Accueil
Envoyer à un ami
Version imprimable
Partager

Almenu, quand'ellu si froda in Corsica si vince

I Francesi ùn sò veramente micca forti pè trafficà l'elezzioni. In Corsica almenu quelli chì frodanu vincenu à a fine.



Almenu, quand'ellu si froda in Corsica si vince
Dapoi anni è anni ch'ellu si ride di a "fraude électorale, sport numéro 1 en Corse" è ùn si contanu più e cacciate puzzicose nant'à a passione corsa pè l'arubbecci eletturali in i giurnali.

À manca, sò l'elezzioni di u 2008 per u postu di primu secretariu di u PS trà Martine Aubry è Ségolène Royal chì avianu fattu parlà assai. Da leghje u JDD : PS: Accusations mutuelles de fraude

Oghje si ritrova u listessu tìtulu, ma à l'UMP...

À tal puntu chè no ci pudemu dumandà si François Fillon hè venutu à piglià lezzioni quand'ellu hè passatu à A Porta è sì i morti anu turnatu à vutà in Portivechju.

È ancu di grazia chì a merria di Bastia ùn hè micca in manu à l'UMP...

Quandu a froda tuccava l'elezzione municipale di San Damianu in Ampugnani, face ride à tutti. Da vede a video surrealista di France 3 à l'epica.

Quandu Corse-Matin mette in tìtulu di ferraghju 1970 : « Corte, inscrits : 4 303. Votants : 9 647 ! », tuttu u mondu scaccaneghja.

Quandu si parla di Bastia cum'è di a «Capitale de la fraude électorale», ognunu pensa ch'ella hè una vechja tradizione ch'ellu ci vole à rispettà.

Ma quandu a froda vene da i dui grandi partiti francesi, puntelli di a vita pulitica di a Republica, cun eletti, deputati, senatori, futuri ministri... ci hè di chè esse inchieti.

È in più, ùn sò veramente micca forti à l'UMP. In Nizza, si conta solu 1178 voti pè 590 elettori, da leghje in u Huffington Post.

Francamente, averianu pussutu fà megliu...

u 19 di Nuvembre 2012



1.mandatu da Calvoise u 19/11/2012 13:40
"A fa a barba à i suméri si pèrde saòne e tempu"

2.mandatu da Aziz Ume u 19/11/2012 14:03
Ha l'elezzione in Corsica di i tempi di u MRG e di i Gaullistes... Chi piacè !!!

3.mandatu da Saucisson u 19/11/2012 20:00
Mue mue mue ... I frodi sò assai di più impurtanti in Corsica cà à u PS o à l'UMP.

4.mandatu da Zeruffu u 19/11/2012 21:22
Ci n'hè chi fr

5.mandatu da Zeruffu u 19/11/2012 21:22
Ci n'hè chi frodenu in Bastia ?

6.mandatu da selby u 19/11/2012 22:17 (da un teleffuninu)
Averebenu fattu megliu di fà un stagiu à a merria di Bastia!

7.mandatu da Ulongu u 20/11/2012 16:45
Infine un'elezzione pulita in Corsica !
Sò sicuru chì i nostri cari eletti UMP ùn si sò micca cumprumessi stu colpu.
Attente à a prussima ; merria, cunsigliu generale o altru...

Novu cumentu :


Seguitateci nant'à Facebook


L'articuli

Abbunatevi à a newsletter

Circà nant'à A Piazzetta