Accueil
Envoyer à un ami
Version imprimable
Partager

Attenti, eccu u citrolu assassinu

A sapiate ? Avà, ancu un citrolu pò tumbà.



Attenti, eccu u citrolu assassinu
Eccu, ci semu ! Dopu à a "vache folle" è u Quick assassinu, eccu avà chì un citrolu (dettu dinù "cucùmeru") pò esse un serial killer.

Iè, stu legume vene di piglià a so rivìncita nant'à l'omu dopu à seculi è seculi di disprezzu : "cucùmeru" hè sinònimu di "baullu" è un "citrolu" hè qualchissia chì hè sempre malatu.

U scàndalu di i "concombres contaminés" hà fattu una decina di morti in Alemagna. In Francia si contanu trè casi è unu saria un bastiacciu.

Oghje avemu amparatu chì ancu e insalate è i pomi d'oru eranu "sott'à surveglianza" (sic) di u ministeru di a salute.

A causa hè una batteria (escherichia coli entérohémorragique, vi và ?) chì si trova in e stintine di i mamìferi. Detta altrimenti, i legumi (chì venenu da Spagna) sò stati cuntaminati da i cacati di e vacche.

Siguramente chì pè ragioni di corsa à a rentibilità è di cumpetizione sfrenata, i legumi ùn eranu micca abbastanza lavati.

A decina di morti averanu dunque a so piazza nant'à a longa lista di e vìttime di u liberalisimu è di a mundializazione...

À quandu a maledizzione di a zucca ? Ah nò quessa l'avemu, hè bastiaccia.

u 30 di Maghju 2011
U Sgaiuffu



1.mandatu da Citrolu Pulitu u 30/05/2011 01:24
"A decina di morti averanu dunque a so piazza nant'à a longa lista di e vìttime di u liberalisimu è di a mundializazione". E perchè so brutti !!! Un aghjiu mai manghjatu legumi senza lavalli !!!

2.mandatu da mamone u 30/05/2011 09:58
Ma chi ci mettaranu inde i legumi !! un c'è più un palmu di nettu !!Veramente c'è da inchidassi : un pensanu più che a u prufittu... a vita di a ghjinte un costa più nulla !!

3.mandatu da Sarrecchia Mauro u 30/05/2011 12:53 (da un teleffuninu)
Da noi c'e' un detto che dimostra ancora una volta la saggezza popolare:" vola il cetriolo e va in culo all'ortolano".

4.mandatu da kolozs3 u 30/05/2011 14:21
@Sarrecchia Mauro Il problema è che va in culo non all'ortolano disonesto che non lava i cetrioli ma all'incolpevole consumatore.

5.mandatu da ANTO u 31/05/2011 07:43
Fate cume mè ,piantateli e mettite u sùu pécurinu e micca a caga umana cum'elli facenu in certi loghi .

6.mandatu da ANTO u 31/05/2011 07:46
Fate cume mè piantateli e suateli cu u sùu pécurinu e micca in cu a caga umana cum'elli facenu in certi loghi ......bon'appititu !

7.mandatu da concombrinu u 31/05/2011 11:31
Ci vole a falla sape a tutte ste donne insatisfate e chi s'annoianu , ch'ell'un s'adoprinu piu di u citrolu , tuttu fora di u citrolu .

8.mandatu da o scrianzat'malalevat' u 31/05/2011 23:48
da veru... attenti à e MST... Forse certi allemani si seranu sciaccatu qualchi citroli micca abbastanza lavati in quellu locu...

Novu cumentu :


Seguitateci nant'à Facebook


L'articuli

Abbunatevi à a newsletter

Circà nant'à A Piazzetta