Accueil
Envoyer à un ami
Version imprimable
Partager

Arrubbecciu à a CTC : 460 000 € sò spariti!

Secondu u puntu di vista, si puderebbe parlà d'arrubbecciu o di presa d'ustagi. Hè stata vutata a suvvenzione à prò di u giru di Corsica, u ghjornu di a partenza di e vitture...



Arrubbecciu à a CTC : 460 000 € sò spariti!
L'esecutivu in paniccia nera : Una gestione à cicchi ciambara

Hè un battellu scemu a nostra assemblea! L'esecutivu, intrappulatu ch'ellu hè in i micchi macchi di u PADDUC hà fattu vutà à corri corri senza ch'omu possa cuntrastà nant'à u fondu l'aiutu à u giru di Corsica. Stu prublema di tempo, di metudu in l'azzione publica palesa a mancanza di visione di l'esecutivu. Pensate appena cum'elli ponu esse chjari è netti i so prugetti per a Corsica, à longu andà, à l'orizonte 2020, 2025 s'elli ùn sò mancu capaci à prevede u votu di a suvvenzione di u Giru di Corsica qualchì mese nanzu...

Hè cusì chì l'eletti di l'uppusizione di l'Assemblea sò stati chjappi in ustagi da l'esecutivu. S'elli avianu vutatu contru à sta suvvenzione, hè l'urganisazione è l'esistenza di u giru di Corsica chì seria stata messa in periculu. È s'elli avianu vutatu bocchipanzulanti è à ochji chjosi, serianu passati per farfalle à u pede d'Ange Santini, stu visiunariu chì camina à pasponi... Chì vulete, d'un sumere, nisunu ne pò fà un cavallu di corsa, mancu Sébastien Loeb!

Chì pesu ecunomicu per u giru di Corsica?

A quistione maiò, nant'à u fondu, cuncerna u pesu ecunomicu di u giru di Corsica. Cosa ci arreca, in termini di soldi? Prublema! L'esecutivu ùn hà realizatu nisunu studiu nant'à sta quistione. Stunante quandu omu pensa chì 460 000 € sò rigalati senza nisunu studiu di a purtata di tamantu investimentu.

Da paragunà, annu, a meria di Bastia hà datu solu 150 000 € à u SCB, una limosina in pettu à l'altre cità chì anu una squadra in Liga 2. Per quist'annu nisunu aiutu ùn hè statu previstu... Soca saranu passate l'elezzione...


u 10 d'Utrovi 2008
Sbanditu



1.mandatu da estrimei u 10/10/2008 08:04
chi vergogna ! tutti sti soldi ghjittati per scimità!
per salvà l'onore di a Corsica , ci'ole un giru di Corsica ? ci'ole a paggà per ste squadre di ballo chi hanu ghjucaori chi costanu prezzi sprupusitati?
parechji mi ghjudicheranu a l'antigogna ,ma i fatti so custi , si pàgga per ghjente chi si carca e in listessu tempu un si face nunda per corsi chi un si ponu piu accasà o chi strazianu per scaldassi.

2.mandatu da Ziu Dumè u 10/10/2008 18:18
Mi face pensà à u libru di Giraudoux "la guerre de Trois n'aura pas lieu"...

3.mandatu da piratella u 10/10/2008 18:37

Micca d'accordu!
u Giru di Corsica face parte di a nostra storia recente, tanti ghjovani corsi (è menu ghjovani) si sò sempre passiunati pè 'ssu Sport, è e magine di a Corsica guardate in u mondu sanu (65 millioni di spettatori) valenu assai di più chè tutte e campagne custose di l'agenza pè u turisimu di a Corsica, in quantu à a prumuzione di a Corsica.
Altre regione francese serianu pronte à pacà dece volte di più. Sè no u perdimu, emu da pienghje...ohimè!
5000 nuttate ùn hè micca nunda, in pochi ghjorni, in u dopu stagione...


4.mandatu da Còsulu u 10/10/2008 19:15
Esatamenti l'argumenti di M. Susini (UMP) a l'assemblea arisera...RINGARDS !!!

5.mandatu da estrimei u 10/10/2008 19:23
a piratella ,
se n'o ' femmu i conti : 5000 nuttate a 460 000 € facenu 92€ a nuttata ! pudemmu cunsiderà e nuttate, l'hanu di regallu.
d'altronde u "giru di Corsica" un face micca parte di a nostra storia; un ha nunda a chi vede 'ncu i giri di CORSICA chi erannu in mannu a i corsi , in d'altri tempi , quandu l'essenza ci' era a buzeffu , ch'ellu passsava in tutta a CORSICA e chi parechji nustrale fecianu a corsa.
u mondu ch'ellu ci fieghji puru ! un Populu suttumessu a una culunisazione tutti i ghjorni apenna piu forte ! simmu belli!
mentre ch'o scrivu , ci he Michelle CANICCIONI chi passa a a televisio: un 'accentu nustrale , assai umiltà e una voce chi incanta. ella si chi face onore a u so PAESE

6.mandatu da in cauda venenum u 11/10/2008 08:12
UN'HE MICCA U GIRU DI CORSICA HE U GIRU DI I TOC DE
E PO MI SI PARE CHI SEREBBE MEGLIU UNA CORSA CU I SUMERI
INVECE CHI SO SUMERI CHI FACENU UNA CORSA
S'EMPIENU E STACCHE
CI VOLE A ESSE VERAMENTE INTELLIGENTE PER PASSA E SO GHJURNATE A BORD'I STRADA PER VEDE QUALCHI VITTURE
SFILA IN VITEZZA ( ahhh oui elle est belle la keurse c'est du sport culturel )

7.mandatu da piratella u 11/10/2008 22:16

À Cosulu

Mi dumandu quale sò i "ringards", quì...S'ellu mi piace u Giru di corsica, ùn sò micca ringarda per quessa...Sò più ringardi quelli chì volenu una Corsica ghjilata in un passatu landanu è mitificatu!

8.mandatu da HAHA!!!!!! u 12/10/2008 11:42
Iè, 460 000 euri pè u giru di Corsica. Micca cho sie contru à sta manifestazione chì ci vole à di chì pò aiutà l'ecunumia corsa più che certe manifestazione.
Ma o ghjente,tutti sti soldi, perch'ellu ùn passi che in pumonte, trè ghjorni indè l'annata, è pè caccià e suvenzione à associ corsi chì elli, si movenu u culu tuttu l'annu mi pare un pocu inghjustu.
Mi dicerete, ùn vale tuttu l'alcool è e lasagne ch'elli compranu Santini è Rocca Serra!!!
Iè 460 000 euri pè vede passà trè ghjorni à l'annu un centinariu di vitture, allora chì ci vole avè un bracciu da Centuri à Bunifaziu pè avè 5000 euri di suvenzione tutti i trè anni pè organizà qualcosa, mi pare veramentu sbiotatu di logica.

9.mandatu da Còsulu u 12/10/2008 12:10
Ci pìacìa à tutti u Giru di a Corsica, chi tandu pudiamu pinsà ch'iddu fussi u nosciu.

Basta à veda ciò ch'è turratu !

S'iddu ti piaci à tè allora pàgaci tù Piratella par faci caccà à tutti...

Ahhh ! Induva sò i b[Mary Read è altri Anne Bony di tandu.....]b

10.mandatu da get-pastizzu u 26/10/2008 17:50
st'affare hà stunatu pocu mondu in Corsica, perchè pocu mondu l'hà sappiutu. ma chi facia Corse Matin ?

c'est purement scandaleux, surtout par temps de crise qu'autant d'argent soit dépensé pour quelque chose d'aussi insignifiant que le tour de corse

11.mandatu da U Pastore Arrabbiatu u 15/12/2008 11:56
Torna una volta, e colpa di l'informazione scarze. Nimu n'ha sappiutu, o troppu tardu.

Ci vole un situ web chi da l'informazione chjara e linda, independente, in lingua nustrale, nutizie e "dossiers", lezzione di lingua corsa, pubblicità di e nostri prudutti, piccule storie e animazzione per i zitelli, ecc.

So prontu a paga per quessu, o zitè !

Novu cumentu :


Seguitateci nant'à Facebook


L'articuli

Abbunatevi à a newsletter

Circà nant'à A Piazzetta