Accueil
Envoyer à un ami
Version imprimable
Partager

BHL rapresenterà a Corsica à l'Eurovision

In materia di canzona corsa, ci vole sempre aspettassi à u peghju. Sàbbatu u 14 di maghju, hè l'Eurovision...



BHL rapresenterà a Corsica à l'Eurovision
Quandu avemu amparatu ch'ellu serà una canzona corsa chì rapresenterà a Francia à l'Eurovision, ch'ella serà interpretata da un tenor, è chì l'idea vene da Pierre Sled, ùn pudiamu micca credeci. È purtantu...

Amaury Vassili (chì pare tuttu Bernard-Henri Lévy giovanu) pruverà dunque di cantà in corsu à l'Eurovision. A canzona si chjama "Sognu" è hè stata scritta da Jean-Pierre Marcellesi.

U clip ellu pare tuttu un spot publicitariu di l'Agence du Tourisme de la Corse ma cun BHL.

Finalmente, chì hè u peghju in sta storia ?

  • Chì a Francia avessi assuciatu a Corsica à sta futura disfatta (a Francia passa à a risa à l'Eurovision dapoi 34 anni) ? Ma bon, per avà "Sognu" hè in testa ind'è i bookmakers...

  • Chì a lingua corsa sia cunsiderata cum'è "una lingua taliana di i poveri" ? Pierre Sled hà dettu : « France 3 est la chaîne des régions. Nous voulions donc les mettre en valeur. Et comme le corse se rapproche de l’italien, ça conviendra très bien pour un chant d’opéra. ». Ma bon, forse certi ci videranu una vittoria è un'avanzata pè a nostra lingua...

  • Ch'ellu sia un pinzutu chì canti una canzona corsa ? Ma bon, in listessu tempu ùn pudianu quantunque micca mandà à l'Arcusgi o Ghjuvanpaulu Poletti non più... Eppò ci vole bè ch'è no fessimu nice d'esse tullerenti ogni tantu...

  • U fattu di participà à stu vituperiu di l'Eurovision ? Ma bon, ùn avemu micca aspettatu à sta carnavalata pè esse ridìculi è pè fà canzunacce...

Finalmente, u peghju hè forse a cuppa di capelli d'Amaury Vassili. Avete da vede ch'ellu hà da finisce pè scrivesi nant'à e liste eletturale ind'è noi...

u 13 di Maghju 2011
U Sgaiuffu



1.mandatu da antò u 13/05/2011 12:39
chi canzunaccia ! VUTATE PER A LITTUANIA, L'UNGHERIA o A CECCOSLOVACCHIA

2.mandatu da estrimei u 13/05/2011 11:51
o Sgaiu' ,
cumu ferai , a vulecci interressà a tutti sti sciamballà ?
so piu periculosi quelli chi dicenu " le finoselle ", "portisce" ,quelli di rcfm e di Via Stella chi un ghjunghjenu a avvicina duie parulle curette di corsu .
e tu , chi ne pensi di tutti quelli chi toccanu prime (quessa si chi he una parulla chi primureghja di sti tempi ) per parlà in lingua corsa , chi un facenu nisun sforzu e chi di tantu in tantu caccianu una parulla nova , chi , per elli , a nostra lingua un he ne abbastanza ricca , ne abbastanza "intellettuale"( cum'elli dicerianu )?

3.mandatu da ANTO u 14/05/2011 04:42
Sò d'accunsentu in cu Estrimei ci n'hè peghju che Vassili pè struppia a lingua corsa .

4.mandatu da Serena u 14/05/2011 16:03
Pour une fois que la France considère le corse comme une langue!
Là où je ne suis pas d'accord avec vous, c'est sur votre point de vue sur Amaury Vassili, c'est peut être un pinzutu, mais c'est surtout un tenor, qui a parfaitement appréhendé notre accent. Pour l'avoir entendu chanter, il chante parfaitement Sognu et notre langue, donc rien à dire la dessus.
Pas de comparaison à faire avec cet imbécile de BHL donc.

5.mandatu da Petru Sled u 14/05/2011 16:05
un peu d'humour, Serena...

6.mandatu da KÜG u 14/05/2011 17:31
bah ! for di i nostri amichi finlandesi di LORDI, stu cuncorsu ùn face sorge ch'è cazzerole.

7.mandatu da burghisgianix u 14/05/2011 17:58
s'ella vince a Francia à stu cuncorsu ch'ella ùn hà vintu dipoi 30 anni, cù una canzona cantata in lingua nustrale,allora avemu da ride nò? Quandu un corsu canta in francese li mughjemu adossu, ma quandu un francese canta corsu, chì si ne pò pensà? baccalà cù l'eurovision, cù bhl, cù u ministru di l'agricultura, cù u ministru di a ghjustizia,... Ferma un ribellu, un veru patriottu, ghjacintu Mattei. Ellu sì chì pudia vince l'eurovision ... scusate, vistu ch'ellu era presidente di a cummissione di e finanze, l'euromillion.. cù

8.mandatu da Bill u 15/05/2011 01:49
Semu salvi, hà vintu l'Azerbaidjan.

A francia finisce 15esima.

Avà, puderanu di ch'ellu hè a colpa di noi... ON A TOUS HEBERGE AMAURY VASSILI

9.mandatu da Lada u 15/05/2011 09:40
pensavu chè l'Italia averia vutatu per "noi"...

10.mandatu da azezu u 15/05/2011 14:10
@Lada

Di sicuru! S'e' "Voi" ùn erate a FRANCIA. ;-)

11.mandatu da marboeuf u 15/05/2011 16:08
Eroe de la nazione quellu chi hà scittu una canzunaccia cusì abuminevule per stu carnavale di Vassili ! Si meriteghja una piazza à u panthéone di li boia di a nazione Francese, acant'à Wellington, Shumacher, Matterazzi è tant'altri !
Marcellesi gloria à tè !

12.mandatu da Grossu panzutu u 17/05/2011 10:59
Ghjustu una rimercha. Se no eramu ricunisciuti face un pezzu chi l'averiamu vintu l'eurovision cun tutti i gruppi di qualita che n'avemu... E sanza anda a circa a vassili! Basta a vede cun Cuglioli, eramu sopra misura!!!

Novu cumentu :


Seguitateci nant'à Facebook


L'articuli

Abbunatevi à a newsletter

Circà nant'à A Piazzetta