Accueil
Envoyer à un ami
Version imprimable
Partager

A staghjoni di u GFCA in 10 scontri

Ùn ci cridimu micca, ùn ci pari vera, eppuru - ne semi siguri - u GFCA ghjucarà un'antru annu in Lega 1. Eccu un riassuntu di ciò chì s'hè passatu quist'annu, da l'impinsevuli à l'essa...



A staghjoni di u GFCA in 10 scontri

1. Prima ghjurnata : GFCA - Valenciennes, vittoria 2-0 !

Par u so ritornu in Lega 2, u Gazélec scontra un Valenciennes in diprissioni dop'à a so falata di Lega 1 è u tintu Novaes hè sempri in a gabbia. A dinamica pusitiva di a staghjoni scorsa cuntinueghja è a prima vittoria faci prò. In i tribuni, u issaghju di i sustinitori hè chjaru è forti.

2. Terza ghjurnata : GFCA - ACA, scunfitta 0-2 !

Più di quindici anni dopu, eccu infini un derby aiaccinu. I diavuli sò narbosi è intimmuriti è l'aceisti facini parlà a so spirienza. Par a sola volta di a staghjoni l'orsi facini a festa. U "Gaz" eddu perdi incù mori rigretti.

3. U 26 di sittembri GFCA - Nîmes, vittoria 2-0

Bréchet, anzianu difensori di l'Inter Milan (frà altri) hà firmatu pocu nanzu à a fini di u mercato. U so assocciu incù Rodé Filippi faci un scempiu è a difesa veni stabilizata. Thsibumbu è Fabre (d'un tiru à u volu magnificu marcani in u primu tempu, è Maoulida si faci macagnà da u publicu ("et elle est où la bandelette").

Terza vittoria di fila par u Gazelec chì spunta annantu à u podium par a prima volta di a staghjoni.


4. 15 di Nuvembri, in cuppa di Francia, Arras - GFCA, scunfitta 2-0

Nunda da ritena fora chì l'effettivu (assai ghjustu in quantità) di i rossi è turchini pò cuncintrà tutta a so anirgia annantu à u campiunatu. Sarà un mali par un bè ma ùn la sapemi ancu...

5. 28 di Nuvembri,Tours - GFCA, scunfitta 2-1

Pantaloni si n'hè dighjà andatu di Tours è dopu à u culpacciu di l'annu scorsu, Jean-Marc Ettori faci torna una gambetta à l'aiaccini battenduli 2 à 1, ma dopu ssu scontru principiarà una siguita di 10 macci infilarati senza scunfita !

6. 23 di ghjinnaghju, ACA - GFCA,, vittoria 3-0

L'ora di a rivincita tanta aspittata dipoi u 1998 hè ghjunta ! Comi un simbulu hè Louis Poggi, quiddu chì hè à u Gazélec ciò chì Cahuzac hè à u Sporting, chì marca a prima reta ! I cummenti di RCFM parlani di "passation de pouvoir", i diavuli sò quarti di a classifica è a macagna aiaccina si sprima in Timizzolu.
"Le Gazelec remplit Timizzolo encore"
"Le Gazelec remplit Timizzolo encore"


7. 13 di farraghju, GFCA - Angers, vittoria 1-0

U Gazélec s'appicica à u podium. I corsi ùn ci credini ancu ma i francesi ani capitu chì ci hè un "piriculu" di cuddata in Lega 1. Hè u ritornu di u famosu "contexte corse".

L'intrinadori d'Angers dichjararà : "Ici 3 fois sur 4 on fini à 10... Ce n'est pas d'aujourd'hui et ça va continuer... Je comprends mieux pourquoi chez eux ils ne perdent pas"


8. Marzu è aprili, Nancy è Sochaux cascani in Mezavia !

Dui squadroni di a Lega 2 chì sunnieghjani sempri à una ricuddata sò battuti da ghjucadori indiavulati ! Ciò chì era impinsevuli à l'iniziu di a staghjoni hè oramai un "sonniu veru". I trè reti contru à Sochaux sò fantastichi. U povaru Michel Moretti avaria pussutu dì : "et Pelé n'en revient pas..."


9. 9 di maghju : Creteil - GFCA, parità 1-1

In ssu ghjornu d'annivarsariu maladettu par i Corsi, ùn hè ancu l'ora di a vittoria ma s'avvicina. U puntu vintu aghjustatu à a scunfitta di Dijon assicureghja quasgi a cuddata in Lega 1. In Duvauchelle, 250 accaniti ani fattu u spiazzamentu è missu u rimusciu.
A staghjoni di u GFCA in 10 scontri

10. 15 di maghju, GFCA - Niort, da l'impinsevuli à l'essa

À i ghjucadori è i sustinitori di fà chì ssu ghjornu sighi stampatu par l'eternu in a longa storia di u GFCA.

Ne meurt pas qui combat

u 15 di Maghju 2015
U Pettirossu


Novu cumentu :


Seguitateci nant'à Facebook


L'articuli

Abbunatevi à a newsletter

Circà nant'à A Piazzetta