Hà cumminciatu u filmu nant'à u "commandò Erignac" (leghje l'articulu in Corse-Matin). Si chjamerà "Les Anonymes - Ùn pienghjite micca".

Si pò discorre di a scelta di stu sugettu. Ùn serà micca appena troppu à bon'ora per fà una fizzione nant'à un sugettu sempre d'attualità ? Chì serà a visione di u scenaristu nant'à qualcosa di sempre frescu, mentre chì parechji prutagunisti sò sempre in prigiò, chì tante famiglie sò sempre in a suffrenza ? Chì riteneranu a ghjente di a versione di Pierre Schœller ? Davant'à a qualità di u telefilm calamitosu nant'à l'affare di e paillottes "Mission Sacrée;, ci hè di chè accoglie sta nutizia cun angoscia.

Ùn si pò ghjudicà nanzu d'avè vistu u filmu, ma ci hè di chè interrugassi.

Allora piuttostu chè di fà un filmu nant'à un sugettu chì ùn face ancu parte di a storia, eccu qualchì idea.

"Aleria 1975" : cun Leslie Nielsen (ancu si l'attore hè mortu) in u rollu d'Edmond.
"Le Pont de la rivière Golu" : nant'à a battaglia di Ponte Novu, cun Nicolas Cage in u rollu di Pasquale Paoli è Michel Galabru in Louis XV.
"Le Chemin des Dames" : nant'à u macellu di a guerra di 14-18 cun Kad Merrad, Jacques Bastianesi è Richard Bohringer in u rollu di i suldati corsi stirpati in prima linea.
"Sur la route de Montedison" : nant'à l'affare di i fanghi rossi in 1972.
"Elu malgré moi" : cun Jean Dujardin in u rollu di Camille de Rocca Serra.
"Il était une fois la CFR" : nant'à u muvimentu di a Corse Française et Républicaine, cun Cauet, Gérard Jugnot è Thierry Roland pè i primi rolli.
"Borgu 1768 : Corse 1, France 0" : nant'à a battaglia vinte da l'armata corsa nant'à quella di a Francia.
"Fraude Academy" : Quessu, u cunniscite tutti.

À voi di truvanne d'altri...

l'8 di Farraghju 2012
U Webmaestru



1.mandatu da Ulongu u 08/02/2012 11:17
"U mele è l'ape" versione corsa di "Le miel et les abeilles".
Calinzana 1732
Vittoria di i paisani patriotti contru à i miliziani tedeschi pagati da Genuva cù l'aiutu di i bugni d'ape.
Mel Gibson in u rolu di l'apicultore calinzanincu è Eva Joly in u rolu di De Vinz u generale alemanu.

2.mandatu da Passendu u 08/02/2012 11:25
"Starleria Wars II " : U ritornu di u filgliolu Simeoni, é guest star : Giaccobi pé Chitaba é Bucchini in Z6PO.

3.mandatu da J G u 08/02/2012 11:52
Ié o webmaestru ! ! ! sugetti pe fà i filmi un nè manca ! ma forse tennenu a fà pienghje ancu s'ellu si chjamerà Un pienghjite micca ! Un sughjettu chi ferà vende ,
" Le malheur des uns fait le bonheur des autres "

4.mandatu da Marcu antone u 08/02/2012 12:08
Liberta ! Film corse

5.mandatu da Claude E. u 08/02/2012 17:18
Scarface II, richjamatu : Scorsface.
Incu Alain O ...

6.mandatu da Ghjuliu Ferry u 08/02/2012 17:44
Perché micca "Shoah" ? Ci simu guasi....

7.mandatu da ANTO u 08/02/2012 17:55
Un filmu interessante sarebbe "la grande évasion fiscale "in cu Jauni e Tapie in dèi primi roli .

8.mandatu da ANTO u 08/02/2012 17:57
Sinnò "La grande illusion " in cu Copé e Fillon

9.mandatu da Jürgen u 08/02/2012 18:56 (da un teleffuninu)
"le dernier des mohicans", cu i pochi corsi chi fermanu

10.mandatu da Jürgen u 08/02/2012 18:56 (da un teleffuninu)
"le dernier des mohicans", cu i pochi corsi chi fermanu

11.mandatu da Venakez u 09/02/2012 02:12
U remake corsu di "Pinot, fliccu semplice" cun joseph Guy Poletti in u rollu di gérard jugnot

12.mandatu da Guizmik u 10/02/2012 04:32
"la vérité si je mens " Paul Natali dans le rôle de José garcia

13.mandatu da Stilettu.. u 10/02/2012 12:28
"Independance day" rimarcate quessu hè un filmu in VERU....

14.mandatu da ledoc u 10/02/2012 22:27
I denti, u ritornu
Cu B.Sq....

15.mandatu da ledoc u 10/02/2012 22:38
Un ponte troppu luntanu
Cun David Nivonu, u 10/02/2012 in Barchetta

16.mandatu da Avà sà chì u 11/02/2012 21:59
"le Gitan" cù Popaul Giacobbi ( lettu in le grand Orient l'express)/'

17.mandatu da Cùppula... u 12/02/2012 14:31
"U Patrignu"... incu "Alanu u bellu" "ATF" è u "Macellu".....

18.mandatu da Talavesu u 12/02/2012 23:14
Cumu aghju persu i me A
Nicols Srkozy
Ma,aghju sempre u terraniu in Corsica e altru cose!

19.mandatu da fabio u 15/02/2012 15:22
A quando un referendum per l' indipendenza della Corsica??

20.mandatu da U signaru bunifazincu u 18/02/2012 12:31
I corsi duranti a siconda guerra mundiali : un filmu per a mimoria di tutti sti corsi cascati per a liberazioni com'e scamaroni,Casanova e l'altri com'e Emile Reboli cù a so stampa clandestina in "la rue droite" eccu un beddu filmu .

Novu cumentu :