Accueil
Envoyer à un ami
Version imprimable
Partager

Aiutemu i maffiuselli corsi

I tempi sò duri pè i maffiosi, trafficoni è ladri corsi. Aiutemuli ! Pè a partita Bastia - Fréjus : per una piazza di stadiu cumprata, 15 eurò seranu offerti à i scrucconi.



Aiutemu i maffiuselli corsi
Nanzu, quandu andavate à vede un macciu in Furiani sapiate ch'è vo ingrassavate a panza di certi dirigenti, ma ùn era micca ufficiale.

Quantu scrucconi anu prufittatu di u Sporting per cumprassi case, 4x4 è jet-ski ? Tutte e tendenze pulìtiche sò state rapresentate in sta manghjeria generale dapoi 40 anni.

Oghje, l'affari sò ancu più sèmplici. Di soldi da manghjà, ci n'hè pochi in terza divisione. E casce sò viote, i sponsor sò rari.

Allora, u megliu era di braccà direttamente a biglietteria una sera di macciu. A perfurmenza hè stata realizata marti sera durante a partita Bastia - Fréjus.

Un omu in mottò hè venutu à piglià a ricetta à e casce. Puderà almenu cumprassi una vesta nova Millet, mettesi qualchì buttiglia in buatta è fassi qualchì ragliu di coke.

Quandu vi diciamu chì a realità corsa hè peghju ch'è a fizzione ! Quessu, mancu i scenaristi di "Mafiosa" l'avianu trova... "Et qui on est ?"

À forza di tichjassi di Scarface, di Mesrine è di cuccaina, ne pudemu esse siguri : a Corsica avanza da veru.

u 10 di Nuvembre 2010
U Sgaiuffu



1.mandatu da Tony Muntagna.. u 10/11/2010 06:17
Mafiuselli ?? in Corsica un ci n'hè, ci so solli i Grossi Mafiosi ..!!

E quale simu.!!!

2.mandatu da KÜG u 10/11/2010 09:51
U Sporting, primu spettaculu pagante di Corsica, dicia quellu...

3.mandatu da estrimei u 10/11/2010 12:46
un aghju nunda a aghjustà.
so d'accunsentu 'ncu tè o Sgaiu' !

4.mandatu da Tony Muntagna.. u 10/11/2010 13:33
Averanu pigliatu pocu affari sti baschicci...!! Mà ghjè u simbulu chi face male..!!

5.mandatu da Rignol Padovani u 10/11/2010 14:15
Micca bisogna d'esse Maffiosu o maffiusellu per bracà a biglieteria di u "Spurtinghe" tantu sò ghjente picculi ladroni sempre listessi chi facenu fucone indarettu à u super U incu a roba arrubata à "France Télecom" he di sicuru sò micca tutti Corsi ..... quele sò chi sciappanu ,e sbundànu i vitture in listessu lucu i seri di macciu ??

6.mandatu da Mesrinu u 10/11/2010 14:19
forse.... Rignol, mà hè grave listessu.... si sbriggiuleghja à nostra sucietà..divintimu cume certi "quartiers" di Francia. Mà chi fà ??

7.mandatu da u vomitu u 10/11/2010 15:25
'ssi soldi arrubati eri sera,che li ghjuvènu à cumprali e midicine contra u canceru,à 'ssu ladrucellu.

8.mandatu da Ghjustizia Paolina... u 10/11/2010 15:31
ùn à si purteranu micca in paradisu, fà que a nostru scb, ùn valenu mancu u cartucciu pè falli smarisce, sta "Rubaccia" dà impicà..!!

9.mandatu da machja u 10/11/2010 15:39
A "mafia" un hè che l'adattamèntu di i piu smuniti, di i piu arcaici, a a nostra sucieta liberàle e inghjusta.

10.mandatu da Prizoute u 10/11/2010 16:59
mbè o machja ! o dici per ride, o dici veramente n'importa chè...

11.mandatu da estrimei u 10/11/2010 17:03
"'ssi soldi arrubati eri sera,che li ghjuvènu à cumprali e midicine contra u canceru,à 'ssu ladrucellu. "
forse he qualchissia di famitu ? c'he a ghjente chi ha a fame ( he capita ch'ell'unghjusticheghja micca l'attu )

12.mandatu da u vomitu u 10/11/2010 17:22
Iè o estrimei,hai forse ragiòne,tandu micca càncheru ma ch'ellu s'ingorga incu un pezzu di pane 'ssu" pòveru famitu".

13.mandatu da Dédé u 10/11/2010 17:56
ùn ci hè più tantu affare di sacratu in corsica....mà quessi o Estrimei ùn so famiti, volenu

passà un bon capud'annu a u strangeru è cumprassi appena di Coc vestiti di marca.

So forse picule "frappe" mà ingranderanu, d'altri hanu principiatu cusi no ??

14.mandatu da per ride u 10/11/2010 18:12
ùn ci hè più tantu affare di sacratu in corsica... Dèdè l'hà detta è si ne vanta.

Isiè, u tempiu novu di a riligione nova hè statu inghjuliatu. L'apostuli ch'è no semu sò spavintati da tamantu disprezzu versu i nostri santi ghjucadori è dirigenti.

Ùn ci hè più un palmu di nettu. I sarracini di u XXIesimu seculu sò scalati, mischiati à i rinigati di a nostr'epica cercanu di spiantà a fede nova ghjunta da un'isula surella (dipoi u regnu inglese è corsu di Sir Elliot).

U restu, tuttu u restu, hè di poca primura.




15.mandatu da Dédé u 10/11/2010 18:27
per ride, avà diciuleghji ?? ch'averai capitu torna aghju dettu chi più nunda ùn a valore in Corsica (è in altro d''altronde..)

.Ti ti perdi in ragione fora di sugettu.. (Serà l'efettu di a cucaina..) ancu cio che tu dice ùn hè tuttu falsu.

a prestu amicu "predicatore".

16.mandatu da Dédé u 10/11/2010 18:28
*ancu si cio che tu dici..

17.mandatu da per ride u 10/11/2010 19:04
per ride, avà diciuleghji ?? Dèdè l'hà detta è hè vera!

Diciuleghju per ride, eccu hè detta. "più nunda ùn hà valore" (torna Dèdè chì a dice), eppuru 3000€ sò un valore certu, misuratu.

U soldu hè u valore unicu, l'ultima speranza di tutt'ognunu : lotò, tiercè, betlic, poker...

U soldu hè u vitellu d'oru mintuvatu in "la biblia" (què ghjè pà ghjustificà "u predicatore").
Ma tù, chjù, impiechi a parolla "sacratu" chì ghjè propiu riligiosa (si pudia impiecà quandu anu arrubbatu i frati in Sartè calchì mesi fà).
Cuccaina? Ma nò! solu pastizzu, JB, Vodcà è Gin, solu robba nustrale.


18.mandatu da Dédé u 10/11/2010 20:54
Per ride !! A ogn'epica i so Dii...pè robba lucale ùn ci hè che u Vinu Rossu (di a Messa)..

pè "Cuccaina" avemu a nostra pisticcina.

Vedi che pè a Schnouff ùn simu in darettu à l'altri.

19.mandatu da machja u 10/11/2010 22:05
O prizoute, vai a cuntrastà cu i to fratelli in lu purcaghju.....

20.mandatu da Vuciata.. u 11/11/2010 09:41
stu colpu ùn sarà statu l'opera di "Pierrot Bianconi"? Si sà chi quandu omu piglia a machja, i soldi li nè ci volenu, piglià o ripiglià à u so club po esse pè ellu una vindetta.

21.mandatu da Venzo.. u 11/11/2010 11:21
4000 $ in più o in menu, ùn hè u prublemu.......u cunsiglu generale è u Sgiò Castelli di

Casinca.. aiuterà ùn vi nè fatte.!


Ps : Castelli.; ATF : a Casinca piglia pesu è forza... ghjè Casinca power !! ..

22.mandatu da estrimei u 11/11/2010 12:09
tituli -sgiò , signora - un ponu andà incu e casate.
s'adopranu incu u nome: u sgiò Ghjiseppu
" incu l'impieggu: u sgio stiutore
" incu u nome saguitatu da a casata:u sgiò Ghjiseppu Castelli

23.mandatu da per ride u 11/11/2010 14:02
Ps : Castelli.; ATF : a Casinca piglia pesu è forza... ghjè Casinca power !! .. dixit Venzo...

O i Niulinchi! Chì fate ? Durmite? Vi lasciate piglià a suprana, cumu hè?
I Balanini parenu muti ancu elli. I Talavesi a facenu à a muta. Gravona è Celavu a si provanu ma l'affare pare un vispaghju.

I Capicursini ùn si facenu mai sente. U Capicorsu pare ch'ellu sia un paese sputicu.

[Estrimei]: pà Sgiò cù u nome daretu a pensu ancu eiu. Ma a nigazione ÙN porta l'aletta ch'osinnò si cunfonde cù l'articulu indifinitu UN (un paese);
INCÙ, CÙ portanu l'aletta, ma micca CUN.

Machja: U purcaghju hè quellu chì cura i porchi è u purcile ind'elli stanu i porchi.
.
Par piacè ùn mi ghjastimate micca cercu di rende serviziu (hè un usu in Corsica).

24.mandatu da estrimei u 11/11/2010 14:35
a per ride,
a ringraziatti , nu a sapia micca. pruveraghju a fà u sforzu , ma s'ella maccae torna fà u piecè di dimmila

25.mandatu da Avulpaccia u 11/11/2010 14:38
U cunsigliu ò sinò :

A prussima volta pagaremu a piazza u doppiu, cusi u mancu à guadagna di ciò chì hè statu ribatu sera compiu...
Hé cusi a vita ...

26.mandatu da fora di strada u 11/11/2010 15:46
e quessu bracciu diritu(mon ami pierre dixit paulu giacobbi) di u presidente pol emploi ne mica u scrucunacciu chi a pagatu cu i nostri impositi e capote diece volte u prezzu per inrichiseji;dite mi appena mi pare chi son numerosi di quessi a u cabinetu di u presidente

27.mandatu da machja u 11/11/2010 19:12
Mi so sbagliatu,per ride, aghju scritu in furia,ma hai una vista acuta, o sgio stitutore.

Aghju da scrivelu cente volte: u purcaghju hè quellu chi cura i porchi, e u purcile a casa di i porchi.

Novu cumentu :


Seguitateci nant'à Facebook


L'articuli

Abbunatevi à a newsletter

Circà nant'à A Piazzetta