Accueil
Envoyer à un ami
Version imprimable
Partager

"Aghju u t-shirt di Che Guevara ma mi stumaca Bucchini". Cuerenza ?

I rivuluziunarii in Sebago sò di surtita. Dapoi una settimana a Corsica cunnosce un muvimentu anti cummunistu cun l'elezzione di Bucchini. Purtantu a persunalità preferita di i Corsi hè un argentinu marxistu. "Sò revuluziunariu, aghju l'autocollant" !



"Aghju u t-shirt di Che Guevara ma mi stumaca Bucchini". Cuerenza ?
A settimana scorsa hà vistu a Corsica cunnosce una frebba d'anti-cummunisimu.

L'URSS era di ritornu, Staline avia da rimpiazzà à Napuliò, u KGB ripiglià u Sporting è Rocca Serra finisce à u Goulag.

Ùn v'inchietate, di rivuluzione ùn ci ne serà. U rollu di presidente di l'assemblea hè più simbòlicu ch'altru affare.

U liberale Paul "Emploi" Giacobbi ùn hà nunda d'un anti-capitalistu è Michel Stefani ùn averà mancu l'offiziu di i trasporti !

Micca inchietutine dunque. Puderete cuntinuvà à empie u vostru caddie à Géant Casino. Ùn si puderà mancu sperà chì i terreni di i Pippulacci di Balagna è di Portivechju sianu requisiziunati.

Peccatu, ci venia bè un kolkhoze in Sperone.

Ci hè quantunque da riflette nant'à st'altra schisofrenia corsa : esse fan di Che Guevara, avè l'autocollant nant'à u 4x4 è u t-shirt luccicante per mette à l'Acapulco, è esse di manera prufonda anti-cummunistu.

Bon, sapiamu bè chì a Corsica hè piena di rivuluziunarii di carnavale è di Guevaristi in Sebago, ma quantunque.

Per infurmazione, Ernestu Guevara era un rivuluziunariu marxista chì hà participatu à mette in piazza u regime sucialista di Fidel Castro à Cuba.

Speremu almenu chì l'episodiu di Bucchini à a CTC ghjuverà à certi d'interrugassi nant'à l'idee di manca è di diritta è d'interessassi appena à a storia pulitica di u seculu passatu.

Chì hè esse di manca oghje ? Quale hà un prugramma di manca in Corsica ? Perchè mettu un autocollant di Che Guevara nant'à u 4x4 ?

Da rifletteci...

"Aghju u t-shirt di Che Guevara ma mi stumaca Bucchini". Cuerenza ?

u 30 di Marzu 2010
u webmaestru



1.mandatu da Mazzone u 30/03/2010 09:34
"Da rifletteci..."

Hè di ritornu ancu "A Bistuca" ?! Pocu "retour gagnant" què, megliu chè Bucchini !

2.mandatu da GWM u 30/03/2010 10:11
"o fratè, t'avemu cantatu "Hasta siempre" cum'è persi à u 'comptoir' mà postu chi ùn semu micca di quelli minuti, avemu sciaccatu a nostra buttiglia di Dom-Pè, a sai, goco ! è quale semu!"

3.mandatu da Zeruffu u 30/03/2010 11:32
L'uppusizione manca/dritta hé falsa in Corsica. Ghjova a piatta u veru dibattitu : ie o no a u naziunalismu.
Ind'e a seria di e cunnerie, c'he dino l'anti-americanismu primariu, postu chi l'USA un c'hanu mai entruti ind'e u prublemu corsu, e chi si po scuntra ind'e certi "militanti"... fan di u Che e di l'Acapulco...

4.mandatu da filidatu u 30/03/2010 12:09
Ma i nostri revuluziunarii, a saperanu propiu qual'era Che Guevara??
O puru Carlu Marx???

5.mandatu da karl merzu u 30/03/2010 13:55
altra riflessione :

u "front de gôche" serà rivuluziunariu ?

6.mandatu da karl merzu u 30/03/2010 13:55
è un sugettu à u baccu 2050 :

"in chè a pulitica di Paul Giacobbi era di manca ?"

that is the question !

7.mandatu da anto u 30/03/2010 16:44
Manca e dritta so due nuzioni chi un volenu piu di nundà !Ava ci vole a parla di sopra e di sottu cusi si capisce mégliu !A sapia cusi quellu Raffarin cù a so "France d'en bas "

8.mandatu da Tarzan di a vechja cità u 31/03/2010 07:59
Era una pulitica di manca di custruiscia a Prumitei incù vinti impieghi è incù u filu di 5 suciità organizati pà magnassi frutt'è fondu è svapura più di dui millioni d'euri in un annu è mezu?
O ghjustu una magnaria urdinaria?
T'ani da chi avè i pinseri ind'u paesi di lozzi...

9.mandatu da ortifocu briziu u 01/04/2010 08:07
Ripresu da Petru Mari stamane ind'è a so cronica,
nanzu france3 corsica è ancu Torche matin, da quì à pocu v'ete da fà maccagna voi, primu media seriu di a Corsica, da quì à pocu ùn si puderà più dì cunnarii è vi lamparete ind'a pulitica suvitendu u filu di i "mous" versus"durs".
Fate parechje dumande di subvenzione è cummenciate puru à dacci lezzione di murale!

Novu cumentu :