Accueil
Envoyer à un ami
Version imprimable
Partager

Anu inventatu u "bar à siesta"

C'era u bar à acqua, u bar senza alcool, u bar à insalata... eccu u bar à siesta.



Anu inventatu u "bar à siesta"
I Parigini ùn sanu più cosa inventà. Hè a crisa, ma pè truvà e cunnerie sò sempre i più forti.

Cunnisciamu u bar à acqua, u bar senza alcool, u bar à yaourt (nò ùn hè micca una magagna : andate à vede quì), u bar à insalate...

In Corsica avemu sopr'à tuttu i bars à facciacce, i bars à antipatichi è i bars à "azeze cù a frange".

Eccu chì avà hè natu u "bar à sieste" : si chjama ZZZ...ZEN è si trova 29 passage Choiseul, in u segondu arrondissement.

Imaginate, site à l'apperitivu. E turnate cascanu, l'ambianza colla. Vulete scambià di locu, ma ùn sapete chì fà. Esitate trà u bar à a moda cù a musicaccia lattinò, quellu cù un djnacciu lounge è u bar à tapas chì serve a vinaccia. Ma d'un colpu avete l'illuminazione, vi dite "tè, ci femu una sunnata avà ?" è andate à ripusavvi in u bar à siesta.

12€ pè un quartu d'ora. Face caru a turnata è à stu prezzu avete interessu à addrumintavvi in furia.

È u peghju, è chì quellu chì hà trovu l'idea hà da finisce più riccu ch'è voi...

u 29 di Sittembre 2011
U Sgaiuffu



1.mandatu da Filippi (u veru) u 29/09/2011 08:44
"C'est un truc de ouf", "méga cool", "on kiffe"... cumu dicini.

2.mandatu da Marianto u 29/09/2011 10:12
ti n'hè si scurtatu di u bar a sourire ! ma ind'è a mio intrapresa hè un bellu pezzu ch'elli ci annu messu un loghu pe fa a siesta gratizi !!!

Novu cumentu :