Accueil
Envoyer à un ami
Version imprimable
Partager

Allora, Sarkozy l'hà plasticatu o nò u muru di Berlinu ?

Torna una cacata per Sarkozy chì hà vulsutu facci crede ch'ellu era in Berlinu u 9 nuvembre di u 1989.



Allora, Sarkozy l'hà plasticatu o nò u muru di Berlinu ?
Cunniscite tutti a pulèmica : nant'à a so pagina Facebook Sarko dice ch'ellu era in Berlinu a matina quand'ellu cascò u muru, u 9 nuvembre di u 1989.

Prublema : a matina di u 9, nimu pudia prevede chì u muru avia da cascà quella sera...

Strana manera di scrive a storia !

Alain Juppé hà dettu ch'ellu era cun ellu, ma più tardi. François Fillon dice ch'elli eranu inseme u 9... for'chì u primu ministru era in Francia quellu ghjornu.

Per finisce ùn si capisce più nunda è ùn si sà sempre micca quandu Sarko hà zappatu in u famosu muru.

Nant'à u net, sò scatinati l'internauti. In fin'di contu, Sarko era dinù in 732 in Poitiers, in traccia di fà u so footing quandu JFK s'hè fattu tumbà in Dallas o ancu quandu a Francia hà vintu a cuppa di u mondu in stu funestu ghjornu di lugliu 1998...

Per vede a seguita, andata nant'à Nicoyetait.com o nant'à u gruppu Facebook J'étais avec Sarkozy quand le mur de Berlin est tombé !

Ma in tantu ch'ellu si parla di e cacate di Sarkozy, ùn si parla micca di u veru prublema : u so bilanciu catastroficu allora ch'è no semu à a metà di u so mandatu.

Noi avemu i ducumenti chì mostranu chì Sarko era dinù in Ponte Novu in 1769 è in Aleria in 1975...
Allora, Sarkozy l'hà plasticatu o nò u muru di Berlinu ?

Allora, Sarkozy l'hà plasticatu o nò u muru di Berlinu ?

l'11 di Nuvembre 2009
u webmaestru



1.mandatu da annoot u 11/11/2009 01:39
possible

2.mandatu da PERTU SANTU u 11/11/2009 11:54
Quessu l' omu ghé un eroé! !éru in postu a u ciglale in traccia di fami una cacata hé l' aghiu vistu scoré per strada ,in cu cammedu,milu ,rossi,é clavier .ha ;;;ha;;;ha;;;

3.mandatu da mikaè062b u 11/11/2009 12:31
o ghjente Eu ci credu, l'omu avia dettu per l'elezioni : "inseme tuttu diventa pussibile", n'avemu a cunfirmazione !


4.mandatu da pinochju u 11/11/2009 12:57
Sarko era dinù in Aleria in 75 per fà compie a cumedia di a "cave depeille"

5.mandatu da buddubbù u 11/11/2009 15:45
Sarko era in Pontenovu quandu Paoli hà persu, era in Parigi quandu u sporting hà vintu. Attenti O Fraaaaatelliiiiiiii ! ch'ellu ùn ghjunghi in Corsica per e territuriale à facci u colpu di a mela cotta ...

6.mandatu da Fabien u 11/11/2009 17:14
C'hè una spiegazione per tuttu què : u bilanciu catastroficu è a so presenza u 9.
Sarcozy era è hè sempre un agente di a STASI (leghjite u ligame, macagna inside).


7.mandatu da EIU u 11/11/2009 18:03
Aghju intesu di chi ghjè elle chi hà fattu signà Johnny Rep in Bastia in 78. Hè u piu forte

8.mandatu da ZIU ANTO U PURCAGHIU u 12/11/2009 11:16
Paré qu'eddu sia statu ancu ellu a à cunferenza di stampa in Tralonca,a u tavulinu in cu i capi di u Frontè ,vistutu di magaccia in cu u stracciu in capu,per un fassi cunoscè da i so amichi flicchi .

9.mandatu da Cumpalliols u 12/11/2009 12:53
Nicolas Sarkozy ùn era micca in Berlin, ne in Aleria, ne mancu in Ponte Novu.
À saperaghju eiu chì ci eru ogni volta.

10.mandatu da sarcusistu per sempre u 13/11/2009 07:59
ùn biscate più o zitè. Innò chì ùn ci era micca in Ponte Novu, chì era sempre ungarese. Innò chì ùn ci era in Aleria, chì ùn facia ancu pulitica . U solu locu induv'ellu hà messu i pedi è induv'ellu si sente in casa soia ferma a casuccia di l'amicacciu Clavier.
"Il aime la Corse, les polyphonies et les voisins de Christian". Sarcucciu hè u più forte chì mancu a Piazzetta ùn hà pussutu piglià una fottò in a piscina di Clavier, cù Carla. A v'hà ficcata à tutti ancu sta volta.
Quandu vecu chì certi l'anu ancu vutatu à l'elezzione presidenziale francese.
Ma l'omucciu ùn pianta micca. Avà vi piglia ancu à a risa postu ch'ellu chjama à Giacobbi per fà u bugettu di i francesi.
Peghju, Jean, u so figliulucciu caru, sapete, quellu chì vene d'entre à l'EPAD ("sans le piston de papa"), hè nant'à a lista di Camillou di marzu chì vene è l'anu ancu prumessu d'entre à l'esecutivu.
Iè, corci ch'è vo ssite tutti , ùn site ancu à vede tuttu cù stu nannnulu miraculosu.

11.mandatu da Della Bifla u 13/11/2009 14:50
Un era micca cù u GPS quand'a "paillote chez Françis" à brusgiata nò ?

Sarko, l'homme qu'il faut, là où il faut !

12.mandatu da piratella u 14/11/2009 09:28



MA infatti hè bè à u putere, in PArigi, in 'ssa fine di u 2009, è un putere guasi assulutu.... !!

13.mandatu da Culomba u 16/11/2009 20:17

sarkò era in Tralonca!!

MA PERCHÈ ch'ùn era MICCA in l'avviò chì si sò crasciati contru à e Twin Towers??¨A vita hè inghjusta...-)))

Novu cumentu :


Seguitateci nant'à Facebook


L'articuli

Abbunatevi à a newsletter

Circà nant'à A Piazzetta