Accueil
Envoyer à un ami
Version imprimable
Partager

Anu da sparisce e scimie è ghjè una gattiva nutizia pè e lumache nustrale

E scimie di u sabbatu sera ùn anu micca da sparisce dumane, quessa pò nò (uffa!) ma dopu à e giraffe, u leupardu, l’antilope è centinaie di mammiferi, pesci o acelli sò i babbuini, i gorigli o i scimpanzè chì sò in periculu di disparizione allocc’à trenta anni. À e lumache nustrale li vene a trimulella. Eccu perchè.



Hè un'infurmazione esciuta in Le Monde :


E scimie (fora di King Kong) sò simpàtiche, facenu ride i zitelli cù i so versi. Ponu cù e so quattru mani, cogliesi à a bissiccletta, ghjucà à u ping-pong, leghje u giurnale è fà mille cose ridìcule.

Certe scimie sò cèlebre à Hollywood. Cheeta, l’amica di Tarzan, fù astuta è cool abbastanza da suppurtà un tippu chì passava e sò ghjurnate in slip appesu à una liana.

Di più, e scimie sò e nostre cugine.

À a dumanda « di quale ne sì ? » puderia omu risponde « sò di l'omìnidi cuginu à a longa di i bonobò è di l’orangutani. »
Puru sì Trump ricusa a verità (in quantu à me ùn cunnosce micca u 51!) à certe ore in caffè, a parentia trà omi è l’altri primati ùn si pò nigà.

Ma e scimie, cusì amate, anu quantunque da sparisce perchè l’Omu, u cuginu ingratu è falsu, piglia tutta a piazza, distrughje e fureste da fanne mobuli, pone palmi pè l’oliu o ingrandà i so parking...

Sintendu quella nutizia, e lumache endèmiche di Corsica chì sò chjuculette, vischjose, chì ùn sanu micca fà gneri o ghjuculà cù una palla anu poca speranza di campà torna cent’anni, accampate ch’elle sò da i centri cummerciali o i rumenzulaghji.
Anu da sparisce e scimie è ghjè una gattiva nutizia pè e lumache nustrale

Da leghje nantu à a lumaca di Raspail è altri prublemi ecològichi :


l'8 di Farraghju 2017
Zenbucucciu


Novu cumentu :