Accueil
Envoyer à un ami
Version imprimable
Partager

Avemu infine ritruvatu i Tchao

S'è vò avete più di trenta anni, i biscuttini "Tcha'o" vi ricordanu a vostra zitellina. Ma firmavanu un misteru : ùn si truvava nisuna traccia nant'à internet. Sin'à oghje...



Ritrattu nant'à Twitter di @DagostinoY
Ritrattu nant'à Twitter di @DagostinoY
S'è vo site à pocu pressu normale, i "Tcha'o" sò assuciati à u vesperinu di a vostra zitellina (iè hè parolla corsa per dì "le goûter") è à e Mystérieuses cités d'Or, di Ulysse 31 o di Fraggle Rock nanz'à u Corsica Sera presentatu da Jacques Bastianesi.

Hè vera o nò ? Bon.

Sti biscotti tondi à a cicculata sò cum'è i "Princes" d'oghje, ma in megliu.

Certi i chjamavanu sempre "Bichoco", ancu si stu nome ùn esistia più dapoi dece anni.

Un Misteru
Ma c'era un veru misteru nant'à i Tcha'o. À l'epica di a nostalgia di l'anni 80, publicità, ghjochi, prugrammi tv è altri, ùn si truvava nunda nant'à l'esistenza di sti biscotti. Ùn si sà quale hè chì l'hà fatti. BN ? Lu ? L'Alsacienne ?

Una legenda dice ancu chì i Tcha'o ùn sarianu stati ch'è una marca destinata à u mercatu corsu.

SOS Tchao
Nant'à u web ùn mancanu i messagi nant'à i forums in ricerca di Tchao : da vede quì, o ancu quì, è dinù quì... è ci n'hè pienu di discussioni cusì.

Eri sera nant'à Twitter, un internautu @DagostinoY hà publicatu un vechju ritrattu d'un pacchettu di Tcha'o. Bon ok u ritrattu ùn hè micca di qualità. Ma hè tuttu ciò ch'ellu si pò truvà oghje, è hè guasi un miràculu.

Ùn vi pare nunda ?

Nò. Ma per noi hè assai. Ch'ellu ne sia ringraziatu !

u 28 d'Aprile 2014



1.mandatu da GF u 28/04/2014 16:35
fantasticu.... à ringraziavvi !!!!

2.mandatu da mc bart u 28/04/2014 16:42 (da un teleffuninu)
Me diuntu una lacrima. Ma quantu vesperini . Quanti meravigliosi ricordi. Vi ringraziu per questu ritratu.

3.mandatu da radicottu u 28/04/2014 19:41
è cù què un bellu moussor di tandu!!

4.mandatu da buzz a saetta u 29/04/2014 06:50
iè o radiocottu, ma tandu à l'epica nimu ùn dicia "aghju da andà à beie un moussor à l'oriente" ma piuttostu " aghju da andà à beie un cidru ind'è Claude".

5.mandatu da Pititu u 29/04/2014 10:47
A nostra "maddalena" di proust....

6.mandatu da radicottu u 29/04/2014 13:12
scusa o Buzz hè vera, tandu si biia un cidru, o ancu quellu Krema, per quelli chi avianu i soldi

7.mandatu da sergio u 13/06/2014 14:05
Grazie per u rittratu! Incroyable je cherchais une image de ces biscuits que personne ne connait en dehors de la Corse mais qui ont tellement marqué mes gouters à l'école et en rentrant chez moi!
C'est bien L'Alsacienne et bien bien meilleurs que les Prince!!!
Una legenda!

8.mandatu da balisaccia u 16/09/2015 23:32
FORZA I TCHA'O !!!!!!!

Novu cumentu :


Seguitateci nant'à Facebook


L'articuli

Abbunatevi à a newsletter

Circà nant'à A Piazzetta