Accueil
Envoyer à un ami
Version imprimable
Partager

A rete corsa si tesse nant'à Facebook

n'avete intesu parlà in 2007, v'hà da sciappà l'arechje in 2008...



A rete corsa si tesse nant'à Facebook
A moda in stu mumentu nant'à internet sò i "siti di sucializazione". L'affare ùn hè novu postu chì numerosi forum nant'à i varii siti web corsi cunnoscenu u bellu successu. Ch'elli sianu generalisti, di sustenidori di e squatre di ballò o pulitichi, sò belli frequentati.

Ma nant'à u web l'affari vanu in furia è e mode passanu prestu. Hè cusì ch'ellu s'hè parlatu assai di i blog, eppo dopu di i blog musicali cum'è Myspace. In stu principiu di 2008, l'ultima moda si chjama Facebook. È s'è vulete esse innù a piazza, vi ci si vole à esseci !

A dimarchja hè semplice. Aprite un contu cù i vostri nomi è casata. Pudete mette i vostri ritratti, a vostra faccia o quella di u vostru cane. È dopu vi circate l'amichi. Per quesse ci sò una quantità di gruppi. Pudete sceglie per esempiu quellu di i l'admiratori di Britney Spears, quelli di u SCB o quelli chì sò anti-tektonik. Per a Corsica, ùn sò i gruppi chì mancanu ! Dopu vi fate l'amichi, cliccate nant'à a ghjente chì vi piacenu, vi rispondenu, è eccu ! Site amicu(a) cun George Clooney, Paris Hilton, Fidel Castro, Amy Winehouse o Phil Collins. Ùn hè maravigliosu ? I pudete ancu invità l'estate in casa vostra, ma ùn hè siguru ch'elli vi rispondinu...

Ma fate attenzione, l'affare ùn hè semplice. Prima chì hè tuttu scrittu in inglese, dopu chì a navigazione dumanda una bella stonda d'adattazione. Ma dopu, hè u mondu maravigliosu di a jet-set facebookiana chì s'apre à voi...

Pruvate ! omancu per fà appena i macchi...

Facebook

u 4 di Ghjenaghju 2008
u webmaestru



1.mandatu da facciaccia u 05/01/2008 13:34
Qualessi sò i gruppi corsi nant'à facebook?

2.mandatu da facebookianu u 05/01/2008 13:44
ci n'hè parechji, da quelli chì sustenenu Yvan Colonna à u fan club di i chjami aghjalesi, da i sustenidori di u SC Bastia à quelli chì sò fieri d'esse corsi è quelli chì sò anti-corsi, da quelli chì frequentanu l'acapulco à quelli chì parlanu un corsu stracciatu... ci sò dinù i corsi di parigi, i naziunalisti, i turisti chì venenu in corsica, i bastiacci... in fatti sò per u più giovani.

3.mandatu da Resistenza u 05/01/2008 16:35
È quelli chì fraquentanu u Tianu o a pizzeria "hè cusì" ùn anu ancu u so faccibuccu ?

4.mandatu da azizume u 06/01/2008 02:47
tù ridi ma hè veramente cusi facebook o resistenza ! ci hè un "fan club d'hubert tempete" cun ùn sò quantu ritratti di a pizzeria "hè cusi"... incredibile, hè un cosu di scemi stu facebook. hè propiu da vede, aio, scrivitevvi ch'e no fessimu un gruppu in ligua corsa !

5.mandatu da Sbanditu u 06/01/2008 08:21
S'è ci femu un gruppu di Corsi nant'à Facebook, pensate ch'ella serà una manera di fà ricunosce u populu corsu?

6.mandatu da sculcaracciu u 06/01/2008 13:52
so capiscu bè , ùn basta a sapè scrive corsu , cunvene a leghje l'inglese e per me , e per d'altri pensu, ghje una scrittura fastidiosua

7.mandatu da Gérard u 22/04/2009 18:36
Eccu i "Tonghi Corsi" : http://www.facebook.com/home.php#/group.php?gid=35059778795&ref=ts
[

Novu cumentu :


Seguitateci nant'à Facebook


L'articuli

Abbunatevi à a newsletter

Circà nant'à A Piazzetta