Accueil
Envoyer à un ami
Version imprimable
Partager

Babbu Natale ùn passerà micca quist'annu...

A crisa vene di fà una vìttima surpresa. U famosu Babbu Natalu hè statu tombu allora ch'ellu facia ore supplementarie. Minacciatu di licenzimentu, a so intrapresa digià delucalizata in Bulgaria minacciava di chjode...



Babbu Natale ùn passerà micca quist'annu...
Un accidente di u travagliu in piena crisa ecunòmica
A nutizia hà stupitu à tutti è nimu a si l'aspettava. Babbu Natale (u veru !) hè statu tombu eri sera allora ch'ellu facia ore supplementarie in u guatru di u so travagliu.

Ci vole à dì chì i tempi eranu diventati difficiuli per ellu. A so intrapresa avia digià suffertu assai da a cuncurrenza di i paesi asiàtichi. In più di quessa, a crisa di e supbrimes l'avia messu in difficultà è i so patroni (i fondi di pensioni americani) anu custrettu à delucalizà a so usina in Bulgaria.

Tràgica fine per quellu chì hà cunnisciutu gloria è successu durante u seculu passatu. Segondu à una inchiesta, Babbu Natale era a persunalità a più cunnisciuta da l'umanità, davanti à Ghjesu Cristu, Michael Jackson è Ussamà Ben Laden.

Ancu a dumenica...
In sti tempi di crise, u puverettu di Babbu Natale hè statu ridottu à fà l'ore supplementarie è à distribuisce i pacchetti pè A Redoute. Face trè mesi ch'ellu ùn cunniscia più u riposu postu ch'ellu travagliava ancu a dumenica ind'è Leroy Merlin. E so cundizioni di travagliu eranu diventate assai difficiuli è u vechju barbutu era runzicatu da u stress è l'angoscia di un licenzimentu.

Cusì, allora ch'ellu purtava unepochi di pacchetti in Alisgiani, u ben'di Babbu Natale s'hè pigliatu una fucilata tirata da un cacciadore. L'assassinu, chì surtia da una pastizzata infernale, hà palisatu subbitu. Hà spiegatu à i pulizzeri ch'ellu era briagu è ch'ellu hà sparatu in a direzzione di u cunviu di Babbu Natale perchè s'era intesu minacciatu è ch'ellu era spaventatu. Ci vole à dì chì a vigilia avia fidighjatu à X-Files à a televisiò.

Trista sorte per quellu chì s'era fattu cunnosce in u mondu sanu è chì i zitelli tenianu tantu. Ma ch'elli ùn s'inchietinu, Toys'r Us, King Jouet è Nicolas Sarkozy annunziavanu chì u vechju tippu in rossu serà rimpiazzatu in a notte di u 25 dicembre da interimarii sud-cureani imbusciati apposta in CDD. Semu salvi !

Babbu Natale ùn passerà micca quist'annu...

u 24 di Dicembre 2008
U Sgaiuffu



1.mandatu da estrimei u 24/12/2008 06:44
d'apress'a mè ,he sta rubaccia di coca cola chi l'ha tombu chi i cureani costanu menu caru!

2.mandatu da EIU Eiu u 24/12/2008 08:14
Site liatoghji !!! MDR

3.mandatu da anto di sarrula u 24/12/2008 11:16
hahaha , corciu babbu natale !!!!! mdr !!!!

4.mandatu da dumenicu u 24/12/2008 17:47
porca miseria !

5.mandatu da Piratella u 25/12/2008 00:20

Civa! Nimu u cunnosce megliu cà mè, era un patrone di multinaziunale sputrite! Cridiate ch'ellu facia u travagliu ellu stessu o banda di niscentri chè vo site? Hè un bellu pezzu ch'ellu avia imbusciatu quelli chinesi per sottutrattà i so affari!
Ùn hà chè ciò ch'ellu merita.
Avà aghju da andà cù u Père Fouettard... ALmenu ellu ùn face nice d'esse bonu.

6.mandatu da in cauda venenum u 25/12/2008 09:16
OHHHHHHHHHHHHHHHHHHHHHHHHHHHHH PUTANA MISERIACCIA ERA ROKZEIR
DI PORTVEKK CHI S'ERA MASCHERATU IN BABBU NATALE CUM'AVEMU A FA AVA

7.mandatu da estrimei u 25/12/2008 10:01
so passati i cureani, ma , elli dinu, i regalloni l'hanu fatti a i ricconi ! e i disgraziatelli si so firmati 'ncu pocu e nunda !

bon NATALE a tutti .

8.mandatu da Cumpalliols u 25/12/2008 15:50
Aiòòòò

9.mandatu da u vechju barbutu u 25/12/2008 17:32
è quessu i rigalu di natale ?

Un Père Noël meurtrier en Californie


DRAME – Déguisé en Père Noël, un homme a tiré sur les invités d’une fête...
Un scenario digne d’un film d’horreur. Mercredi soir, à Covina près de Los Angeles, un homme déguisé en Père Noël a fait irruption dans une maison où se déroulait une fête, puis a tiré sur les invités faisant trois morts et trois blessés dont une fillet de huit ans.

Novu cumentu :