Accueil
Envoyer à un ami
Version imprimable
Partager

"A viulenza hè male"

4 fucilate, 2 morti, 4 feriti in un ghjornu. U procuratore d'Aiacciu ci annunzia un scoop : ci hè a viulenza in Corsica.



"A viulenza hè male"
L'analisa a più bona di a ghjurnata nera chì a Corsica hà cunnisciutu eri ci vene da Thomas Pison, u procuratore di a Ripublica in Corse-Matin : « Il y a un climat de violence important ».

Felicitazioni, ùn ci n'eramu micca resi contu. Averia pussutu aghjustà chì quand'ellu piove semu crosci, chì a crisa hè gattiva, chì a viulenza hè male, chì i cani abbaghjanu, chì i rancichi sò topi.

Di manera più seria, cumu ùn esse inchietu di l'attualità di st'ultimi ghjorni ? Detta quessa, chì pudemu fà ?

Sei mesi dopu à i dibattiti nant'à a viulenza à a CTC, semu sempre à sicutera. Arricurdatevi : La « commission violence » de la CTC veut donner un signal fort à la Corse (Corse-Matin di u 7 di maghju 2011).

Pudemu cuntrastà ore sane, u discorsu chì dumineghja hè u sempiternu "Corsica ùn averà mai bè", "chì semu duventati" è "povera Cursichella". L'aviamu detta, pè l'assassinii femu peghju ch'è a Sicilia.

Riorganizazione di i maffiosi post-Brise de Mer, picculi dealers è affari di droga, interessi in l'immubiliare è u BTP, u turìsimu... Tuttu s'imbuleghja. A viulenza è e maffie nascenu in a miseria è u sottu sviluppu. Saria ora di cummincià à indignassi da veru, è micca solu quandu esce "Mafiosa"...

u 9 di Nuvembre 2011



1.mandatu da a maffia fora u 10/11/2011 00:13
Manunta : "Ils m'ont condamné à mort" accuse t-il en citant l'épisode de Capo de l'été dernier. " Je suis victime d'une cabale de la part de personnes qui ont leurs réseaux dans la Police et dans la Société"
Et Yves Manunta ajoute : "Tout le monde le sait . Et ceux qui ont agi sont des crapules, des porte-flingues de commanditaires en col blanc bien connus. Et tout le monde fait avec…"

2.mandatu da U Palatinu u 10/11/2011 08:43
È torna à Vignale ! È torna torna à Vignale !
Un pocu di pietà per a ghjente di Vignale, quantunque, i corcii !!

È torna u sunniacciu riprincipia sempre à invelenà l’anime, è à sempre veste a nostra cara è corcia Corsica di i so panni di tristezza, di dolu, è d’affanu.
È hè sempre u stessu scumpientu, u stessu spaventu, u stessu odiu di sta situazione cusì generatriccia di doli.
Ogni volta, à ogni assassinamentu, sempre simu à l’addisperu, è sempre preghemu, senza credecci mancu una seconda, ch’ellu sia veramente l’ultimu mortu.
Ùn ci credimu micca, simu sicuri ch’ellu ùn serà l’ultimu mortu, è puru perseguitemu di sperà.

À ogni assassinamenti, certi, per amminurì u dolu, si dicenu, provanu di cunvinchessi ch’e quale ch’e a vittima era statu un gattivu sughjettu, forse un maffiosu o un maffiusellu, è ch’ellu avia meritatu a so situazione, ch’ellu avia meritatu di more.
St’analisa mi dispiace più ch’e propiu, prima perchè in a mio filosufia, cunsidercu ch’ogni vita hè sacrata, è chì nimu ùn merita l’assassinamentu, è dopu perchè hè una manera di velà u prublemu, di reducellu à a so più minima spressione. Seraghju sicuramente l’ultimu à negà ch’ellu ci sia un veru prublemu di criminalità è di maffia in Corsica, un prublemu più ch’e maghjore chì annegà a nostra tinta Patria sott’à un oceanu di maldestinu.
Puru, è per mè, ogni vita umana hè sacra
A morte d’un omu, a dicu, hè sempre un drama.
Ma quandu sta morte ùn hè ne naturale ne accidentale, hè tuttu una tragedia, è u dolu ùn si stancia.

Di sicuru, si dice ancu chì certi assassinamenti eranu per vindicà un altra morte, è ch’ella hè a nostra « cultura » ch’e di vindicàssi.
Ùn sò manc’appena d’accunsentu una seconda.
Per mè, a « cultura » ùn hè manc’una stundetta una scusa valevule.
L’assassinamenti sò scumpienti tamanti, è per esse sempre statu diffensore di a cultura corsa, sò assai primurosu ch’e certi abbandunessinu sta "tradizione" cusì infama.

D’altronde, a vindetta ùn appartene micca à u campu di a maghjorità di l’assassinamenti, è sò propiu luntanu d’esse cunvintu ch’e i morti ebbinu tutti i mani insanguinati. Inoltre, pensu ch’ellu seria fà inghjuria à a so memoria ch’e di sempre imbruttàlli, dicendu ch’elli sò morti perchè avianu tombu, è ch’ella hè un bè.
I morti, ancu per ùn esse micca tutti nucenti, ùn eranu micca tutti culpevuli.

U sangue ùn lava nunda.




PS : scusate, ma ùn aghju micca avutu u tempu di scrive un articulu nant'à u mio bloggu nant'à stu sughjettu.

3.mandatu da U Palatinu u 10/11/2011 09:25

4.mandatu da Malmignatta u 10/11/2011 09:37 (da un teleffuninu)
"Saria ora di cummincià à indignassi da veru" tuttu hè dettu

5.mandatu da ANTO u 10/11/2011 16:50
Ghjè so chi si po chjamà u riaquistu.Tempi fa andavamu a strepacci in cuntinente !

6.mandatu da J G u 11/11/2011 06:25
Povere mamme , povere moglie , poveri figlpoli povera vittima !

Quelli chi tombanu credenu forse d'ave di piu dirittu di campà che a so vittima ?

Nisuna scusa un vale per assolve un crimine !

un fà micca a l'altri cio che tu un voreste micca ch'elli ti fessinu !

Per quale si piglianu quelli chi tombanu ? si credenu megliu che l'altri?

chi face a nostra pulizza chi un arresta mai l'assassini ? c'hé da dumandassila

L'ASSASSINI TUTTI IN PRIGIÖ ! ! ! ! !

INNO A L'ASSASSINI ! ! ! ! ! ASSASSINI ! ! ! ASSASSINI !! ! ASSASSINI ! ! !

7.mandatu da Alexferox u 11/11/2011 12:26

A peghju manera ma a piu eficiente di lascià crepà a Corsica e i Corsi ghje fà di a Corsica un spaziu di "mezza Legge, cumè nè e "banlieues" francese, l'indigènes si tazzanu trà di elli. Mancu piu bisognu di mandà CRS.. Trà a mafia e a miseria, a sumissione si portà benissimu !

8.mandatu da a maffia fora u 11/11/2011 12:29
Eccelente cummentu d'Alexferox. bravissimu... nunda da aghjustà.

9.mandatu da Cugnome u 12/11/2011 08:17
Da qui a una settimana,tuttu u mondu si ne serà scurdatu

10.mandatu da Claude, u 12/11/2011 11:34
o zite l'avemu sceltu tutta sta robba alora bon... simu tutti cuntenti avemu vutatu e so stati eletti, alora "indignassi" di che?

simu peghji che u "regime kadafi", u tintacciu, speremu tutti tucca un po di pane chi sarebe cascatu di u tavulinu.

eiu mi n'impipu, ch'elli si sterpanu tantu megliu.

11.mandatu da Alexferox u 14/11/2011 18:19
Avemu a listessa pupulazione e l'Islanda ghje un isula piu disgraziata che a nostra (clima, natura...) : REYKJAVIK - Le spectaculaire rétablissement économique de l'Islande, au bord de la banqueroute il y a trois ans, enseigne qu'un gouvernement doit laisser les banques faire faillite plutôt que de s'attaquer au contribuable, relèvent des analystes.
L'Express

A la différence des pays précédents, l'Islande n'est pas membre de l'Union européenne. Sa monnaie n'est pas l'euro. Dans ce tout petit pays qui a vu sa croissance s'arrêter net avec la crack bancaire de 2008, la gestion politique de la crise a été très différente. Celle-ci a provoqué la faillite totale du système bancaire et de fortes tensions avec certains pays (Angleterre, Pays-Bas) touchés par le naufrage des banques islandaises.

Le gouvernement de l'époque a été renversé et le recours au référendum a changé la donne politique. Interrogés, les Islandais ont refusé les plans de sauvetage et les mesures de remboursement de leur dette. La crise économique a débouché sur une crise politique et des élections ont été imposées.

Quand à l'économie, elle s'est très fortement contractée (près de 10% en 2009) mais a pu compter sur la dévaluation (-50% par rapport à l'euro) de sa monnaie pour repartir en 2010. Quant aux créanciers, ils ont du accepter les décisions islandaises.
FranceTV

12.mandatu da Alexferox u 14/11/2011 18:23
Vulia di a tutti quelli chi pensannu chi a Corsica a bisogna di a Francia per campà, hannu u ciarvellu struttu (guardenu troppu a France Television !). Oghje 320 000 personne, una ghjuventu qualificata, un bon clima, micca centrale nucleare, acqua dolce e u mare... Ci di che campà sazii e felici... A cundizione di lampà fora i manghjoni di tutte e mafie, financiarie e puliticche...

13.mandatu da perchè micca u 15/11/2011 00:29
Piombu ! ma chè què ? sì ottimistu tù !!

14.mandatu da J G u 15/11/2011 10:06
Lampà à mafia fora ! ma in due fora ? in i rumenzulaghji di lussu ?
A me mi pare chi ci vole a lampalla nentru ! A mafia in prigio !
i tonti a Castellucciu ! i corci a u travagliu ! ...............................

15.mandatu da Alexferox u 16/11/2011 08:16
Benintesu "fora" ghje "fora" di a vita cummuna, "fora" ghje "nentru"... in priggo, micca in mare !

16.mandatu da U Palatinu u 16/11/2011 08:17
S'e mi permettite di dà u mio parè, diceria ch'o sò assai d'accunsentu incù u parè d'Alexferox, ancu s'e, quante Perchè micca, pensu ch'ellu ùn serà micca cusì faciule. Un idea hè sempre più cuncipibile ch'e un attu veru, incù tante forze antagoniste.
D'un altru latu ùn possu micca veramente esse d'accunsentu incù Claude quand'ellu dice b[ch'elli si sterpanu tantu megliu]b. Perchè d'un latu, ùn si tombanu micca soli culpevuli, si tombanu ancu nucenti (senza parlà di e "vittime collaterale"), ch'ùn sò micca sicuru ch'ogni personne assassinate di st'ultimi anni eranu tutti rubacce, è dinù perchè cunsideru chì ogni vita umana hè sacrata, ancu da i più furbi.

17.mandatu da pas de cartier u 17/11/2011 19:50
Eiu mi dumandu s'é no campemu ind'é u listessu paese ,perché mi pare qui oghje u ci hé piu u palmu di nettu.
Chi mudellu oghje pé a giuventu ??
Sonu é gattive cumpagnie chi guastanu a giuventu.
Eiu pensu cum'é claude .al di la di ch'elli chi so tombu per a voce,é i nucenti.

Tueurs nés !! ??

18.mandatu da J G u 29/11/2011 05:48
I BANDITI moderni un piglianu più a machja !
Si maschereghjanu e si uniscenu pe palisà e so malfatte
Facenu e so sentenze a huis clos
Vendicheghjanu quelli chi viaghjanu a u so passu
Un ghjornu ci volerà che no viaghjimu tutti a u so passu se no vulimu campà per chi Attraversu a e so maschere hanu l'ochi stretti , un vedenu micca piu luntanu che u so nasu

I CORSI VOLENU CAMPA IN PACE

E LOTTE CLANDESTINE BASTA

E VISERE BASTA

A VIULENZA BASTA

Novu cumentu :