Accueil
Envoyer à un ami
Version imprimable
Partager

A rivolta di i canistrelli

Face qualchì tempu chì parechji bumbagi sò fiuriti nant'à i muri di Corsica. I Canistrelli Clandestini attaccanu...



A rivolta di i canistrelli
I Canistrelli Clandestini ùn anu ancu rivendicatu una panetta o una notte turchina, ma stu muvimentu novu hà fattu sapè ch'ellu ci vulia à cuntà nant'à ellu.

Appena da per tuttu in Corsica si ponu vede bumbagi misteriosi : "i cookies fora", "ùn vulemu più Balisto", "Pépito fora", "a rivolta di i canistrelli clandestini" è ancu un "tumberemu u sgiò Pépito".

Chì vuleranu veramente ? Aspettemu a so prima cunferenza di stampa per sapenne di più. Ma si pò pensà chì a so mutivazione hè u salvamentu di u canistrellu corsu, minacciatu da a mundializazione è da i biscuttini fresteri.

I "petits écoliers" è stu lonzu vestutu di "choco prince" ponu trimà. Ancu i biscotti "bamboula " (iè, sti biscuttini esistianu in l'anni 80...) sò spaventati. Parechje centinaie di Bounty è di Twix anu fattu e so valisgie.

Digià, si dice chì Gilbert Thiel hà piantatu di tichjassi di Palets Roudor quand'ellu hè statu infurmatu di l'attività di stu novu gruppu clandestinu. Invece, ùn capimu micca perchè Emile Zuccarelli ùn hà ancu cundannatu.

Allora, ci la feremu à salvà u biscottu nustrale ? L'affari sò in francese. Ci hè tanta rubbaccia chì ci scala in i supermercati è ind'è i panatteri... è ùn parlemu mancu di u più grande Quick di Francia chì hà da apre in Furiani.

...è di sti mullizzi di sushis, ne parlemu o nò ?

È chì ne serà di e frappe, panette, bastelle, migliacci è migliaccioli, curconi, schjacce, pisticcini, casgiate, campanili è caccavelli di Pasqua, micchette, frittelle, falculelle curtinese, fiadoni, imbrucciate, mustosi, torte pisticcine, nicci, salviate, bugliticce, pastizzu, finuchjetti è cuciole ?

Forse, uniti ci la feranu à salvà u stintu di a cucina corsa !

u 28 di Nuvembre 2010
U Sgaiuffu



1.mandatu da estrimei u 29/11/2010 08:00
forse chi so chi he fattu 'ncu a ferina pisticcina si meriti una rivolta . ma i canistrelli ,e scacce , e casgiate? da induve ghjunghje u fiore ? e in l'oliu di e fritelle o di l'oliose , u ci mettenu u struttu ?
o ghjente , fate pianu nenzu di perte a l'attaccu !
ma per contu meiu , a palesu , nepoche di fette di pulenda fritta o e casgiate di u Sabatu Santu so di i piu belli piecè !

2.mandatu da topupinutuazzezu u 29/11/2010 11:42
a lotta diventà "metapolitica"...

Ghjè un mughju di rivolta contra a mundializazione chi ha fattu, fà e farà piu danni chi a francisata nanta a nostra cultura o u pocu chi ci ne rimane...

Ye a u Migliacciu No a u Giant !!!

3.mandatu da Loukoum... u 29/11/2010 12:31
"Resistenza ALIMENTARIA" !!!!! SERA U NOVU CUMBATTU (Persu capu nanzu..).

4.mandatu da cazzinferu u 29/11/2010 15:35
a parte d'oghje ci vole a da nomi corsi a tutti sti scaladicci , u quiccu u macudonaldu l'ipopotamussu u burgherru u chebabbu e tant'altri , e po ci techjeremu di sta robbaccia per esse a a moda bell'intesa

5.mandatu da corsu u 29/11/2010 16:14
un restaurante novu in portu vecchju ,francese, ben intesu
piatti principali : choucroute e couscous ,fatti da una cucinara lorraine

4 rue jean jaures

un riditi micca

vistu in corsica mourning !!!!

6.mandatu da PULENDAGHIU u 29/11/2010 17:09
per un'andà a manghia tutta sta rubaccia in di sè cagotte ,firmatevi in casa vostra é schiaccatevi una bedda pulendata . E poi per compiela caffè hé canistrelli.o carezzu!!!!!


7.mandatu da anto u 29/11/2010 18:14
Un c'è piu chè a rimette in ballu u F L N C (Fronte Naziunale di Libérazione di u Canistrellu .) ..canale storicu !

8.mandatu da muderatu u 29/11/2010 18:44
Ghjè a culunizzaione.................puntu è basta !! eviva a corsicanova cusi cara à tutti l'anti-

razzisti..!!


ps : aghju dà finisce pè rivendicà a "cultura italiana", serà megliu che nunda no ??

9.mandatu da Ghjuvan matteu u 29/11/2010 20:28
U troppu stropia un figatellu e un casgiu e micca kebab cun a vache qui rit

10.mandatu da Tux u 30/11/2010 22:32
I Balisto ùn sò tantu mali… appena cari, iè, ma… ^^

Pè essè unestu, i canestrelli ùn mi piacenu tantu. E frappe, iè, o sti biscotti fatti in Zilia.
Listessa pè a pulenda.

Di tutte manere, eo pensu chi pè salvà a cucina corsa in a vita d'ogni ghjornu, ci vuleria primu à rendèla menu caru. Eo sò un studientu, è quandu possu scegliè tra u «jambon de Paris» à menu di 2€, è un pezzu di lonzu à più di 20€ u kilo… u sceltu si face prestu. Listessa pè i ravioli, o pè u casgiu, ecc... E ùn pensu micca esse u solu.
Bon, hè vera, ùn serve di nunda di salvà a cucina corsa pè fàne una merda cù produtti a modu "Leader Price"… ma invece, a ghjente ch'ùn po micca ofrèsi produtti corsi vanu à piglià l'abitudine di manghjà cume in cuntinente, ancu se un u vulenu micca

11.mandatu da imbecille u 01/12/2010 08:38
u casgiu corsu un he micca piu caru chi u casgiu francese

i chilo di camembert o di rochefort e un chilo di venachese o sartinese ?

fate u calculu

sarete sorpresi !!!!!

12.mandatu da pazzurgu u 14/12/2010 10:30
A furmazione pulitica "Pulenta Viva" è u sò bracciu armatu "Figatelli Storichi" un volenu sente di u Quick di Furiani

13.mandatu da andrea u 19/12/2010 13:05
MONSIEUR
je ne vous cache pas que la magagne corse et la plus belle voir la seul qui existe.
Mais il y a un mais même si je comprend que sur cette terre il faut plaisenter pour ma part les slogans employé pour celle ci et de très mauvais goût. voir même indécent. d'utiliser des slogans nationaliste pour mettre en valeur votre humour
Oui monsieur je suis la femme d'un militant nationaliste mort pour sa patrie
et croyez moi çà ne me fait pas plaisir de voir ces tags rieur.
Vous ete tomber bien bas sur la façon ou cela et fait.
Je pense que nos valeur ne ce tienne plus que a quelque canistrelli et autre cookies
la France doit bien rire de nous.
alors que des hommes on donner leur vie pour notre peuple et d'autre sont dans des geôles française. Et vous la seul chose qui vous fait plaisir c'est de faire des conférence clandestine aux nom des canistrelli
ou sont nos valeur a vous de me le dire


14.mandatu da nuit bleue u 19/12/2010 17:01
Cara Andrea, capiscu a vostra reazione, ma oghje a sapemu e ci si vole metesi a palesu, i nostri fratelli di lotta un so morti per a salvezza di u nostru Populu, ma per una sumiglia di lotta di liberazione, urganisata per una mansa di manghjoni chi hanu prufitatu di u ventu di speranza natu in lu 75 ,per piglia u putere.
Ci simu fattu burlà, avemu datu a nostra giuventu e cume u vostru maritu, certi hanu lasciatu a so vita.
duie generazione di miltanti sinceri ,patrioti curagiosi so smariti inde issa carnavalata, chi ha purtatu un pugnu di corsi senza onori e senza vergogna a u putere senza liberà u nostru paese.
Cio chi a francia avia principiatu, elli l'hanu compiu.
E a macagna un toca mica l'omi chi so cascati per una causa chi li sembrava ghjusta ma quelli chi si ne so servutu.

15.mandatu da Mufrinu.. u 19/12/2010 20:01
@ Nuit Bleue, certi capizzoni ci hanu purtatu di folle in canzone è hanu mandatu omi sinceri à i macellu... mà inovi capizzoni mi parenu ancu peghju chi ùn hhanu mancu l'onore è l'onesta di di ch'elli ùn so micca naziunalisti è ch'elli ùn volenu più salvà u populu corsu, tutttu què contra una "carriera" pulitica è una bona "fama"......

16.mandatu da nuit bleue u 19/12/2010 21:32
I novi capizzoni, a sai ,o Mufrinu, so i stessi o i figlioli spirituali di quelli chi ci hanu purtatu a u macellu, so i burghesi chi hanu vinta a so scumessa, e chi oghje so a u capu di l'assemblea di corsica, cu l'aiutu di i corsi chi l'hani purtati torna a u putere, tumbendu una siconda volta i nostri fratelli clandestini.

17.mandatu da Mufrinu.. u 19/12/2010 23:00
Nuit Bleue, parli cume quelli di a Cunsulta Naziunale...BURGHESI forse, mà sopratuttu

republicani..è framassoni...!!

Novu cumentu :