Alain Orsoni, cum'è s'ellu ùn ci fussi statu nunda...

Hè dipoi a morte tragica di u corciu Michel Moretti ch'ellu rivene pian pianinu ind'è l'aghja publica. Hè oramai u presidente di l'ACA. Allora più chè mai dicenu certi : "Forza Aiacciu", scusate: "Forza Alanu"...

alain orsoni alanu presidente aca aiacciu ajaccio foot ballo mpa biographie moretti macagna politique elections 1992 pulitica nationalisme nationaliste flnc

U Bernard Tapie corsu

Hè u nostru Bernard Tapie corsu, Alanu Orsoni. Piacenu i dui à e donne. Ùn era cugnumatu "le bel Alain"? Tramindui, anu fattu a pulitica. Unu à manca è l'altru incù i naziunalisti. Anu fattu i so affari dinù. Sò ancu stati presidenti d'una squadra di ballò. L'OM per u prima è l'ACA per u secondu. Sopratuttu, sò sempre duve omu ùn s'aspetta à scuntrà li...

U primu, dopu parechji anni d'esercitu in pulitica à manca, à u PRG, à fiancu à François Mitterrand, s'hè lampatu in una carriera d'attore in un scumpientu di seria B : "Commissaire Valence". Megliu, Tapie a frittella hà palisatu di modu publicu u so sustegnu à Sarkozy... Ancu megliu, hà vintu a simana passata 240 milioni d'€ dopu l'affare Adidas/Crédit Lyonnais... Ne vulete soldi?

Aleria, u FLNC...

U secondu, Alain Orsoni, hà avutu un principiu di carriera impegnata in u militantisimu naziunalistu. Ci hè da chì fà sunnià ancu i più rumantichi! Dopu a CSC è Aleria duve Léo Battesti li dumanda di vene, entre à u FLNC. Hè statu l'ultimu prigiuneru puliticu cappiatu dopu à l'amnistia di u 1981. L'assassiniu di u so fratellu Guy Orsoni li dà una fama tremenda. In piena epica Broussard, diventa u fratellu di a vittima di u "statu francese assassinu". Dopu a vindetta di a prigiò d'Aiacciu, serà ancu chjappu per apulugia d'assassiniu... Pianu pianu, a face à piglià a suprana nant'à Pierrot Poggioli è diventa u capimachja di i machjaghjoli... Rispunsevule di u settore V, incaricatu di racoglie l'impositu revuluziunariu, i soldi li facenu girà u capu...

...e pizzerie è a guerra trà naziunalisti

Cum'è Bernard Tapie, vole esse patrone. Serà patrone! Micca d'Adidas nò, ma di pizzerie è di discutecche... Sò l'omi di a so leva, i so anziani fratelli di lotta, bravi omi cum'è François Santoni, Gilbert Casanova, Charles Pieri, Etienne Lovisi è tant'altri dinù chì affondanu tandu u naziunalisimu in una guerra scema senza sensu.

U cuniscite à Alain Orsoni?

Di a guerra trà i naziunalisti, s'è i principali attori sò rivenuti à nantu, per contu soiu, ghjè acqua in bocca. Si presenta cum'è s'ellu ùn ci fussi statu nunda, cum'è un omu pulitu, un scalatu, quasi cum'è un furesteru. Malgratu i so ochji spampilullenti è u so sguardu di crooner, à l'usu George Clooney, Frank Sinatra o Michel Leeb, ùn ci vole micca scurdà si di i danni ch'ellu hà fattu à a Corsica. Quantu ci n'hè stati morti da a parte di u MPA o di a Cuncolta per via di e pretensione, di l'invidie, di a falsità o di e lesine d'unepochi?

U Nicaragua è a PEFACO
Certi diceranu chì ùn hè più ora di bullicà sti fatti passati o chì i morti ùn turneranu più. Hè à u cuntrariu per elli chì ci vole à ramintà si di e sviature passate di u naziunalisimu è per noi, avà, chì ùn ci vole micca scurdà si di u CV di certi. Micca ch'o voglia cundannà à un tale o un tale, chì in quelli imbrogli, sò tutti pari, ma dopu una scappata à u Nicaragua è in Barcelona à vende machines à sous per a PEFACO, casca male di parlà di a so vuluntà di sviluppà l'associ di sustenitori aiaccini... U vidite voi in una tribuna? Si crede sempre in pulitica à purtà a ghjente di fole in canzone...

Ancu s'è l'antichi dicianu chì per cunosce à qualchissia ci vole à manghjà si un bacinu di sale cun ellu, dicianu dinù chì "u troppu stroppia"...

Da l'ACA à a CTC?

Allora s'ellu ùn hè micca presidente di l'ACA per a passione di u ballò, soca sarà ch'ella li trica di turnà à l'Assemblea di Corsica? L'elezzione sò vicine : 2010... Corre u puttachju dipoi un pezzu digià. Ancu un blog macagna ne parla, di u "Ritornu d'Alain Orsoni".

À u teatru o nant'à France 3 Picardie?

Per contu meiu, più chè à l'Assemblea di Corsica, u viderebbe piuttostu incù u Teatrinu per ghjucà à u Tartuffe di Molière. Altrimente, puderebbe presentà u tempu nant'à France 3 Picardie. Da cumedianu, sarebbe ancu capace à fà li crede chì a Picardie hè u locu u più assulanatu di Francia...

Alain Orsoni, cum'è s'ellu ùn ci fussi statu nunda...

u 25 di Lugliu 2008

Ahmed Zumar

Accueil

Envoyer à un ami

Version imprimable

Da u più recente à u più anzianu | Da u più anzianu à u più recente

68.mandatu da Brigade volante... u 30/10/2010 13:01

un ghjornu saperemu di più affari è detagliinant'à e nostre annate di piombu , tandu omu s'avederà chi à ghjente cume Alain (mà dinù d'altri indè à latu oppostu..) ùn eranu micca cio chi i servizii francese è a stampa sottumessa averanu vussutu fà passà, u sbagliu hè chi simu numerosi hà avè cridutu à certi affari, si sà induve nè simu ghjunti dopu.. afrancia hà una respunsabilità tremenda..mà noi dino.....

Vince pè campà corsu..!!!

67.mandatu da NZL u 28/10/2010 15:01

Orsoni è Pieri so l'ultimi "Capi anziani cumbattenti" di u Fronte di tandu..spergu ch'elli puderanu vede un ghjornu una corsica liberata è corsa cume a sunniemu tutti (Parlu di l'ardente patriotti..)

66.mandatu da NZL u 28/10/2010 13:01

Orsoni ùn sarà micca u peghju di tutti, è hà avutu e spalle belle larghe...tuttu que hà fattu u ghjocu di a francia...

65.mandatu da Encore et encore u 05/10/2010 11:19

Cusì unu dicia, ma era bucia !!

61.Posté par u webmaestru le 14/02/2009 15:09

A squadra di apiazzetta.com hà decisu di piantà quì i dibattiti di st'articulu.

L'articulu scrittu di lugliu 2008 hè statu fattu per ponesi unepoche di dumande, micca per ghjudicà à l'unu o à l'altru o per fà u prucessu di a generazione di l'anni 90.

L'hà detta "jackson" : ci vole à cunnosce u passatu per ùn micca casca in e listesse tràppule.

Ci hè statu un dibattitu è più di 60 riazzioni à st'articulu. Tuttu ognunu s'hè sprimatu. Avà hè ora di piantà i cummenti chì diventavanu di più in più insulte è minacce. I cummenti di u pinzutu è di u legiunariu sò stati sfassati dinù.

Si A Piazzetta hè un locu di cuntrasti chì dà a parolla à tutti, ùn deve micca diventà un locu di regulamenti di conti è di tazzamenti anònimi.

Speremu ch'è vo capiscerete tutti a nostra decizione.

http://www.wmaker.net/apiazzetta

64.mandatu da J'accuzzi u 02/04/2010 10:26

O a squatra di a Piazzetta !!! Un aviate dettu chi u dibattu era chjosu ? hè longa a cumpagnia di a ghjente cuerente e di e prumesse micca tenute !!!

63.mandatu da santu u 09/05/2009 20:59

Per tutti quelli chi volenu vince quatri soldi, a prossima ghjurnata di L2, ghjucati puru Nimes contra Bastia, i veri corsi lasciaranu guadagna i francesi per pruvà di manda Aiacciu in naziunale, cumu hannu fattu contra Brest... Forza Corsica, chi populu !!!

62.mandatu da u mr. propre u 09/05/2009 16:44

solu una dumanda :

quale hà u più "imbruttatu" (per ripiglià e parolle di u cummunicatu di l'ACA) a bandera di a testa di u moru ?

i supporters bastiacci o alain orsoni ?

that is the question.....

61.mandatu da u webmaestru u 14/02/2009 15:09

A squadra di apiazzetta.com hà decisu di piantà quì i dibattiti di st'articulu.

L'articulu scrittu di lugliu 2008 hè statu fattu per ponesi unepoche di dumande, micca per ghjudicà à l'unu o à l'altru o per fà u prucessu di a generazione di l'anni 90.

L'hà detta "jackson" : ci vole à cunnosce u passatu per ùn micca casca in e listesse tràppule.

Ci hè statu un dibattitu è più di 60 riazzioni à st'articulu. Tuttu ognunu s'hè sprimatu. Avà hè ora di piantà i cummenti chì diventavanu di più in più insulte è minacce. I cummenti di u pinzutu è di u legiunariu sò stati sfassati dinù.

Si A Piazzetta hè un locu di cuntrasti chì dà a parolla à tutti, ùn deve micca diventà un locu di regulamenti di conti è di tazzamenti anònimi.

Speremu ch'è vo capiscerete tutti a nostra decizione.

http://www.wmaker.net/apiazzetta

60.mandatu da jackson u 11/02/2009 14:18

bon, per calmà appena i dibattiti, pensu chi hè tutta sta generazione di l'anni 90 chi duveria ritirassi DI TUTTU

a scimità di u MPA è di A Cuncolta, incuragita da i culpacci di u Statu francese in l'anni 90 ci anu purtatu à a miseria ch'è no avemu cunnisciutu.

ùn mi piace micca Alain Orsoni per cio ch'ellu hà fattu (chi bilanciu si puderà fà d'ellu ?)

ma ùn ci vole micca à esagerà, TUTTA A COLPA UN HE MICCA SOIA ! ùn ci scatinemu micca contr'à ellu

ci vole à cunnosce l'omi, u passatu di a ghjente è tirà e lezzioni di a storia, ma ghjittà tutta a colpa nant'à AA ùn mi piace tantu.

troppu sò morti per nunda.

troppu dormenu sempre in prigiò.

oghje più ch'è mai a Corsica hè minacciata da l'affarisimu, da a droga, più ch'è mai u POPULU CORSU hè in traccia di smarisce

travagliemu avà nant'à quessa, giremu a pagina senza sminticassi di u nostru passatu.

59.mandatu da alain orsoni u 11/02/2009 10:29

Siguramente si so assassinatu ti ne pipu ! Forzu, i puvari tipu cume quelli chi scrivenu sti purcharia anantu a me sensa sape quale sogu. I sumeri praputenti chi ripiglianu i discorsi di a pulizia imbrutendi persona chi avaranu fattu errori ma sensa ave nunda a vede ancu u tisoru di u fronte, a vendita di l'armi e altri imbecilita. Me puveti di induva so i ristoranti, l'affari e un so che ?
Seti gente chi facenu u travagliu di i servici francese, ma siguramenti a sapeti perchi siti da a pulizia o forzu siti sumeri... Sera dura per a corsica a salvarsi ancu tuti questi, cosa fetti voi chi parletti tantu per u vostru paese.

58.mandatu da luna rossa u 10/09/2008 20:48

Mi pare chì Stavroguine appia dettu ciò chì ci vulia à dì, cù e parolle ghjuste, senza fele nè fantasimi nè insulte, solu nantu à cose publiche è cunnisciute da tutti.
Di e volte certi traparlanu, parlanu di cose chì elli ùn sanu da veru...Quandu s'accusa à un omu hè cù e prove, cù i fatti, hè un principiu fundamentale. Hè troppu faciule di svacassi, cù a prutezzione di u virtuale è di l'anonimatu.

57.mandatu da piratella u 10/09/2008 17:46

Aiòòòòooo, site tutti ghjelosi di u so "sex appeal " à Alanu, iè!
Invechja bè u sgaiuffu, ùn hè cambiatu dipoi ch'emu piratatu inseme un battellu carcu à...ricchezze à u largu di u Nicaragua è m'hà pacatu bè, ellu!

56.mandatu da findus u 09/09/2008 21:24

j'ai trouvé l'article de Corsica très léger sur le passé d'AO et très complaisant envers lui. je ne suis pas du tout fan du personnage

mais je trouve particulièrement étrange qu'avec tout ce qu'on ait trouvé (gilets part-balles, voiture camouflée etc...) on ait relaché la clique du clan de Grossetu Prugna.

quand on trouve des flingues à la maison, il vaut mieux être UMP que natios; pour les uns, mise en examen avec dans le meilleurs des cas plusieurs jours de garde à vue. pour les autres : RIEN

on voudrait qu'AO se fasse descendre qu'on s'y prendrait pas autrement...

statu francese di merda

55.mandatu da alain orsoni u 09/09/2008 19:03

Stavroguine, simu d'accordu ! Certi sprissioni "caricaturale" sopre u Bel Alain, u scruconu ect... mi facenu malu. Mi pare chellu un si trata piu di critiche ma di un veru processu sensu difesa e ci so tanti deti nati di "rumeurs" cumpietamente falsa.
Ma sogu d'accordu per di chi quelli risponsavuli chi so statu a u mandu per l'anni 90 devenu esse bastante rispunsabuli oghje per sta a a so piazza. Un devenu micca piglia altri rispunsabilita politichi e per me cusi sera.... Ti ringraziu per u to testimoniu sinceru e un pensu micca che vule fa onore a u me amigu di sempre Michele Moretti a l'ACA sia una respunsabilita politica...

54.mandatu da ceccu u 09/09/2008 18:36

ch'aghjustà à u cummentu di Stavroguine ?

hà dettu tuttu ciò ch'ellu ci vulia à dì hè di bella manera...

53.mandatu da Stavroguine u 09/09/2008 02:27

Pensu chì A Piazzetta, ch'hè unu spaziu satiricu è di libara sprissioni, comu ci n'hè mancatu troppu suventi in Corsica, hè in u so rolu quandu cummenta u ritornu in u spaziu publicu d'un parsunaghju impurtanti com'è A.Orsoni, ancu puri sì u tonu pruvucatori pò essa ricivutu cù calchì incumpriinsioni. A voddu capiscia, è intantu chè littori di 'ssu foru trovu ch'A.O. t'hà ben intesa un drittu à a parola lighjittimu in ciò chì cuncerna i cummenta chì u toccani.

Hè ancu à u so onori di risponda quì à i prupositi chì u poni uffenda.

Puri, daretu à i cummenta eu vicu un pinseri chì mi pari abbastanza spartutu : quissu d'ùn veda micca vultà à i rispunsabilità pulitichi ghjenti chì erani à u primu pianu à u momentu di a guerra trà naziunalisti. Ghje' ùn lampu micca accusi annant'à ciò ch'ùn socu micca, ùn la so qual'hè ch'hà tumbu o ch'hà cumminciatu 'ssa guerra nè par chì raghjoni esattamenti. Ma trovu ch'iddu ci saria una forma di dignità in u fattu chì l'anziani dirighjenti naziunalisti ùn si mischiessini più oghji d'affari pulitichi. Ùn voli micca dì ch'iddi devini rinnuncià à i so idei, o à viva in u so paesu, ma i rispunsabilità è i puteri ùn li poni più avè dopu à ciò chì s'hè passatu. Mancu pà circà di salvà onestamenti u naziunalismu.

U naziunalismu si salvarà s'iddu si devi salvà, o evuluarà sicondu l'uppurtunità chì a storia l'arricarà. Ma hà subratuttu bisognu sicondu mè di novi generazioni è d'aienti neutri par raportu à u passatu.

Hà bisognu dinò d'altri pratichi chè ciò chì s'hè vistu uni pochi d'anni fà.

L'opinioni publica hà troppu idintificatu l'anziani dirighjenti à i stirminia è i svianzi di l'anni 90, è ùn mi pari micca chì a Corsica, è i famiddi di quissi chì sò stati assassinati, avissini vultatu a pagina. Chì A.O. circhessi di fà i missi à u puntu passendu pà i media mi pari accittevuli, è à u cuntrariu s'iddu voli difenda u so onori è affirmà a so nucenza chì la faccia, faria prò ancu à l'altri, ma a inchiitudina hè di veda vultà à u "puteri" ghjenti chì - ancu puri à u simpliciu niveddu puliticu - erani impignati in i dirizzioni d'un muvimentu infangatu in i rigulamenti di contu è tutti i tragidii chì no sapemu.

Ùn cacciu à nimu u fattu d'essa statu un militanti sinceri à un momentu datu, ma certi passaghji di a noscia storia facini sempri frighja a piaga, è i spiranzi di a Corsica si sò quantunca abbassati à u momentu di 'ssi tumberi.

Eccu, A.Orsoni dici ch'ùn hè vultatu chè par accupassi di l'ACA è pà viva ind'ed iddu. Quissa ùn mi pari micca scandalosa, è sì la dici quì sarà a verità, ma pari ancu evidenti chì l'opinioni si punissi certi quistioni è furmulessi i so inchiitudini.

È ùn hè micca Orsoni com'è parsona chì hè l'ughjettu di 'ssi inchiitudini, ma solu l'anzianu dirighjenti di u MPA.

Hè quì a me opinioni com'è citadinu, com'è corsu.

È pensu dinò chì i cosi si pudissini dì senza svacà a so rabbia nè insultà à nimu. Saria un beddu passu dimucraticu chì ci abbisugnaria à tutti.

52.mandatu da alain orsoni u 08/09/2008 18:19

o Zi, forza un pritendu micca ave sempre a ragio, ma un ghjornu anc'un pocu di tempu vi mandaragju un cumentariu anantu parechi imbecilita scriti qui sopru mi sogu sbagliatu, sogu d'acordu per di che un "leader" deve paga i so errori ma so sempre statu un militantu naziunalistu sinceru sogu andatu in prisgio parechje volta, aghju persu un fratellu pensu ave pagatu ma tutti sti malfati chi si dicenu un so micca veru mancu a pene...

51.mandatu da Ziu Dumè u 08/09/2008 18:08

Per una volta, hè Alain Orsoni chì hà a ragiò... Hè pocu chjaru è capiscitoghju u travagliu di a pulizza. Facenu una perchisizione, trovanu elementi, cappianu i suspetti è danu u nome di a persona chì pudia esse assassinata...

S'omu vulia fà tumbà à qualchissia, ùn ci si piglierebbe micca d'un antra manera. Di colpu, AO diventa ancu ellu suspettu in l'ultimi assassinii... Tandu sì chì si pò dì "statu francese assassinu". Digià chì ci ne vole pocu per ch'ellu ci colli u sangue, ma per manipulà e ghjente è muntà li a sega, ùn puderebbe micca fà megliu.

Mi face dinù pensà à u stampinu "Ferraud balance des flics", lasciatu da i gendarmi di u GPS, in Cala d'orzu, à l'epica di Bonnet...

Aiò, femu la finita incù a sarkocrasia!

50.mandatu da alain orsoni u 08/09/2008 17:08

Ch'ha fattu quale ? Alain orsoni un era micca in corsica quand'ellu he mortu AM Michelosi... Ma un capiscu micca allora hanu vulsutu assassina a Orsoni, l'hanu arristati a policia, hanu trovu armi, munizioni, e altri vitura arubata e so tutti fora ???
Un possu micca pinsa a una pruvucaziona di a policia francese... Inno, parechji sapientoni qui a sanu. U culpevule he AO e puntu !

49.mandatu da Culucciu u 08/09/2008 16:49

Da leghje nant'à Le Monde

48.mandatu da Journal du Dimanche u 08/09/2008 12:38

Parlanu d'arrestazioni d'omi e donne amichi di AM Michelosi, chi ne vulerainu à a vita di u bellu Alanu... Parch,i ch'ha fattu??? :)

47.mandatu da estrimei u 08/09/2008 07:40

stu cuntrastu averà permessu a alain orsoni di scrive in corsu !
per di i fatti pulitichi ,quand'omu lotta per salvà u so PAESE ci'ole a stà puliti e micca mischia tuttu per fà i s'affari.
ié o u ghicciu ,ai raggio, he tutta sta ghjentaccia chi ha arruvinatu a lotta.

46.mandatu da alain orsoni u 07/09/2008 23:19

va be dime qualli so l'affari di u MPA ? I manghjerie d'Orsoni ? Spiegami un pocu u discorsu di u MPA discorsu traditori eri, un saria micca quellu di a Chjama e di u PNC oghje ? A me mi pare ...
Ava a vi digu; un si trata di u ritornu di Orsoni parchi un vole piu senti parla di pulitica. Ma corsu he e ha lutatu assai per su populu piu chi uni pochi. Un ha miccu un dirittu di campa in u so paese sensu dumandu nunda a nimu ? Si a lotta naziunale vole cresce, ci vulerebe pensa a cunstrui e micca a suvita l'intox di i prifisionali di a pulicia francese...

45.mandatu da u ghicciu u 07/09/2008 22:30

u prublema ùn hè micca di sapè "quale hè chi hà cumminciatu"...

on dirait une excuse de gamins, "c'est pas moi qui ait commencé, c'est l'autre !"

a discussione porta nant'à u ritornu annunziatu d'un certu Alain Orsoni è di l'assenza tutale di sensu criticu in i media (corse matin, corse sport, corsica...), di u so bilanciu puliticu (è di quellu di u MPA).

per mè hè LARGAMENTE NEGATIVU è PIù CHE PESSIMU.

è pensu ch'ellu ghjè listessa ch'è per Charles Pieri, Gilbert Casanova, Olivier Sauli, Batti Cannonici o Jean-Martin Verdi... per parlà di quelli chi so sempre vivi.

basta di guardà a storia : l'affari di u MPA cum'è e manghjerie di Charles Pieri è di a Cuncolta anu cuntribuitu à DECREDIBILIZÀ u naziunalisimu è à stumagà tanta ghjente

è custì, Alain Orsoni hà ghjucatu un rollu, cum'è l'altri.

44.mandatu da circinelludiguagnènativupèliguagnesusosanguaversatu u 07/09/2008 22:01

pas faux..;
ma avà ch'ùn ci hè più nè histo nè habituel, spergu chi di u scumbugliu di tandu nasciarà un avena degnu pà ssu populu ! Insemi pudemi fà; divisi ùn valemi nunda.

43.mandatu da alain orsoni u 07/09/2008 21:26

Exact ! Demandez donc aux proches de Robert Sozzi et de muzy qui étaient les assassins et pourquoi ? Au fait le front histo n'a t il pas revendique le meurtre de Sozzi qui soit disant menacait ses dirigeants parce qu'il r'efusait l'alliance avec Fillipi ????

42.mandatu da o corsu, ùn ti scurdà... u 07/09/2008 15:27

pè risponde à "alain orsoni" (à sapè s'ellu hè u veru o nò...) ghjustu una piccula precizione, hè Robert Sozzi à esse a prima vittima di a guerra trà naziunalisti.

ùn ci scurdemu di a nostra storia pè capisce u presente è ùn micca rifà listessi errori :

Le 15 JUIN 1993 : ROBERT SOZZI, militant de A CUNCOLTA NAZIUNALISTA et du F.L.N.C, est assassiné par plusieurs hommes sur la route qu’il emprunte pour se rendre à BASTIA SECURITA.

JUILLET 1993 : Affaire du PALM BEACH à AIACCIU, ou un militant du M.P.A tente d’assassiner le gérant du club. Le M.P.A explique son intervention par le danger encouru par les militants de BALAGNA, menacé de mort à cause des suites de certaines affaires auxquelles aurait participé le F.L.N.C de 1988.

Le 26 décembre 1994 : Jean-François Filippi, maire de Lucciana et président du Sporting Club de Bastia, est abattu alors qu'il quitte son domicile pour se rendre à Paris.

Le 28 décembre 1994 : Frank Muzy, ancien membre de A Cuncolta, est assassiné à Bastia .

Le 16 février 1995 : Assassinat à Ajaccio de Jean-Pierre Leca, militant MPA .

41.mandatu da alain orsoni u 07/09/2008 14:29

In francese, cusi uni pochi mi chjamaranu bastardu, un sara micca u peghju di cio che vegu qui !
D'abord, où est la reflexion dans ce torrent de boue, d'injures, et de ragots qui pour la plupart sont le fruit d'une campagne orchestrée par ceux que vous pretendez combattre...
Quelle méconnaissance de l'histoire que vous citez abondamment ! Quelle prétention que la mienne en vous répondant comme si vous pouviez entendre un autre son de cloche que celui dont on vous a abreuvé...
Quelles ont été les premieres victimes de la guerre dont nous serions seuls a porter la responsabilité ? 2 miliitants du MPA, JP Lecca et Luc Belloni ! Non ? Cela ne justifie pas la suite certes, mais dans ces conditions dans notre pays la suite était difficilement évitable. De quelle fortune parlez vous, sur quels éléments probants vous basez vous. Sur des racontards de comptoir totalement faux...Le MPA, comme le canal habituel n'ont jamais fait collusion avec le milieu, le trésor de guerre du Front est un mythe qui a la vie dure mais un mythe qd même.
Quand a Alain Orsoni, il ne refera pas de politique par respect pour un passé où il n'est pas exempt de tout reproche notemment celui d'avoir commis des erreurs. Il s'occupe de l'ACA par devoir de mémoire pour Michel qui était son meilleur ami. Et il regrette que le nationalisme corse ait un avenir assez sombre si l'on se base sur la lecture des divagations de ce site...

40.mandatu da ForzACA u 07/09/2008 02:43

"A u cavallu ghjestimatu u pelu li luce"

39.mandatu da Missicella u 01/09/2008 19:58

Vogliu, in poche parolle, ringrazià à quellu (o quelli) chì anu scrittu st'articulu.
Ch'elli campinu cent'anni, chì sò omi (è donne?) di prima trinca.
Vi salutu cù rispettu.

38.mandatu da Elvira u 14/08/2008 15:29

Ma sì Alanu u bellu fussi ghjuntu un omu propiu sinceru, chjaru è pulitu quant'è u so amicu u povaru Micheli Moretti.....soca hè pussibuli....tutt'ugnunu t'hà un'altra "scianza" in a so vita.......l'ACA pò avanzà torra, pianu ma SANU !

37.mandatu da Hank Assai u 13/08/2008 21:15

ùn ci voli à sminticàlla puru. Ciò chi videmi oghji d'un muvimentu naziunali purtatu à pula ghjè u risultatu d'issi prublemi. Mà sè sicura u fattu di veda i vechji cazzeroli turrà à chjòchjò dà dundi funu pregati d'andàssinni, puru `n ci vurrà mai à sminticà chi in Bastìa avemi i stessi, è so à tichjà sacchi i capizzoni pulitichi (è ancu i "nosci") chi si facini cunvodda dà quidd'astri. Mà ghjè più facili ramintàssi cio chi passaia chi cio chi passa avà, sicura.
Infini ghjè un piacè di senta ommenu carcuni parlà di quissa scimità chi ghjè u rigiru di Alanu the BeachBoy, chi in corsica dopu deci anni tuttu li pari nurmali...Grazii pà l'articulu

36.mandatu da Cumpalliols u 13/08/2008 11:21

Aiò, fate un'sforzu ! Quì, hè un'bloggu in lingua corsa, un spaziu di lingua corsa...
Parlate corsu !!

http://cumpalliols-in-corsu.over-blog.com

35.mandatu da ah bon ? u 13/08/2008 01:32

mais o zité, vous la connaissez pas l'histoire contemporaine de la corse ou quoi ?

le mpa-canal habituel est entré en guerre contre le milieu du Valincu et d'ajaccio au début des années 90 (conférence de presse à Pila Canali sur les terres de Jean-Jé pour le provoquer)

ils se sont implantés dans des "affaires", et autres blanchisseuses à racket

je passe sur les jeux, les machines à sous, les boites...

Nivaggioni (qui figure dans l'organigramme de l'ACA, ancien du MPA) a été inculpé pour tentative d'assassinat en 1993 sur Roch Orsini, patron de boite à Purticciu

à part "truand", vous connaissez un autre terme pour définir ça ?

34.mandatu da sega u 12/08/2008 22:33

truand de Vero !!! heuu quand même ,

33.mandatu da anch'eiu u 11/08/2008 00:18

je sais pas où Gilles Millet et Antoine Albertini veulent en venir, mais le dossier sur Alain Orsoni dans "Corsica" m'a laissé perplexe...

il y est décrit comme un bon bougre, un type sympa qui s'est retrouvé là au mauvais moment, un visionnaire trop en avance sur son temps par rapport aux autres nationalistes archaiques et ringards.

il a fait son bisness dans les machines à sous et les jeux en amérique latine ? quoi de plus normal, ce milieu est tellement propre et exempt de tous reproches

l'affarisme du MPA qui a supplanté le milieu traditionnel dans le Valinco et sur Ajaccio ? c'était courageux

la drogue ? pas une ligne

sur son retour en politique ? il dit que c'est fini, mais qu'il aime jean christophe angelini et gilles simeoni (pas sur que ces derniers apprécieront, du moins pour GS). c'est pas gros comme une maison...

sur Nivaggioni toujours dans l'organigramme de l'ACA ? un simple oubli ? ben voyons...

"Corsica" nous avait habitués à mieux... personnellement j'ai été choqué par ce dossier. quel traitement de faveur ! et le journalisme d'investigation, il était où la dedans ? Gilles et Antoine seraient-ils tombés eux aussi sous le charme du bel Alain ?

ça commence fort, ce "retour".

les journalistes ont déjà été bernés par le charismatique et non moins sympathique truand de Vero...

32.mandatu da ribella u 28/07/2008 23:58

IN a Piazzetta si parla di tutti i prublema sopratuttudi questi qui
U spiritu criticu deve passa SEMPRE U PRIMU

Tenite l'occhji aperti o gjuventu un sceglite più issi vecchji cucchi sterpatori
d'OMI di SOLLI e di LOTTA

FORA FORA FORA FORA FORA FORA FORA FORA FORA FORA FORA

31.mandatu da E vera ? u 28/07/2008 23:37

Pare ch'elli so tutti prigiuneri da i FARC da quellu ghjornu ch'hanu cappiatu à Ingrid.

30.mandatu da CK u 28/07/2008 20:21

Nivaggioni un hè mai partitu.

"Alain Orsoni qui est désormais le nouveau président de l'AC Ajaccio. Vice-présidents : Lucien Rossi, Didier Istria, Antoine Nivaggioni."

....

29.mandatu da a dream team u 28/07/2008 17:42

il ne manque plus que les retours de Charles Pieri, de Francis Mariani et d'Antoine Nivaggioni et le compte est bon.

28.mandatu da u webmaestru u 28/07/2008 17:33

ai siguramente raggiò o Serra. a to critica hè custruttiva.

circheremu di turnà à parlanne ancu si u sugettu hè difficiule.

ma ùn vi scurdate chì à A Piazzetta ùn semu micca giurnalisti prufessiunali è ch'è no semu tutti benevulenti...

per contu meiu ciò ch'o trovu scandalosa hè chì for'chè quì, ùn si vede nisuna critica nant'à u "ritornu" d'Alain Orsoni.

da per tuttu hè presentatu cum'è un tippu simpaticu chì hà riesciutu in a so vita prufessiunale è chì volta à salvà l'ACA.

quantunque stranu nò ?

per u spiritu criticu, u duvere di memoria è u "devoir d'inventaire" di u naziunalisimu, serà per un'antra volta...

27.mandatu da SERRA u 28/07/2008 16:48

tutt'à fattu d'accordu , pensava ghjustu chi un sugggettu di sta natura averebbi meritatu un analisa piu cumpletta di u cuntestu di sta periota di e piu nere . abordà i fatti ie ma senza spiegàli e fendu un spezie di mischiu un po esse che una manera di ruminà a merda senza stabilì e risponsabilità e lampà à tutti nu u listessu brodu . à sensu cuntrariu un pensu micca non piu chi u fattu di lampà une poche d'accuse da un ordinatore nant'à ghjente ch'un si ponu difende qui ferà avanzà u debbattitu , un locu di cuntrastu un si po micca diventà un tribunale . per contru un analisa di fondu d'accordu essendu cuscenti di a limita e di i risichi di stu generu d'eserciziu nant'à un situ cume questu.
in tutta amicizia , à prestu .

26.mandatu da u webmaestru u 28/07/2008 15:47

ai raggiò o SERRA, hè un sugettu dilicatu è a ferita ùn hè ancu chjosa nant'à st'epica nera di a nostra storia.

purtantu, cummincemu à avè ne u rincullu è nant'à ciò chì s'hè passatu. un ghjornu o l'altru, ci vulerà à tirà ne u bilanciu, nò ? almenu pè capisce ciò ch'ellu s'hè passatu pè ùn micca riprincipià listessi sbaglii.

pensu ch'ellu hè megliu di circà à parlanne, ancu s'è tù trovi chì a manera manca di talentu, ch'è d'ùn dì nunda. fideghja oghje i giovanni chì anu a simpatia pè alain orsoni, senza sapè quale era è ciò ch'ellu hà fattu.... ùn trovi micca ch'ellu hè più periculosu ?

in a rivista "corse sport" hè precizata chi alain orsoni "hà campatu in america per u so travagliu"... è basta.

hè appena semplice cum'è accurtatoghju, nò ? serà megliu u silenziu è u scurdà ?

avà trovu chì dì chì "sbafacciulà" nant'à a ghjente morta" hè appena dura è ùn era manc'appena u sugettu. à u cuntrariu, pensemu ch'ellu ùn ci vole à scurdassi di tutti sti poveri militanti morti pè cusì pocu.

di tutte manere stu blog hè dinù fattu pè fà nasce dibattitu è cuntrastu. certe volte hè pulèmicu ma u nostru scopu hè dinù di stuzzicà pè fà riflette è reagisce a ghjente.

s'è vo vulete ùn micca truvà pulemiche è una infurmazione liscia liscia è "langue de bois", ci hè Corse-Matin...

à leghjeti prestu o Serra.

25.mandatu da SERRA u 28/07/2008 14:39

Un suggettu cusi dulurosu per noi tutti meritava megliu che d'esse ritrattatu d'una manera cusi leggera e per tutti i conti so imbolighjati in st'articulu une pochi di nomi e di fatti un avendu u piu spessu che pochi raporti in tra d'elli sopra tuttu à u pianu cronologicu . sbafacciulà nant'à ghjente morti fisicamente per certi o puliticamente per d'altri he cosa facciule . perchè micca u listessu coraggiu per d'altri ch'hanu avutu omancu a listessa parte di rispunsabilità in l'evenimenti di l'epica e chi so sempre prisenti nu a vita pulitaca corsa ?attaccàssi , puru pè a banda à un suggettu simule dumanda sinnò u talentu , al minimu a precisione . a mio simpatia per a maio parte di i nomi citati qui sopra he piu che poca ma simu tutti piatti daretu à i "pseudo" di i nostri ordinatori e a verità di i fatti un po esse una semplice raccolta di puttacchji orientati e à u partitu presu troppu evidente .

24.mandatu da Baretta misgia u 27/07/2008 21:52

...a dittu cusì in "Génération flnc" ? Basta a dìlla allora ! Cridimula puri !!
Vòddu dì simpliciamenti, chi 'ssa ghjenti quì si sò sempri fatti valè o fattu u sò fruttu, in capu à i più misareddi.
A sò primura hé ch'iddu ci fussi di più ghjenti dèbuli e d'essa sempri pronti ad acciacàli !!

23.mandatu da omu bè u 26/07/2008 23:14

o mà d'induv'è surtite ?? Tuttu u mon du sà chi di poi u principiu di l'accessione di a squadra aiaccina in prima divisione francese, u veru patrone era Alanu Orsoni !

allora oghje , u so amicu sparidu(RIP) ripliglia , pà contu soiu a so squadra ..

22.mandatu da Ahmed Zumar u 26/07/2008 16:24

O Baretta Misgia, di u GUD, ùn n'aghju micca parlatu. L'aghju fatta apposta. Ùn hè micca ciò ch'ellu hà fattu di peghju in a so vita... Nò? Si n'hè spiegatu in "Génération FLNC". À quandu dice chì ghjera per e zitelle, à quandu dice chì ghjera una quistione di look.

Fatt'è fine, pocu impreme, pudia ancu esse ùn sbagliu di ghjuventù. Ancu Poggioli ci era à a strema diritta. Dipoi hè cambiatu assai. A saperemu bè dinù chì certi chì funu naziunalisti ùn la sò più. Megliu : Paul Giacobbi. Hà participatu à a creazione di a CFR, era contru à u statutu Joxe, hà sustenutu u prucessu di Matignon incù Jospin è oramai si ficca incù i naziunalisti. Da quì à pocu puderebbe quasi dumandà a so carta à u PNC o à Corsica Nazione...

Si vede di tuttu, in tutti i partiti...

21.mandatu da CK u 26/07/2008 15:11

parlanu d'alanu inde stu libru ?

20.mandatu da Black Block u 26/07/2008 14:25

A ce propos, je ne vous recommande pas de lire l'ouvrage intitulé: "Les rats maudits. Histoire des étudiants nationalistes 1965-1995"

19.mandatu da Baretta misgia u 26/07/2008 13:17

...a CSC ? E u GUD (Groupe Union Défense) sindicatu studientinu francesu di strema dritta, indùva u metti Ahmed ?
Incù uni pocchi di i so amichi chi diventonu fratelli di lotta, n'è faccìa parti di u GUD nò ?
Par mè, 'ssu tipu ùn ha mai scantatu di strada !!