Accueil
Envoyer à un ami
Version imprimable
Partager

BHL vole mette i turisti fora : sustenìmulu !

In Dimanche+, l'emissione di Canal, Bernard-Henri Lévy hà prupostu un boycott di u turisimu in Corsica pè luttà contr'à a maffia è l'assassinii di st'ultimi mesi. Casca bè, noi dinù eramu stufi di tutti sti catini chì venenu à prufittà di u nostru sole l'estate.



BHL vole mette i turisti fora : sustenìmulu !
Fidighjate sta video stratta di l'emissione Dimanche + di l'ottu di maghju.

U "filòsofu" BHL (sapete, quellu chì dà lezzioni di tullerenza è d'umanisimu à u mondu sanu) era interrugatu dop'à un sugettu nant'à l'assassiniu di Marie-Jeanne Bozzi è a guerra di e bande maffiose in Corsica.

A risposta ùn paria mancu esse preparata :

"Devant cette accumulation d'horreurs, (...) je me demandais si, c'est à double tranchant évidemment, est ce qu'il n'y aurait pas lieu par exemple de boycotter le tourisme en Corse pendant un certain temps... Si vraiment la Corse c'est ça, si vraiment c'est la Sicile puissance dix, qu'est ce qu'on va faire quand on va à l'hôtel en Corse (?), là il faut donner un coup d'arrêt... il faut que cette minorité de Corses, cette minorité de gangsters qui font la loi qui transforment les politiques en marionnettes, qui abattent leurs adjoints (??? averà dettu quessa pensendu à Emile Zuccarelli ? François Tatti averà appreziatu) etc... faut qu'ils comprennent quand même qu'ils peuvent pas jouer sur les deux tableaux : d'un coté jouir des bénéfices d'être l'île de beauté, parce que c'est quand même un des plus beaux endroits du monde, la Corse. Et puis de l'autre côté se livrer à ces activités dont on a eu l'echo."

Un grande mumentu di filusuffia. Dunque, s'è no avemu capitu bè, per via d'una minurità di scrucconi BHL prupone una punizione cullettiva, postu chì di tutte e manere semu tutti listessi, cumplici è culpèvuli. Eccune un'altru chì hà capitu tuttu.

Ma in fatti, perchè micca ? Casca bè, noi ùn aviamu curagiu à dilla : turisti, pippulacci è croce di l'estate : ÙN VENITE PIÙ IND'È NOI !!!

Ùn ci hè più ch'è da sperà chì Christian Clavier, Muriel Robin è Philippe Gildas seranu d'accordu cù u nostru BHL.


u 9 di Maghju 2011
U Webmaestru



1.mandatu da J G u 09/05/2011 06:47

Bernard Henri Levy le philosophe ??? !!! ba bé !!! hun hun mi pare piuttosttu
un fait le s'oeuf pourri a mé ! ! !
Ci voli puni di turisimu o o ! il nous met tous dans le même panier !
Dans quel panier pourrait-on le jeter à notre tour ? pour ma part je le jette
volontiers dans le panier de tous les FATS de France et de Navarre avec un
sparadra sur ce qui lui ,sert de bouche à déverser des âneries

2.mandatu da Alexferox u 09/05/2011 09:22
Hà raggio u "filosofu", mà feria megliu à spazza in casa soia, chi ne pensati di tutti quelli chi hannu a naziunalità francese, chi campanu tranquilli in Francia e mandanu soldi a pallate per sustene unu di i guverni i più brutti di u mondu, vogliu parlà d'Israel e di a so puliticha vergugnosa contra a Palestina.
Ma nant'a u fondu so d'accordu cù stu stortu di BHL : Ava Basta u Turismu e e pazzie "corsicaMade" : a publicità pachata dà a nostra stacca per inricchi i più ricchi e i più scrocchi !

3.mandatu da Cagarella u 09/05/2011 09:41
A ringraziatti o BHL.

4.mandatu da Carulu Marx u 09/05/2011 10:34
Piccatu chi piu nimu li stessi à senta!

5.mandatu da sasha u 09/05/2011 10:42
Issa sorte di filusuffia unn'assumiglia micca veramente a quella chi m'hé stata imparata a u liceo. A cosa avia capitu fin'ad ava, ind'è tempi i filusofi pensavanu assai e scrivianu, ellu pensa pocu (o micca) è parla assai è ancu troppu. Credu ch'issu tippu sia piuttosto un "filusoffiat'inculu". Per quantu a u vostru avvisu nant'a un "boycott" d'i turisti ind'u nostru bellu paese, ancu s'elli so' un pocu troppu invadenti, facenu abbastanza bè a a nostra ecunumia è serebbe un dannu per i nostri cummercienti. Ma un credu micca che a voce di BHL sia a 'ssu puntu ascultata è seguitata.

6.mandatu da muammar u 09/05/2011 10:50
Fuss' ella puru ch'ellu sia ascoltu...
D'altronde, eiu trovu ch'ellu a raghjone BHL, simu un populu d'alienati pà veru, e ancu sé issi "gansgters" so una minurità, semu a maio parte di i Corsi à sustene indiritatmentu ssu sistema...
Un caccia nulla a u fattu chi li ficcaria bé à so "méche" in culu à BHL, mà saria pà a so opara sana...

PS : @J G, qui si parla in Corsu, ben chi un so micca sicuru ché lu to cummentu fussi in francese!

7.mandatu da muammar u 09/05/2011 10:56
@Alex ferox, so d'accunsentu cun té ma pà cio ché di Israel, pensu ché tu ti sbagli sériosamente à contu di BHL... Leghji puru a so biugraffia nantu a wikipedia o affari cusi...
@sasha : a mi poi i di tù, u bé ch'éllu face e l'ecunumia u turisimu? forse pudé spluatà una manza di spannati cuntinentali durante l'estate, panchenduli cumé cani...

8.mandatu da sasha u 09/05/2011 11:11
Muammar, per via di u mo' travagliu aghju qualchi cuntattu cu' abbastanza cummercienti chi un' si pienghjenu micca quandu cumencia a staghjone turistica o' cuntrariu. Una certa pupulazione campa tuttu l'annu cun 4 o 5 mesi d'attività, basta à guardà u prezzu di l'alloghji per rendesi contu chi certi sfruttanu bè u "filon": un cacatoghju ind'uve tu un'steresti mancu 24 ore, i turisti paganu 500 o 600 euro a' settimana. Un caffè in San Fiurenzu 5 euro (et j'en passe), un'si po' micca di' ch'ell'un' faccia micca pro' a un bellu pacchettu di ghjente.

9.mandatu da muammar u 09/05/2011 11:27
So d'accunsentu cun té Sasha, saria falsu di di chi u turisimu un rapporta nulla!
Ma pa contu meiu , ben ch'ellu ci ne vole ind'una certa misura, un hé micca un ecunumia sana ("staghjunnalità", impiecu e alloghju à u neru, impiecu staghjunnale pocu califiatu duve ellu si chjama assai frusteri, racket...) e in cunsiquenza (i to esempii mi parenu andà in stu sensu) un si po micca parlé di "fà abbastanza bé a a nostra ecunumia" parangunati a i settori "tertiaires" d'impiecu ch'éllu saria interressante d'aiutà in Corsica...

10.mandatu da pascale u 09/05/2011 12:19
Moi je propose le boycott d'Israel pour de multiples raisons trop longues à décliner

11.mandatu da benedettihenrilevi u 09/05/2011 11:34
Ha da fà piace a tutti i caschi e pienghje di u rughjionu, piu mai pumataghji infiarati da u soli, piu nimu nant'a rena di e nostre piaghje, e strada sole per e nostre vitture, un si sentera parlà che corsu, piu battelli ne avio, a SNCM po vende i so batelli per u maghreb, noi stemu in casa nostra, tantu peghje per l'usterie e i prufessiunali di turisimu, per tutti i scrucconi in li paesi chi facenu pagà 500 euros a sittimana per duie stanze bucchjicose, tantu peghje pe si paesani che anu duii mistieri; pastore o r m isti d'inguernu e "pizzaiolo" d'estate, ma hè u prezzu a pagà per ritruvà u nostr'onore, e tutti si disucupatti torneranu a a terra, i chjosi hanu da rinasce, a rimigna e i lamacchjoni tremanu dighja, a machja a da smarisce, a corsica sana a da ritrovà a so vucazione di prima; un' ecunumia agro-sylvo'pasturale, o BHL che tu sii benedettu,un aspetavamu che e to santissime parule.

12.mandatu da Insu u 09/05/2011 11:35
eiu vogliu ghjustu di chi tuttu què l'avvemu dighja intesu ... un pinsate a nunda ? per ripiglia a frasa incu qualchi trasformazione : "il faut que cette minorité de Corses, cette minorité de NATIONALISTES qui font la loi qui transforment les politiques en marionnettes, qui abattent leurs PREFETS..." . a me mi pare piutostu a sente un grossu condanatore u l'usu Sàrkusi, o unu di quelli chi digianu chi u naziunalisimu ghjera u cancaru di a sucieta ... chi ne pensate ?

13.mandatu da sasha u 09/05/2011 11:39
Muammar, a' mè di datti raggio' ma u sughjettu unn'era micca di trattà di l'aiutu chi ci manca in materia d'impieghi, ne di "lampà a pedra" a quelli chi hanu truvatu un mezzu (più o menu legale) di "rentabilizà" u turisimu. U mo' prupositu era ghjustu di sottalignà chi una certa ecunumia ci trova u so'contu. Ma ghjé vera chi aghju forse giratu male a mo' manera di spjigami.

14.mandatu da Alexferox u 09/05/2011 11:44
O muammar per scopre i pignatti un si leghje micca à Wikipedia, BHL ultra sioniste ghje un affare cunisciutu dà tutti. Un ci he che dà vede a guerra fatta in Lybia ch'ellu ha lanciatu (cf Marianne di 2 o 3 settimane fà) perche teme per Israel l'unione di "fratelli musulmani" d'Egypte e un accordu chi si feria trà tutti i paese arabi per fà piantà a vergogna di à Palestina.
L'amicu DSK a dinnù i listessi pinseri... mà tuttu què un si trova micca nant'a Wikipedia :-) !

15.mandatu da Carlu u 09/05/2011 11:57
"Si les BHL veulent leur indépendance, on n'a qu'à leur donner !"

Per me, simuli cretini so megliu in casa soia ch'indè noi ...

16.mandatu da sasha u 09/05/2011 12:03
Ghjé vera ch'unn'si po' micca aspettà miraculi di unu chi sustene Isrellu ind'e u cunflittu palestinianu. Torna un inghjustizia di a quale tuttu u mondu si lava è mani (cume Pilatu). Povare ghjente sti palestiniani chi si so'fatti lampà fora di casa per decisione d'i Stati Uniti (ié, torna elli) e chi un' ponu più francà è porte di Ghjerusalemme senza una kalachnikov daretu a u spinu.

17.mandatu da muammar u 09/05/2011 12:06
@sasha : allora ci capimu
@Alexferox : ci capimu menu, ma pensu ch'infine di contu BHL ci garba tantu a té ca mé.
Bon appettitu

18.mandatu da Ali frombu havà u 09/05/2011 13:11
Bravu, eccu un veru filosofu chì ci hà da rende serviziu s'è tutti i turisti si stanu in casa soia o vanu in altrò. Renditevi contu:
- u prezzu di a terra hà da sminuisce in Portovek è in Ayatche
- e strade anu da esse calme, senza embouteillages
- i prufesiunali di u turisimu ùn la si cacceranu più cù a sncm o corsica ferries
- i cantadori "patriotti" ùn canteranu più in e "soirée keurse" in l'usterie cù i tichjoni chì manghjanu alligostie stendu à sente "companero"
- è ne passu

ch'ellu campi cent'anni stu BHL è ch'ellu cuntinueghji cusì.
Averemu infine a nostra pace.

a terra

19.mandatu da steccu u 09/05/2011 14:41
Per contu peiu pensu ch'ellu ci vulerebbe a cumincià a spazzà davanti a nostra porta. Cume po durà una viulenza simule in Corsica.???? pocu impreme cio ch'ellu pensa BHL . mi ne futtu. Ma per contu nostru se no un cuminciemu micca a piglià cuscenza chi l'assassinii so a cundanna di a Corsica simu lecchi.

20.mandatu da nuit bleue u 09/05/2011 14:52
Per spazzà davant'a nostra porta, ci vuleria principia per cambia u ciarbellu d'uni poci di i nostri paisani, chi hanu fatu di a viulenza maffiosa un 'instituzione ,chi so piu fieri di i so scrucconi che di i patriotti cascati per nudda.
Quandu si vede u mondu ch'ellu c'hè per l'interri di si scrucconi in ogni paesi, a sperenza di vultà a una corsica pulita e chiàra s'alluntana ogni ghjorni.
Sa viulenza he divintata per assai ghjiovani u solu mezzu di cresce indè a sucieta corsa, addisperàti ch'elli so per i fiasci pulitici di tutti i partiti di dirita di manca o ancu naziunalisti, chi mantenenu sa viulenza a l'apiatu, e un cercanu a scumbate la postu ch'ella serve per piglia u putere.
A viulenza un hè mai stata inde u sangue chi core in le nostre vène (cume a dicia un certu poniatowski) ma ghje un velènu chi sbuccia nant'a miseria e l'oziu.

21.mandatu da ghjustiziapaolina u 09/05/2011 18:55
bravu nuit bleue

22.mandatu da estrimei u 09/05/2011 20:32
l'omu un mi gherba tantu , e quand'ellu sberca nantu a una televisio , cambiu .
ma custi , ha vistu chjaru : he a nome di u turisimu chi e " brises de bars " , e maffie taliane , russie, i corsi basterdi , s'arruinanu u nostru Paese 'ncu solli chi un si sà da duv'elli sboccanu.
e tutti sti morti , he piu sicura ch'elli sianu stati tombi per via di u sollu , che per a difesa di u disgraziatu .
e quelli chi si facenu chjamà "auturità " pulitiche , intellettualle, o religiose si chjoenu bocca e cullu .
e quall'he chi ne tira prufittu di tuttu stu vaccheghju ?

23.mandatu da U vagabondu u 09/05/2011 20:41 (da un teleffuninu)
O benedettihenrilevi ùn sò mai statu cusì d'accunsentu!
Chì tutti quelli chì si sò empiuti e stacche anni è anni campendu di u turisimu è lasciendu a Corsica andassine di male, ch'elli si manghjinu i diti o megliu, ch'elli manghinu a merda ch'elli vendenu.

24.mandatu da giacinti u 09/05/2011 21:58
per a prima volta so d'accunsentu cù BHL!!!
cusi saremu in santa pace indè noi

25.mandatu da giacinti u 09/05/2011 22:21
post sciptum
I turisti appena và bè ma u troppu stoppia !!!

26.mandatu da CICCOLI u 10/05/2011 12:58
Eviva à Bernaldu Arrigu di Livia ! Après "Mickey l'Ange" et "Leonard devint scie" voici notre "philosophe" à nous : Bernard-Henri de Levie !!!

27.mandatu da ANTO u 10/05/2011 14:29
Stu spezia di cunnacciu ci vole impara a vive !Ch'ellu ci mandi a so moglia ,pè aiutacci a fa cresce a "croissance molle " cum'ella dice Rachida !

28.mandatu da caddaffi u 10/05/2011 14:49
per contu meu u Maroccu quist'annu mandaria bè, ind'è Bernardu è a so saracca di donna detta la fèe clochette. Ch'aspetteranu l'Arabi?

29.mandatu da Carlinu Rocchi u 10/05/2011 17:06
Ma rendidevi contu: st'omu, stu filosofu e statu quellu ch'a suffiatu a u capi macchja francese di fa a guerra a u pazzu di Caddaffi. Piu che un filisofu, l'omu hè assai pretensiunudu a u puntu di fà crede a une pochi ch'ellu po cambia a faccia di u mondu.
E a francia n'hè oghjie a u statu di sta sente stu generu di parabatiotio.
Ma in fine, vi rendite contu!!!!! O la francia o n'to.

30.mandatu da Ussamà u 10/05/2011 17:43
Eccu parolle sane !
Chi bella manera di luttà contr'à l'immigrazione turistica !
Chjudemu e fruntiere turistiche !
Senza ride, ellu è Finkelkraut, seranu meghju incù i so fratelli di Tsahal, per che eccu cio ch'elli sò ! Sustenidori d'un statu imperialistu è assasinu (tè !)...

31.mandatu da Maria Claudia G u 10/05/2011 22:00
S' o' aghju tuttu capitu "u filosofu"(???) BHL dice chè a Cossica è un locu periculosu per i turisti... ma eiu pensu chi i turisti so periculosi per a Corsica : imbrutanu u mare nostru è a terra nostra...
Alora sè vo avete a paura state indè voi chi d'estate ùn è piu pussibule di campà nurmalmente in i paesi è specialmente in ripa di mare . A so chi i turisimu purta assai soldi ma i corsi so in abitu di truvà un'alternativa. A nostra terra è ricca . Basta di cunosce a nostra storia pè sapè chi simu cappace d'adattacci ...

32.mandatu da Gri Gri u 10/05/2011 22:22
"BHL, une sorte de Dieu qui veut infliger une punition divine à la Corse"

http://www.youtube.com/watch?v=ccPbPnbxxiI&feature=player_embedded

33.mandatu da nuit bleue u 11/05/2011 12:15
Inno Maria Claudia, BHL un ha mai dettu chi a corsica era periculosa per i turisti, a dettu chi i scrucconi e l'assassini facianu soldi cu i turisti e u turisimu, e per ellu ghje una manera di fà piantà sa tumbera, e assufucà sa sumiglia di mafia.
Eiu pensu ch'ellu ha raggio, fendu cusi, si sbarasseremu d'un colpu di i pumataghji e di i scrucconi.

34.mandatu da Maria Claudia G u 11/05/2011 14:14
Iè, Hè vera... Avete raghjo, nuit bleu... U mo dettu era un antru sughjettu !
E quali so i turisti chi facenu campà i scrucconi? I pumtaghji chi dormenu sottu à i pini è campanu à risparu ( è chi di più lascianu i so brutteghji di per tuttu) o allora quelli chi facenu a spesa in Corsica ? . .. saranu micca piùtostu quelli chi sbarcanu cu e stacche piene ?
Eppuru so ancu tutti nucivi per aCorsica di una manera o di un'antra .
A so chi u turisimu hè necessariu per l'economia di l'isola ma cumè si dice indè noi : appena và bè ma u troppu stropia...E avà hè veramente troppu...
Ma sè BHL sbarazzaci sarà tantu megliu!!!
Eccu



35.mandatu da nuit bleue u 11/05/2011 15:31
A Corsica un ha i mezzi d'accoglie i turisti chi hanu e stacche piene,i ricconi un volenu passa e so vacanze a cant'u "populu" chi dorme sotte e tindone e chi manghjanu duie pumate nant'a rena o davanti un sopramercatu.
A noi ci si ferma i "camping" i "caravaning" chi so cume e lumaghe cu a casa nant'u spinu e si tecchjanu di "panini" e acqua funtana.
Sa forma di turisimu he u peghju per noi altri, soldi prestu guadagnati prestu spesi, un avemu bisognu di u turisimu ne appena ne tropu, avemu tante ricchezze a sviluppà per campà felice nant'a nostr'isula.
Oghje a sapemu tutti i paese chi campanu di u turisimu so paesi poveri, sottu sviluppati, cu un ecunumia debule senz'avvene per i so figlioli.
A Corsica un hè "Monaco" un avemu ne Rè ne principezze, i Corsi hanu sempre stantatu u so pane di manera pulita e travagliendu.
A francia ha arruvinata a postu un'ecunumia milenaria per fà di u nostru populu una manza d'omi e done assistanati per mantenele inde a sottumissione e parà tutte e rivolte.
Simu sempre a tempu d'apre l'occhji e indirizzà a nostra strada.

36.mandatu da ANTO u 11/05/2011 16:34
Sarebbe tempu di cambia di sughjettu l'avemu fattu abbastanza onore di parlà d'ellu ,e chellu cumenci ellu a stassi in casa soia st'estate !

37.mandatu da Maria Claudia G u 11/05/2011 17:25
Un so micca tantu d'accunsentu cù tuttu cio chè vo' dite . Certamente avemu assai ricchezze à sviluppà , specialmente e risorse di a terra, è perchè ùn l'avemu micca fatta? Era più faciule di lascia vene i turisti (pumataghji è ricconi -ci ne hè-) è ancu di vende a so terra à i prumutori chè di zappà!!! Un ci vole micca accusà l'altri, simu i primi culpevuli di a situazione.Avà i turisti l'avemu è, à veru , ùn sarà micca BHL o un altru chi sbarrazzaccine. A vulemu ? Allora rivultanu e màniche.

38.mandatu da nuit bleue u 11/05/2011 18:27
Avete raggio , un ci hè stata tanta resistanza.

39.mandatu da Giovannoni u 11/05/2011 21:34
S'o capiscu bè, ci vulerebbe à buïcuttà a Belgica, per punisce stu paese d'avè datu à u ghjornu Marc DUTROUX !?

40.mandatu da statistica u 12/05/2011 17:09
un turista sta 10 ghjorni, un corsu 365 ghjorni: vale a di che un corsu spende 36 volti piu che un turista
300 000 corsi spendonu cuante 10 millioni di turisti
nimu a dice
u turismu (pib) raprisenta 10 % di u pib tutale
90 % di u pib vene de e spese de i corsi
induve he u mutore di l'ecunumia corsa: a spesa turistica o a spese di i corsi?

41.mandatu da turchina u 13/05/2011 11:53
Diu ti benedica ô BHL !

Piu francesi in Corsica , fussela puru ! I galesi so rancichi mentre chi i luchesi so piu generosi ..

Di tutta manera , a Corsica francese e un sblagliu di a storia!

42.mandatu da U vagabondu u 13/05/2011 13:06 (da un teleffuninu)
Mi ne futtu pocu ch'elli sianu più generosi i Taliani! Ch'elli si stiinu anch'elli in casa!
Una Corsica senza turisimu! Chì sonniu!

43.mandatu da sasha u 13/05/2011 17:12
U mo' mistieru ghjé ligatu à u turisimu è vi pregu di crede ch'i taliani so' ranciconi ancu peghju chi certi francesi.

44.mandatu da Paolo dePaoli u 19/05/2011 17:03
CIao, Eiu so Talinau.. .possu venì in corsica st'estate ?? aggiu cumprto li bijettti di u traghettu.

45.mandatu da sasha u 20/05/2011 13:46
Adesso che hai comprato i biglietti puoi venire ma spendi anche qualche denaro per mangiare altro che panini quando sarai da noi

46.mandatu da Pochimpreme u 23/05/2011 23:34 (da un teleffuninu)
O BHL, guarda chi una bona pulenda
Pisticcina nustrale in faccia face più male che una torta !

47.mandatu da Ermanno u 28/05/2011 11:27
Quest'estate verrò in Corsica per la quinta volta, quando sono nella vostra splendida isola adoro mangiare e bere i vostri prodotti, altro che panini!!!

Odio i turisti che vengono in Corsica pretendendo di comandare e di fare come a casa loro. Vi capisco.

Pace e salute da un vostro amico ligure.

ERMANNO

48.mandatu da stuzzicabugnu u 28/05/2011 16:03
Socu d'accunsentu cu BHL;ùn ci voli più che i turisti venissini inCorsica!
Ripidemu u mottu: I TURISTI FORA è sara ancu meddu che turisti ùn ci ni sara più
Amen è cussi sia

Novu cumentu :