Accueil
Envoyer à un ami
Version imprimable
Partager

Ancu di grazia, avemu à Chevènement

Cù una frasa, Jean-Pierre Chevènement ci face sminticà 15 ghjorni di baruffe pè u derby è un doppiu assassiniu.



Ancu di grazia, avemu à Chevènement
Ùn a sapete forse micca, ma fidighjà Corsica Sera ogni ghjornu vi dà a voglia d'entre à u FLNC o à a Brise de mer.

Iè, da Geneviève Moindrot è Stéphane Usciati à u pane di plasticu o à u braccasgiu ùn ci hè chè un passu faciule à francà. Hè l'analisa chì Jean-Pierre Chevènement hà fattu nant'à Europe 1.

L'hà detta cusì : "La jeunesse est abandonnée à un endoctrinement, qui passe par tous les canaux de communication, France 3, Radio France Frequenza Mora. Je ne parle même pas du rectorat, de l'université. D'une façon générale la jeunesse corse victime de précarité comme toute la jeunesse française est abandonnée à une propagande".

Hà forse ragiò : 100% di i militanti clandestini anu fidighjatu à Corsica Sera almenu una volta in a so vita.

Michel Barat hà rispostu à l'anzianu preferitu di Zuccarelli nant'à Alta Frequenza dicendu chì "Monsieur Chevènement est très très vieux".

Jean-Vitus Albertini hà rispostu pè a redazzione di France 3. A videò face un bellu buzz nant'à u net corsu.

Una volta di più, pichjà nant'à a Corsica volta à a moda. Quessa, n'avemu l'abitutine. Cascà bè, à dui ghjorni d'un derby corsu chì ognunu hà a paura di vede parte in pistìcciuli, forse aviamu u bisognu di senteci appena di più uniti.

Aviamu dinù u bisognu di ride appena dop'à u doppiu assassiniu d'Aiacciu è d'Aregnu.

Durante vinti quattru ore, Chevènement hà riesciutu à facci sminticà a trista attualità corsa. Per quessa, li ne ringraziemu.

Ma avà, cumu femu pè luttà contr'à a rimigna maffiosa chì s'hè impatrunita di a Corsica, è di a scimità immubiliare chì hè à l'orìgine di sti guai ?



u 19 d'Utrovi 2012



1.mandatu da Castagnetta u 19/10/2012 16:46 (da un teleffuninu)
Dice assai tunterie, u Che. Ma dice dinu qualche verita....

2.mandatu da Petru u 19/10/2012 18:20
Dopu à u bellu schjaffu ch'ellu hà messu in diretta à Bucchini dopu à u doppiu assassiniu di marti, un altru bellu pattone ch'ellu sciacca à stu mullizzeghju di Chevènement.
Amicizia sincera à Jean-Vitus (ancu s'ellu ùn face quì chè u so travagliu).

3.mandatu da KüG u 19/10/2012 18:50
"forse aviamu u bisognu di senteci appena di più uniti. "

uniti di chè ? seranu di più unite quelle scimie di u filmu "Pianeta di e scimie" chi noi...

4.mandatu da Lisandrina u 19/10/2012 19:19
Doppiu assassiniu ???
Scusate, mà eiu, ùn ne aghju intesu parlà che di unu... Mi si pare che ind'e stu paese, a morte ùn areca listessu dulore, ne spaventu simile, sicondu à qualle vò' site... Vargogna...

5.mandatu da u squalu u 19/10/2012 19:25
I morti ùn si valenu tutti o Lisandrina

15 corsi assassinati à l'annu = nisun assassinu trovu
1 prefettu tombu = cunniscite a fine

6.mandatu da Un Paisanu u 19/10/2012 19:43
100% d'acunsentu incù Lisandrina, sò sicuru che se u puvarettu sollacaro pudia vede tutti sti falzoni chi facenu nece di pienghje a so morte, sarebbe spaventatu da cusì tamanta ipucrisìa... Simu veramente diventati un'isula di servi leccaculi, in ghjinochji davant'à l'aristucrazìa suciale...

7.mandatu da Cugi u 19/10/2012 20:24
Bravu, Ben chi u nivellu fussi altu, JVA hé riisciutu à mettesi à u nivellu di chevenement.

8.mandatu da Mariu Kempes u 19/10/2012 21:05
Haooo Basta ! Saremu sempre da fà i casc'è pienghji ?! Simu diventati vittime prufeziunnale, cumpletamenti paranoïdi ! Vedimu dapartuttu flichi anti-corsi, filmi ant-corsi, dirigenti spurtivi anti-corsi, giurnalisti anti-corsi, razzisisti anti-corsi, pulitichenti anti-corsi, è cazzi anti-corsi è ancu corsi anti-corsi ! Un vedite micca che simu i soli nant'a pianetta à dà capu à e cunnerie di u tintacciu di Chevenement ! Haooo basta...

9.mandatu da Capicursinu rancicu u 19/10/2012 22:04
Ha raggiò a 100% mariu kempes.. Simu sempre à lagnàcci. O zitè, Chevènement hè guasi mortu u corciu ! Ciò ch'ell'ha dettu, a me m'ha fattu ride ! Ùn m'ha micca annarvatu ! Ci vole truvà suluzione, fà marchjà i nostri cervelli, chì lagnàssi sempre è sempre ùn ghjuva a nunda !

10.mandatu da Capicursinu rancicu u 19/10/2012 22:07
Eh a risposta di JVA... Perchè risponde a un tippu cusì ? Ùn ci vole micca dàlli impurtenza a qualchissia cume Chevènement..

11.mandatu da bernardscufia u 20/10/2012 08:54
scusate, ma qual'hè chevenement???????

12.mandatu da U Palatinu u 20/10/2012 13:02
"Chevênement" ?
Mi pare chì hè un avverbiu in lingua francese.

13.mandatu da stumacatu u 20/10/2012 16:32
I corci, elli che facenu tanti sforzi per esse "puliticamente curretti"...

14.mandatu da Capicursinu rancicu u 21/10/2012 12:51
Scefenementu

15.mandatu da u cuccu''s clan u 22/10/2012 11:43
Tres bon ce Vitus

16.mandatu da Talavesu u 23/10/2012 20:22
U so veru nomu he chevenementeur.U curare un l'ha tumbu ma a so cunnaria si.

17.mandatu da J G u 24/10/2012 08:00
Chevenement ch'ellu schioppi cume una fasgiola ! Evviva Jean Vitus Albertini !

Novu cumentu :


Seguitateci nant'à Facebook


L'articuli

Abbunatevi à a newsletter

Circà nant'à A Piazzetta