Accueil
Envoyer à un ami
Version imprimable
Partager

Amparate i "sapè indarni"

L'Adecec hà lanciatu u situ "Sapè indarni", adattazione corsa di "Savoir inutile".



Amparate i "sapè indarni"
I "sapè indarni", a dice u so nome v'ampara pienu d'informazioni... chì ùn ghjovanu à nunda.

Ùn vale a pena, ùn amparerete nunda nant'à e zone custruttibile di u futuru Padduc, nant'à u prugramma culturale di Sauveur Gandolfi-Scheit o nant'à a strategia di François Tatti pè e municipali di u 2020.

Nant'à I "sapè indarni", ch'è affari cumplettamenti inutili, ma chì vi puderanu ghjuvà per fà u maccu in sucetà.

Per esempiu :

Jimi Hendrix hà fattu 4 volte a prima parte di Johnny Hallyday. (hè quantunque vergugnosa quessa)

I viking ùn anu mai purtatu elmi cù corni. (ci semu fatti avè)

A Papuasia-Nova-Guinea hè u paese induve si conta u più lingue sfarente : più di 800 ricensate in tuttu. (fariamu megliu di mandacci tutti quelli per quale a salvezza di a lingua corsa hè sinònimu di discriminazione)

Quandu Popeye hè statu creatu in u 1931, a cunsumazione di spinacci hè cresciuta di 33% à i Stati Uniti. (è tandu anu capitu chì u "placement produit" hè più forte ch'è a publicità, è sò principiati i nostri guai)

A u Giappone, u matrimoniu omosessuale ùn hè micca ricunnisciutu, fora di in Disneyland. Dapoi maghju 2012, i coppii omosessuali ponu maritassi in Tokyo Disneyland, in cumpagnia di Mickey è Minnie.

A frasa prununziata da Armstrong punendu u pede nant'à a Luna, "ghjè un passucciu pè l'omu, ma un passu di gigante pè l'umanità", fù intesa da quasi 450 milioni di terranii. Ghjè a prima sperienza campata à tempu da tanta ghjente.

Avete capitu, hè una manera d'amparà pienu d'affari cumplettamente inutili ma impurtanti assai. È di leghje o d'amparà u corsu di manera piacente.

Pienu d'altri cusì nant'à sape-indarni.com,

u 1mu d'Utrovi 2014



1.mandatu da A ciaccera u 02/10/2014 13:38

2.mandatu da A ciaccera u 02/10/2014 14:17

3.mandatu da A ciaccera u 02/10/2014 14:18
U situ ùn vole micca prende i mo cori ?!

4.mandatu da A ciaccera u 02/10/2014 14:21
Ok, allora http://miniurl.be/r-mx2

Novu cumentu :