Accueil
Envoyer à un ami
Version imprimable
Partager

A valutazione di i ministri...

L'hà detta Sarkozy, i ministri saranu valutati. Parechji criterii sò stati scelti secondu e funzione è e missione di i ministri. Allora, s'omu vole valutà i ministri, perchè ùn feriamu micca una valutazione di i capazzoni di u cunsigliu esecutivu.



A valutazione di i ministri...
Per esempiu, si puderebbe valutà u rispunsevule di l'acqua secondu u prezzu di l'acqua, secondu i ghjorni senza acqua, in funzione quantunque di a sicchia. Ma sarebbe più difficiule di valutà à longu andà. Perchè i capatoghji liati à a sicchia è à l'evuluzione di u clima ùn si ponu micca misurà à a lesta, in quattru è trè sette.
Di fatti, u tempu di l'azzione pulitica ùn hè quellu di a valutazione da l'upinione o da i media.

Infine, nant'à u tema di a valutazione. Si puderebbe valutà u pesu di a pulitica linguistica di a CTC in funzione di a calata o di a cullata di u numeru di i lucutori corsi... Hè solu quessu l'elementu da piglià in contu, ancu puru s'è d'altre infurmazione puderianu puntillà u studiu. Tandu, i capizzoni difenderianu i so risultati dinunziendu i pochi mezi chì li sò stati dati. Ma tandu, ùn simu più in a realità ma in a pulitica fizzione...

u 5 di Ghjenaghju 2008
Sbanditu


Novu cumentu :


Seguitateci nant'à Facebook


L'articuli

Abbunatevi à a newsletter

Circà nant'à A Piazzetta