Accueil
Envoyer à un ami
Version imprimable
Partager

Attentatu in Afganistanu : un sumere kamikaze tomba un pulizzeru

I Corsi l'anu sunniata, Al Qaida l'anu riesciuta : hè mortu u primu sumere kamikaze à Kandahar, Afganistanu.



Attentatu in Afganistanu : un sumere kamikaze tomba un pulizzeru
Ùn hè micca una magagna, n'hà parlatu u Figaro di sta nutizia spaventosa : Attentat à l'âne piégé ...

Ci vole à crede chì i Talibani ùn sanu più chì fà per fassi rimercà : anu riesciutu à inventà u sumere ribellu.

Attenti ch'elli ùn appianu da dà l'idee à certi in Corsica... U sumere clandestinu ? È perchè micca ? Pudemu imaginà u titulu di Corse-Matin dopu à una nuit bleue sumerina : "Horreur à Punta d'Oro : des ânes bourrés d'explosifs anéantissent la villa de Christian Clavier"...

S'imagineghja digià : "L'âne chargé d'explosifs était particulèrement déterminé. Il n'a laissé aucune chance à sa victime..."

Attenti ch'ella ùn si vechi un'armata di Fasgianu è di Bazzicone à l'assaltu di e gendarmerie in i paesi. Ne trema digià a prefettura ! In a so Dionomachia Salvatore Viale avia imaginatu una lita trà dui paesi per via d'un sumere. Hè appena listessu, a DNAT è Gilbert Thiel in più.

Eppo pensate appena à ciò ch'ellu saria u cummunicatu di cundanna d'Emile Zuccarelli : "Je condamne avec la plus grande fermeté cet acte odieux perpétré par des ânes désœuvrés qui donnent une nouvelle fois une piètre image de la Corse. Il est temps de faire cesser ces agissements et de mettre hors d'état de nuire ces hordes de baudets fascisants."

Allora pensate appena si dopu à i sumeri sò e nostre centinaie di vacche oziose chì passanu à l'azzione pè i nostri paesi... Oh li penseri pè Sarkozy ! Digià chì u Statu paga pè a famosa prime à la vache virtuelle ma in più di quessa si finanzerianu e vaccine terruriste...

Attentatu in Afganistanu : un sumere kamikaze tomba un pulizzeru

u 12 di Nuvembre 2008
U Sgaiuffu



1.mandatu da Benghjè u 12/11/2008 10:25
Sò piuttostu per mandà e vacche anch'eiu. Ghjuverebbinu infine à calcosa ste vaccaccie !! Perchè fora di sciappà i chjassi in muntagna è i chjosi, ùn l'aghju ancu trovu un'utilità...

2.mandatu da torru u 12/11/2008 12:07
l'utilita he per quelli chi toccanu e primè anu poche primure di i chjassi e di e muntagne in india so vacche sacre ma ancu in corsica e i sumeri in corsica ci so ancu a dui'anche

3.mandatu da asinò u 12/11/2008 19:47
eccu una bunissima suluzione per luttà contr'à a penuria di militanti ! purtantu, ùn so micca i sumeri chi mancanu...

4.mandatu da tzek u 12/11/2008 22:22
o chì risata !!!
bravi ! hè un piacieri di leghja

5.mandatu da U lume pè tutti u 12/11/2008 22:37
So ch'aghju da esse un pocu rumpifeste, ma a tematica di l'attentu suicidiu un piace tantu... sta specie di prucessu hè una munstruosità
Tintu sumere, un vole micca more pè una "causa gluriosa" è t'ha raggio !

6.mandatu da telemac u 13/11/2008 00:50
D'una certa manera, sarà sempre piu astutu un sumere, che tutti li barbutacci inturbanati chi si facenu schjattà a mezzu a la ghjente, cridentu d'esse apettati da 70 vèrgine in paradisu dopu ('enti què i tonti !), nò ?

7.mandatu da stan smith & wesson u 13/11/2008 01:16
RIP u sumere

8.mandatu da ustafilè u 13/11/2008 21:41
sa storia diè bedà è bona.Ma è disgraziosa pè i pulizieri chi un dumandavanu chè di fa u so mistireru.Di cio quellu è acadutu a su sumerè tutu ogni unu si nè infuta quantè di l'anu quaranta cume averia dettu u mio babone.O femu un interru a fucilate per stu puveracciu cumu tutti sti militanti clandestini.E viva u sumere! ! ! !

9.mandatu da Còsulu u 14/11/2008 00:08
À zitta è à a muta, i servizii di i CFC ani truvatu erisera trè sumeri impastughjati è liati à u ragliu à l'intrata di u tunellu di Vizzavona.
Saria un colpu di u commando Cateternu di l'Ultra Bastiacci cumandati da un certu BB.
MAM, à tinta, ùn sa più à chi versu tenasi.

10.mandatu da FRONTEDILIBERAZIONEDIISUMERI u 14/11/2008 07:04

Quelli chì pruveranu à imità st'azzione vigliacca ci truvaranu nantu à a so strada. I sumeri n'anu una techja d'esse trattati cum'è schiavi, vituperati, cunsiderati cum'è stupiti , noi chì simu assai più astuti chè i bipedi debbuli.
Attenti : pudemu pichjà in qualvogliasi locu! Fate e vostre faccende sputrite da per voi o umacci è à noi lasciateci in santa pace.

11.mandatu da boarf u 14/11/2008 13:54
eccu a suluzione à a crisa di u militantisimu.


12.mandatu da Spinarazza u 14/11/2008 15:30
L'azzione di u tunellu in Vizzavona, infatti, hè stata rivendicata da i "Gatti Neri" di a falanghja di l'Ultra Brite.
Esigianu u ritornu di u trinnichellu, chi ellu pò viaghjà in u tunellu.

13.mandatu da Piratella u 01/12/2008 21:06

È u colpu di u tunnellu di Bastia, pare chì serianu u ventu, a piossa, u tempurale!! Ùn temenu più nunda i terruristi!

14.mandatu da eviva a piazzetta forum libaru u 13/02/2009 21:35
perchè un piglianu pulastre i barbuti di omar mollah
cusi a corsica saria ricca per empie e casce di a ctc
per vende a i barbuti tutti sti pulastri chè no avemu in corsica
vista chi ghjè u paese di corsica u piu flicatu di francia
d'appressa a prifetura di corsica ah ah ah

allora lampemu cu i SCUD versu kaboul i pulastri di corsica
e tenimu per noi i sumeri

Novu cumentu :


Seguitateci nant'à Facebook


L'articuli

Abbunatevi à a newsletter

Circà nant'à A Piazzetta