Accueil
Envoyer à un ami
Version imprimable
Partager

Avemu pruvatu per voi : a cuntraccezzione

Hè u ritornu di e spuzzette di A Piazzetta chì ci parlanu d'IVG è di cuntraccezzione in Corsica.



L’altra volta avemu parlatu di Pasquale Paoli è di u dirittu di votu datu à e donne*, è avemu vistu chì l’affare v'hè piaciutu assai assai ! Allora avemu decisu di cuntinuà cusì incù e nostre storie è i nostri parè.



Teniamu assai à scrive annant’à un tema mai trattatu in A Piazzetta puru s'è no ne parlemu abbastanza durante e nostre serate piene di rosé : a cuntraccezzione.

Duie scenette ch'elle anu campatu forse qualchì donna (è forse ancu omi !) :

SCENA 1

Tù, lettore di A Piazzetta, veru Corsu accanitu, sustenidore accanitu di u Zporting, ùn t’hè mai accaduta di ritruvatti in lettu, pigliatu da a passione cù una donna (YEAYYY, infine !) ghjunghje u mumentu di strappà u cosu di a cappotta, è.... :

L’omu: " Aiò ùn face nunda ! Ci cunniscimu da un pezzu quantunque, eppo eiu, ùn aghju micca malatie... Eppo, scusami, ùn pigli micca a pìllula, tù ?!”

A donna (cretina!) : “Iè a pigliu, ma, sì siguru ? A pudemu fà cusì ? Bon, ghjè vera chì anch’eiu, ùn sò micca quella chì u face incù tant’omi…“ (BUGIARDONE !)

È ghjè cusì, ch'ellu cuntinueghja u mumentu di a passione... senza cappotta !

SCENA 2

A donna rispunsèvule, in coppiu da tantu tempu, appena bobò, ch’ùn vole più piglià rischi incù st’ormonacce (chì ci facenu male !), è si ne và à vede u so “gyneco”:

A donna : « Allora o duttò, vuleria un mezu di cuntraccezzione senza ormone ! Cosa possu piglià o fà?! » dumanda ella appena persa, « forse u sterilet ? Cosa ne pensate?! »

U duttore : « Eiu ùn mettu micca sterilet à quelle chì ùn anu micca avutu zitelli ! Eppo site cusì stretta quì nentru (TRUE STORY) chì ùn vogliu mancu avventurà mi!”

Ella si ne riparte incù un anellu ormonale indè a piulata di u Signore… perchè iè, cari omi, esistenu sti strumenti chì rendenu u corpu di e donne un'attrazzione di tipu Marineland !



Eccu ciò ch'ellu accade à noi, donne, inde a vita di tutti i ghjorni ! Ùn vulemu micca criticà i mezi di cuntraccezzione chì esistenu digià è ringraziemu di siguru a lege Neuwirth di u 1967 chì ci hà permessu di campà a nostra vita sessuale in un modu serenu è rispunsèvule.

Vulemu incù st’articulu solu favvi capisce chì u fattu di prutegesi hè dinù un’affare d’omu. N'avemu una techja di i toni muralizatori, di i cunsigli sbagliati di i duttori è di i ghjudizi in generale.

Ghjè forse ancu per quessa chì a Corsica hè a regione induve u ricorsu à l’IVG per e minore ghjè unu di i più alti di Francia (15,3%) ! Da riflette quantunque…

Bon è s'è vo avete sempre dumande nant’a à cuntracezzione è n’avete una techja di i duttori "machò" pudete sempre anda à vede u situ di Martin Wrinkler (<3)

À a prussima !


*Bon bon bon, u dirittu di votu datu à e veduve ch’ùn avianu figlioli (masci attenzione,!) di più di 15 anni…


u 26 di Sittembre 2016
SD, LF, LMS



1.mandatu da vergogna u 26/09/2016 21:05
pè ripiglià un grande comicu francese (daltronde ùn ci hè chè què pè ste France : comichi!!) "y a pas q'le cul dans la vie, y a la bite aussi !!!

Novu cumentu :