Accueil
Envoyer à un ami
Version imprimable
Partager

Bastia mette una concia à Auxerre è passa un giru di cuppa di Francia

C'era mondu è spettaculu sabbatu sera in Furiani. Vittoria 3 à 0 contr'à una squatra di L1, ci cambia di i macciacci contr'à Clermont Foot o Angers. È ci rimettemu à sunnià...



Eccu a magia di a cuppa di Francia, quandu e piccule squatre ponu batte e più grosse. Nant'à una partita, tuttu diventa pussibule (cum'ellu diciaria Sarkozy).

Allora chì di sòlitu Furiani hè troppu viotu pè e partite di campiunatu, sabbatu u stadiu era guasi pienu è l'ambianza c'era ! Si sentia ch'ellu si pudia fà qualcosa contr'à Auxerre chì ghjoca in Liga 1 ma chì lotta per ùn falà in Liga 2.

Ci vole à dì chì l'affari sò andati prestu è ch'ellu ùn ci vulia à ghjunghje in ritardu in Furiani. U Sporting hà marcatu trè volti innù u primu quartu d'ora, l'affare era compiu !

In tutti i casi face piacè di vede chì basta pocu per chì a ghjente volti in Furiani è si rimette à sustene u so Sporting, più ch'è mai u club di tuttu un populu !

Pudete dinù leghje nant'à u situ di u giurnale A Nazione un cartulare nant'à u SCB :

Intervista di Carlu Orlanducci
Intervista di dui giovani ghjucadori corsi, Lorenzi è Leca
Intervista di un rispunsevule di i sustenidori di Bastia 1905
Un articulu nant'à a leia trà u Sporting è i so sustenidori
Cumu seguità u Sporting nant'à internet

u 3 di Farraghju 2008
u webmaestru



1.mandatu da u sanglisciu u 03/02/2008 13:12
J'ADORE LE FOOTBALL QUAND ON BAT LES GAULOIS !!!!

MINAAAAAAAAATE !!!!

2.mandatu da GWM u 03/02/2008 22:51
tù si chi ai capitu !

Novu cumentu :