Accueil
Envoyer à un ami
Version imprimable
Partager

Aiutemu a maffia russia à stallassi in Corsica

In materia di maffia, ci vole à crede ch'ellu ùn ci n'hè mai abbastanza in Corsica. A CTC vole aiutà l'impiantu di capitali russii in l'ecunumia corsa. Nò, ùn hè disgraziatamente micca una magagna.



Aiutemu a maffia russia à stallassi in Corsica
D'accordu, ci vole à malfidassi di u mitu di a maffia russia chì si vole impatruniscesi di u mondu... ma quantunque. Si sà chì l'investiscimenti russii sò dubbitosi assai.

In una intervista à Alta Frequenza Dumènicu Bucchini ci dà a so versione di e rilazione trà Corsica è Russia :

"ce grand pays estime qu'il est nécessaire en France et en Corse d'approcher la réalité touristique (...) il s'agira de concrétiser cela, avec le président Giacobbi on va s'atteler à la tache".

Nò, ùn sunniate micca hè bè u presidente di l'Assemblea di Corsica chì dice què. Ùn si tratta micca solu di scambii per fà vene turisti in più l'estate, ma bè d'investiscimenti :

"Ils ont été emballés, ils sont prêts à discuter en particulier avec la chambre de commerce pour que ces choses-là s'accentuent de manière encore plus forte."

Incredibile ? Aspettate, cuntinuvemu :

"il serait bien de commencer par les accueillir par le biais des croisières mais après essayer de voir... dans certains endroits de l'île ils sont implantés ils ont déjà acheté des structures, il y a pas de raisons qu'ils continuent pas si on arrive à concrétiser les espoirs communs qu'on a mis en avant..."

Eccu, hè detta. È cum'ellu dicia Chirac, "plus c'est gros, mieux ça passe" !

Per infurmazione, a maffia russia hà millioni à investisce per sbiancà, in particulare in l'ostelleria, l'immubiliare, u turisimu. Ma postu chì "ça va créer des emplois" tuttu u mondu hè cuntentu.

Da leghje :
Les nouveaux eldorados de la mafia russe en France (Le Parisien)
Impérialiste mafia russe (L'Express)

Bona lettura !

u 14 di Marzu 2011
U Sgaiuffu



1.mandatu da Coco Munistu u 14/03/2011 22:30
Cum'hè bè d'avè un presidente communistu !

2.mandatu da Tux u 14/03/2011 23:32
Ah iè! A Piazzetta avia a ragione! I tanki russi avenu da vene pè marchjà nant'à Piazza Saint Nicolas, è pè fà alzà a bandera rossa nant'u tetu di a Citadella di Corti

3.mandatu da francescu u francese u 15/03/2011 01:15
ma seranu cusì baulli à a CTC ???

ùn sapia micca chi i soldi interessavanu tantu à D. BUCCHINI ! o figlioli, u tippu difende i CAPITALISTI RUSSII, ci vole à falla !!!!

o Tux, aghju paura ch'ella era menu periculosa l'armata rossa, chè i maffiosi russii... si so digià impatruniti di parechji lochi di Spagna è di Francia, ùn li mancava che a corsica

e questi, ùn li caccemu più !

4.mandatu da francescu u francese u 15/03/2011 01:15
è u FRONT DE GAUCHE, chi ne dice ???

5.mandatu da Vodka-moussor u 15/03/2011 02:01 (da un teleffuninu)
So capiscu bè Bucchini ci spieca ch'ellu dà a corsica a grossi capitalisti stranieri (aux capitaux douteux), e ci vole a felicitassi ?

Reviens Léonide, ils sont devenus fous...

6.mandatu da estrimei u 15/03/2011 07:41
he imbanbuccitu D.Bucchini ?
ci'uleranu ancu i russii avà!
M.Leccia dice ch'elli un resta che 25% di ghjente in Corsica chi parla a lingua ; incu i russii puemu fallà piu in bassu per salvà "l 'ecunumia ".
eu , a i russii li prupongu di cumprassi a sncm incu i so marinari cgt-Marseille (e ancu Kyrnolia) e d'andassine a girà u mondu. "l'ecunumia " di u Populu corsu un anderà che megliu

7.mandatu da CORSIKALINCA u 15/03/2011 08:50
I chjami aghjalesi so digia in cunbricula cu i russi. E viva a CTC aioooooo servite a tutti VODKA bella sicura

8.mandatu da Fabien u 15/03/2011 09:27
I Russi ? O sgio Bucchini, chi ne pensate di i Japanesi ? Seranu prestu millioni da cercà un agrottu. So abituati da vive nant'à un isula, so struiti, puliti, curtesi, è so campioni di ghjochi video. E a so mafia hè simpàtica anch'ella.

9.mandatu da Muammar u 15/03/2011 09:40
E pinsaranu tutte...

10.mandatu da ANTO u 15/03/2011 12:29
Bucchini hè cun tutti quelli chi volenu bè a a Corsica : a CGT di i marinari chi ci strangola ,a maffia russia ,e tutti i capizzoni "pseudo/cummunisti ,ch'un cercanu che una cosa :mettecilu a seccu !FORA I MANGHONI !

11.mandatu da Kusigoff u 15/03/2011 13:23
A quandu una vodka corsa pà suità l'asempiu di a biera, di u whisky è di u Coca?A CTC pudaria urganizà un concursu pà truvà un nomi à ssu nuveddu pruduttu idintitariu...

12.mandatu da Cocomunistu panistu u 15/03/2011 13:52
Pè fà affari incu a Maffia corsa...o pè rimpiazzià i nostri gran sgaiuffi ??

13.mandatu da Coco Munistu u 15/03/2011 14:56
O Kusigoff, ci n'hè una ! Altezza si chjama

14.mandatu da rocca sera u 15/03/2011 16:51
a figliola di putin passa e so vacanze a casa del mare hotel cinque stelle in purti vechju
i russi hannu compru terreni in bunifaziu e in favona!!!!

15.mandatu da estrimei u 15/03/2011 18:47
serà anc'ella in l'impresa "Campemu a l'usu corsu " di Foni (Faone) ?

Novu cumentu :


Seguitateci nant'à Facebook


L'articuli

Abbunatevi à a newsletter

Circà nant'à A Piazzetta