A scruccunaria di Braveheart

Ùn ci dite micca u cuntrariu. In ogni caffè, ogni fiera, ogni Bar Mitzvah di Corsica ci hè sempre un sgaiuffu per lampassi ind'un cuncertu privatu, una spezia di showcase cù una ghitarra fragica. À stu mumentu quì pudemu esse sicura, chì una canzona nant'à dui ghjè "Mi ne vocu", à l'altra hè "Stirling Bridge". I dui sucessi tamanti di u gruppu Vitalba. In quantu chì tubbi ste duie canzone anu listesse qualità : intrenente, e parolle sò belle è ci sò e rime, a sosula parfetta per viaghjà.

Ma a seconda hà qualcosa in più, qualcosa da seduce ogni spiritu ribellu ind'è noi Corsi. Stirling Bridge tratta di a battaglia di u ponte di Stirling l'11 di sittembre 1297, ciò chì ci rimanda à tutti à a scena principale di l'opara di Mel Gibson "BraveHeart" isciutu in u 1995. In fattu chì oghje ùn si sà s'ellu ghjè u filmu chì hà purtatu u sucessu à a canzona o u cuntrariu.

Stu filmu piace assai è guasgi tuttu u mondu u cunnosce à mente. È ghjè perchè à noi dinò ci piacenu e ghitarre fragiche, sta canzona, stu filmu hè soprattuttu a storia chì v'avemu da prisentà 10 elementi falsi di Braveheart è chì omu pensa veri.

Ghjustu nanzu, in corte parolle femu u riassuntu di u scenariu di u filmu : Simu in piena guerra d’indipendenza di a Scozzia (1296 - 1357), u filmu si passa in u primu pezzu di u periodu vale à dì da u 1296 à u 1314. William Wallace ghjovanu scuzzese vede u so babbu è u so fratellu fassi tumbà da l’armata inglese di u rè Edward u 1mu. Una disgrazia per u chjucu chì fughje u paese. Una volta maiò piglia a decisione di vultà in terra soia per campà tranquillu cù u so amore di sempre Murron McClannough. Quessa si face chjappà da l’inglese è tumbà dopu à avè ricusatu di piegà si à u dirittu di “cuissage” di u rè. William s’annerba, move tutti i clani per purzà l’inglese, a guerra principia…

FILMU / REALITÀ

Innò William Wallace ùn hè micca u figliolu di un ghjurnatante disgraziatu prisentatu in u filmu. In a realità William Wallace hè natu in una famiglia d’aristocrati scuzzese.

U famosu chiltu ch’ellu tene caru Mel Gibson, a classa à a scuzzese... Innò u nostru eroe ùn hà mai purtatu u chiltu. Simu quì à u 13mu seculu è u vestitu hè ghjuntu assai dopu, à u 17mu seculu ! Peccatu o Mel...

Ci simu tutti indignati davant’à què. In u filmu, ghjè unu di i passi chì participeghja u più à u sintimu d’inghjustizia : issu dirittu ch’avianu i signori inglesi di fassi e donne di i servi à palate a prima notte dopu u matrimoniu… FALSU ! I signori pudianu ancu esse cundannati per què.
Tandu ùn si parla più di dirittu.

Un peccatu per i bastiacci, ma i guerrieri scuzzesi ùn si tinghjianu micca di turchinu. Ne d’un antru culore. Sò l’antenati di i scuzzesi i Pitti (“les pictes”) seculi è seculi fà.

A lovestory trà i dui hè falsa falsa. À st’epica Isabella (nata in u 1295) ùn avia chè dui anni.

In fatti si chjamava Marion Braidfute, è certi sturiani dicenu ch’ella ùn hà mai esistuta. Pò esse una scusa per u principiu di a rebellione.

In u filmu, Edward u 1mu d’Ingliterra morre mentru chì William Wallace si face marturià da u boia inglese. In a realità Eduardu hè mortu dui anni dopu à l’età di 68 anni d’una maladia.

Mel Gibson ci mostra a battaglia nantu à un pratu... Falsu dinò ! A battaglia di Stirling induve si sò fatti crepà l’inglesi s’hè passata nantu à un ponte (eccu perchè Stirling Bridge, l’avete capita).
I nostri cari palatini in Ponte Novu si pudianu quantunque rinsegnà appena nanzu...

Iè u corciu di Wallace s’hè fattu impiccà, scapà, sventrà è ancu stintinà. Ma micca solu què !
À u medievu, per què vi cacciavanu ancu e borse...

Ùn simu micca sicuri chì u mughju di u nostru William fussi statu u famosu “FREEDOOOOM”.
Chì serà statu ? È voi n’avete un idea ?