Accueil
Envoyer à un ami
Version imprimable
Partager

Aprimu tuttu !

Hè stata cunsacrata da u prisidente Sarkozy passata a so alizzione à u capu di a Ripublica francese ; ed eccu chì avale a ci facenu i nostri pulitichenti corsi.
In u mentre di sta campagna bicefala, attempu municipale è cantunale, anu tutti in bocca l’apartura !



Alizzione municipale tempi fà in u paese di Calinzana
Alizzione municipale tempi fà in u paese di Calinzana
Da a diritta versu à a manca, à l’arringuerciu, à partesi da i naziunalisti, o di manera un pocu di più transversale sottu à a bandera di u prugressisimu, nascenu e liste è e candidature d’unione è di cunvergenza.

Hè cusì chì per i nostri paesi, ancu sè a spicchera trà u partitone è i puvaretti di u partitellu asiste sempre, fighjendu appena i nomi di e liste annunciata una à una in u Corse-Matin, tutti pridichjeghjanu unità è intaressu cumunu.

Hè vera chì st’alizzioni di prussimità sò fatte apposta per què : un prughjettu di gistione à prò di u so locu è di i so abitanti.
Tandu, perchè esse stunati chì e logiche anziane d’appartinenza forte à un partitu lachessinu a piazza à cualizione chì ricusanu ogni appartinenza fora di u bè di tutti ?
Ma hè vera chì sta tindenza hè per generalizassi hè sò di più in più numarose e liste « Inseme per tale paese », « U mio paese altrimenti », « Per l’avvene di u locu », « Per a difesa di l’intaressi cumuni », « Dumane… »… Certe volte mischjendu i nimichi d’eri, quelli chì si fraiavanu trà gavinisti è giacubbisti, trà pietristi, roccaserristi o ancu puru cumunisti…

Oghje u prughjettu si lega di menu in menu à l’idiulugia glubbale o à una logica partighjana.
Sarà tandu u segnu d’una saluta dimucratica o d’un disintaressu di pettu à a cosa publica à prò di logiche più vicine à u parsunale ?

u 6 di Marzu 2008
Mazzone



1.mandatu da iscia u 06/03/2008 19:41
ùn ci hè nimu chì laca un cumentu à issu missaghju è puru hè pulemicu !
aiò linteti i vosci pinsà !

2.mandatu da pulastru u 07/03/2008 00:03
hè vera, peccatu chi nimu ùn appia reagitu à st'articulu di qualità !

l'ultima frasa ci dà à riflette, ma aghju a paura di cunnosce a risposta...

3.mandatu da ste u 07/03/2008 12:36
manc'una riazzione d'estrimei ???

quant'à mè cù a neve l'anu tagliatu u teleffunu è l'elettricità nò ?

Novu cumentu :


Seguitateci nant'à Facebook


L'articuli

Abbunatevi à a newsletter

Circà nant'à A Piazzetta