Accueil
Envoyer à un ami
Version imprimable
Partager

Aiò, servici ! Perchè u cerbellu umanu ùn vole sente parlà di u cambiamentu climàticu

A Cop21 hè compia è noi in Corsica pensemu sempre ch'ellu si tratta d'una coppa purcina di u XXI esimu seculu invintata in Parigi da qualchì lonzu pinzutu. D'eculugia, si ne parla pocu è micca.



Aiò, servici ! Perchè u cerbellu umanu ùn vole sente parlà di u cambiamentu climàticu
Hà dettu unu : durante seculi è seculi, noi altri umani avemu cridutu ciò ch'ùn esistia micca ed avale ricusemu di crede ciò chì esiste. 

Cumu serà ? Si pò parlà di cose fatàstiche, di murtulaghji, di mazzeri, di Paradisu, d'Infernu, d'ànghjuli, o puru d'eletti onesti o di u SCB in finale di l'Europa League... ma giremu u capu quandu si parla u riscaldamentu climàticu.

Perchè una tale cecàghjine vuluntaria quand'ellu s'agisce di què ? Perchè u cerbellu umanu sarebbe fattu cusì, ci dicenu i sapientoni : u cerbellu ùn vole sente parlà nè di u futuru nè di sacrifizi. In più, in quella storia di clima chì si sregula ùn avemu mancu un gattivu nemicu à l'usu Dark Vador, The joker o A Gloscia Maiò (Canioni ? Jean-Jean ?) à cumbatte.

Serà vera quessa ? Manc'appena.

U futuru hè digià quì : evenimenti climàtichi (fiumare, inalzamentu di l'acqua...) strani è stremi, disòrdine ecològicu (Xylella...) ci n'hè ogni ghjornu.

Sacrifiziu ? U sacrifiziu serà pocu : rinuncià à u cunsumerisimu sfrenatu ? À fruzà l'energia ? À fà ghjunghje porri è pomi da l'altra parte di u mondu ?

È u gattivissimu nemicu l'avemu di siguru : noi stessi ! Ah ah...

Aiò, servici !

u 16 di Dicembre 2015
Zenbucucciu



1.mandatu da franchi sta in u 18/12/2015 10:38
perchè i cerbelli sò platti...!!!

2.mandatu da estrimei u 18/12/2015 11:57
`ùn aghju tantu a aghjustà postu chi stu scrittu; hè fattu per facci riflette a ciò che no' vulemu esse .
ci ghjunghjeremu a capì chi d'avè tuttu più bellu , più maiò , più sollu ,più pu(d)ere , più , sempre di più , ùn face micca a nostra vita più bella ?
femu casu a u "progrès" a u "développement "à "l'évolution ", ci portanu più spessu guai che benestà .....

Novu cumentu :


Seguitateci nant'à Facebook


L'articuli

Abbunatevi à a newsletter

Circà nant'à A Piazzetta