Accueil
Envoyer à un ami
Version imprimable
Partager

Attenti à i zombies

L'hà detta u guvernu americanu : ùn ci hè micca invasione di "zombies" à i Stati Uniti. In Corsica, u dibattitu ùn hè micca chjosu.



Attenti à i zombies
18 anni dopu à a canzona di The Cranberries, i zombies sò di ritornu.

Unepoche di nutizie appena goffe (hum...) ci sò venute d'America. Trà u cannibale di Miami chì hà manghjatu un SDF, u cannibale studiente di Baltimore chì hà spezzatu è manghjatu u ciarbellu di u so culucatariu è Luka Rocco Magnotta, l'attore di filmi pornò chjamatu "le dépeceur de Montréal", ci hè di chè ponesi quistioni.

Face assai in pocu tempu. À tal puntu chì un'agenza di u guvernu americanu, u Center for disease control and prevention hà reagitu pè prevene a pupulazione americana. Ci anu rassicuratu dicendu chì nò, ùn eramu micca cunfruntati à un'invasione di zombies cannibali. Da leghje nant'à u Huffington Post : Cannibales: Le gouvernement américain dément l'existence des zombies.

Bon in fatti, sò appena magagnoni à st'agenza. Hè una manera di sensibilizà l'opinione. Ci dicenu chì : "Si vous êtes, d'une manière générale, bien équipé pour faire face à une attaque massive de zombies, vous serez également préparé à affronter un cyclone, une épidémie un tremblement de terre ou une attaque terroriste. Alors s'il vous plaît, prenez un kit, organisez-vous et soyez préparés." Una manera di fà prevenzione è pedagogia cù u sensu di a magagna.

Ma noi altri Corsi ùn semu micca rassigurati. Trà i zombies chì si pudianu vede à a surtita di Via Notte, i candidati à e legislative, i sindicalisti arrabiati contr'à a lingua corsa è e Squadre d'Arozza è i maccabei chì si ponu vede fà a coda à u Super U è à Géant Casino u sabbatu, ci hè da trimà.

Attenti à i zombies

u 5 di Ghjugnu 2012
U Sgaiuffu



1.mandatu da Didier Avostra u 05/06/2012 00:04
Nicolas Alfonsi hè di ritornu ?

2.mandatu da ZZzzZZzzZZzz... u 05/06/2012 00:10
ci n'hè unu chi hà fattu u zombie durante 5 anni à l'assemblea naziunale : Sauveur Gandolfi-Sheit.

3.mandatu da pazzurgu u 05/06/2012 07:30 (da un teleffuninu)
inde noi i zombi votanu dapoi anni e anni. un he micca l omi ch elli maghjanu ma a demucrazia.

4.mandatu da Zombi2012corsicamanghjata u 05/06/2012 11:21
Ci vole à cumpra u "kit de survie" in vendita à ctc

5.mandatu da fiumorbu u 05/06/2012 11:34
Eiu credu chi un ci è piu che scemi !!! Poveru mondu ! Tanti millenari d'evoluzione per ghjunghje a vede què !!

6.mandatu da les zombies du PRG u 05/06/2012 11:38
è di i lonzi-zombies di a CTC, ne parlemu ?

7.mandatu da ANTO u 05/06/2012 14:43
C'hè ancu una parola corsa pè di "i zombis" ,l'antichi i chjamavanu "è murtulaghje" ,segnu ch'elli ci so ancu qui .

8.mandatu da francescu u 05/06/2012 20:49
I Zombie rivenenu sempre a listessa épica quandu l'omu un 'a sa piu di quale paese esse.

9.mandatu da fiumorbu u 05/06/2012 22:32
A CTC un so micca murtulaghje !! So sanguette ( sangsue in francese ) :-))))))

10.mandatu da a police u 05/06/2012 22:34
I ZOMBÌ votanu à LE PEN è po dopu à Hollande, sò elli chì supraneghjanu à Corsica.
Per vince l'elezzione ci vole à fà piacè à i zombì.
Sò i morti chì cummandanu in Corsica, prestu cummandaremu ancu noi.

11.mandatu da henry smart u 06/06/2012 23:55
o le pen è dopu à giacobbi, simeoni, Corsica libera, zuccarelli...

Novu cumentu :


Seguitateci nant'à Facebook


L'articuli

Abbunatevi à a newsletter

Circà nant'à A Piazzetta