Accueil
Envoyer à un ami
Version imprimable
Partager

Assassinii : và bè, ci hè peghju chè a Corsica

Infine une bona nutizia in stu bruttu mese di nuvembre. Per l'assassinii, ùn simu ancu i peghju di u mondu ! Simu solu i peghju d'Auropa.



Assassinii : và bè, ci hè peghju chè a Corsica
Chì piacè d'annunziavvi sta nutizia : nò, a Corsica ùn hè micca a regione di u mondu induv'ellu si tomba u più !

U situ Slate hà fattu a so inchiesta partendu da un tweet chì dicia chì :

"Les 100 Corses tués en 5 ans pour 300000 habitants, c'est la même proportion que les 50000 assassinés en 6 ans au Mexique"

Ùn v'inchietate, era una cunneria. Slate s'appoghja nant'à un raportu di l'ONU (si pò caricà u PDF) è ci spiega chì in Corsica avemu una media di 7 assassinii à l'annu pè 100.000 abitanti.

À u Messicu, s'arregistreghja 16,5 assassinii à l'annu pè 100.000 abitanti.

Tuttu và bè dunque !

Pè l'annu 2011, i paesi i più periculosi sò u Honduras (92 assassinii pè 100.000 abitanti) è u Salvador (69 assassinii pè 100.000 abitanti). Sò belli in davant'à noi ! In più di quessa, ci mancanu i sciffri pè parechji paesi africani.

Bon d'accordu simu i peghju d'Auropa (iè ancu in Albania si tomba menu, 4 assassinii pè 100.000 abitanti solu !).

Ma si pò apparagunà a Corsica à a criminalità di paesi cumplettamente rispettabili è muderni cum'è Haiti è u Timor Orientale (6,9 assassinii). U Pakistan (7,6 assassinii), u Mozambique è u Kazakhstan (8,8) sò vicini.

Quand'è no vi diciamu dunque chì tuttu andava bè !

u 20 di Nuvembre 2012



1.mandatu da Capicursinu rancicu u 20/11/2012 03:02
D'apress'a me u più "bellu" numaru, deve esse quellu di North Korea !

2.mandatu da Iglesias2a u 20/11/2012 10:50
On parle de pays la. Nous nous sommes une région ne l'oublions pas... Allons comparer les différentes régions du Mexique, de l'Honduras ou du Salvador.

3.mandatu da Calvoise u 20/11/2012 11:17
U Pakistan 7,6 assassinii ??? à l'ora ???

4.mandatu da l'albanese u 20/11/2012 11:23
pow ancu in Albania si stinza menu che in Corsica...

4 assassinii pè 100.000 abitanti à l'annu !

5.mandatu da ghjuva u 20/11/2012 11:48
e i Francia quantu pedophiles et zitelli inde i frigo,,,?????!! ALORA a sciglie so ve inde mè !

6.mandatu da stumacatu u 20/11/2012 12:39
Ie o Ghjuva, ma quantunqua...

7.mandatu da stumacatu u 20/11/2012 12:48
Quandu u soldu vale piu che tuttu, a vita di l'omu un vale piu nulla...

E, tutti quantu no semu, un femu micca i fieri, i ghjusti, i puri o un so chi : un ci n'hè piu che per u soldu in Corsica !

Tandu, ancu si un sapemu micca esatamente quale a face, un femu micca i cecchi : tuttu cio chi si passa si capisce...

8.mandatu da ghjuva u 20/11/2012 14:18
qui ai rasgio stumacatu.....e po ancu eu so stumacatu di vede che in corsica piu nimu u vole lutta per salva stu populu, pensenu tutti cume tu dice a fa soldi incu i turisti e laltri sunieghjanu di vede a corsica cume e baleares ....eu avia un altru soniu per u mo paese!

9.mandatu da Stonclette u 20/11/2012 15:43
Ma in corsica si po camina chetu à notte cu à so moglia ma pruvate à fa listessu in francia

10.mandatu da ANTO u 20/11/2012 17:50
Vengu di sente a radio chi ci n'hè un'altru in Bastia oghje dopu mezziornu .E Vals a dettu : u statu face cio chi ci vole ava ghjè a i corsi a dassi di rimènu .Chi cunnacciu ssu tipu !

11.mandatu da u ghjattu u 20/11/2012 21:10
http://tempsreel.nouvelobs.com/societe/20121120.OBS0046/violence-en-corse-entre-nationalisme-et-criminalite-organisee.html

12.mandatu da Corsi-k u 20/11/2012 21:15
Povari à noi, povara Corsica, povara ghjenti.
"Un c'è un palmu di nettu" dicivani i nostri vecchji.
A v'aghju da di : emi persu u codici e basta (cf. I Kadare, Avril brisé/Aprili sciappatu ?)
Svighjettevi o figliulè

13.mandatu da unawalsahà3tempi u 21/11/2012 09:18
ghjè dinù una manera di pulì..mi dicerete!! è ne ferma torna!!! u vermu hà toccu a frutta: u sinips pè u castagnu, "les latinos" pè l'omi.....bravo les grands voyageurs de l'extreme!!!

Novu cumentu :