Accueil
Envoyer à un ami
Version imprimable
Partager

Bastia ùn cunnosce più i macciacci

Dapoi Hantz, u Sporting ùn perde più in i grandi mumenti. Face bizarru, ùn eramu micca abituati à cunnosce a vittoria...



Per a generazione di i menu di 40 anni, u Sporting hè a squadra chì perde sempre in e grandi occasioni, è tuttu ci purtava à pensà chì u scontru trà Lens è u Sporting saria una volta di più un macciacciu.

Prima chì Lens vulia a so rivincita nant'à l'andata in Furiani chì s'era mal passatu, à colpi di calci è di pugni. Gabriel Cichero hè statu suspesu ... per avè messu un calciu è rottu u mustacciu d'un dirigente bastiacciu. Jean-Louis Garcia l'intrenore di Lens parlava di rivìncita : "On ne peut pas oublier qu’un garçon comme Gabriel Cichero, que nous apprécions tous, a dû retourner dans son pays et résilier son contrat avec le Racing club de Lens parce qu’il a pris six mois de suspension suite aux incidents à Furiani.(...) C’est une rencontre que l’on a eu beaucoup de mal à digérer et qui a eu des conséquences très négatives sur les trois-quatre confrontations qui ont suivie. Ce sera dans un coin de notre tête et il y aura un sentiment de revanche."

I nurdisti vulianu a so vittoria cum'è mai è i sustenidori anu cantatu u so cantu à a gloria di Cichero, trà a so "Marseillaise lensoise " è Les Corons di Pierre Bachelet.

Dopu chì u stadiu Félix-Bollaert ùn riesce mai à i Corsi. U Sporting hè abituatu à e chjibe è l'ultima vittoria ricolla à 1978.

Infine chì à ogni volta chì u Sporting era in statu di francà un passu, à ogni macciu impurtante, i Bastiacci anu sempre fiascatu... Ma què, era nanzu à Hantz.

A seguita, a cunniscite. El-Azzouzi, Rothen, Maoulida, 3 rete è un stadiu sangue è oru silenziosu è mutu induv'elli si sentianu i 450 sustenidori turchini. Ma u megliu hè di sente i cummenti di Jean Pruneta

Allora, serà veramente finitu u tempu di i macciacci ?


Un bellu paisaghju di u Nordu.
Bastia ùn cunnosce più i macciacci

A lucalità di Loos-en-Gohelle, ma forse ci vole à prununzià Loose en Gaule. Un segnu ?
Bastia ùn cunnosce più i macciacci

U famosu ottellu Carlton di Lille, locu apreziatu da DSK è u so amicu Dédé la Saumure
Bastia ùn cunnosce più i macciacci

Sta sera era Felice Bollartu.
Bastia ùn cunnosce più i macciacci

But à Bollaert !
Bastia ùn cunnosce più i macciacci

Vittoria nant'à e terre di Roger Boli, Robbie Slater, Jean-Marc Adjovi-Boco, Eric Sikora...
Bastia ùn cunnosce più i macciacci

u 13 di Marzu 2012
U Webmaestru



1.mandatu da 1981 u 13/03/2012 21:04
l ultima vittoria di u sporting a lens era u 9 ghjughjnu 1981 mezza finala ritornu di a cupa di francia louis marcialis appri e porte di u parc gloria a vo

2.mandatu da Claude E. u 13/03/2012 21:27
bastia c'un vince "mais sa c'était avant" cume dice a publicità ^^

3.mandatu da Ulongu u 14/03/2012 11:34
Ci hè qualcosa di l'animale ind'u suporter di ballò, ma ùn socu dì s'ella hè di più a scimmia o l'orsu.. FORZA BASTIA

4.mandatu da Mare nostrum u 14/03/2012 13:33
Chi spirtacciu sti pinsuti !
Si pò fà una squadra Corsa !!!!!!!
Viva u SCB !!!!

5.mandatu da Anto u ghjuvanottu corsu u 14/03/2012 23:36
Ému da riculà in prima divisiona quist Anu hé l Anu Di e squadre corse incu forsi Aca chi fermera in ligue 1 Bastia ch a da cullà e u gfcoa chi pruvara à cullà m à forse dinno à FFF pruvarani à faci caga per u stade Armand cesari m à vuletiu Dí chi ancu s ellu un hé micca u affara pulitica u sport ma un pocu à Francia cume d abitudine ci aruvina ! Allora belle strada e longue vita pa e squadre corse !

6.mandatu da roccisa u 15/03/2012 13:01
quale hè stu grossu fatigatu....cu u so megafone

"quellu ch'un salta micca ghjè un inculatu...... nunda chi per sta cunneria serebbe statu a pussà...
tutti pedofili ......allora i corsi tutti terroristi.....
A cCorsica e un sporting un 'anu micca bisognu di i sumeri cime quessu

FORZA BASTIA
FORZA CORSICA

7.mandatu da bleublanc u 20/03/2012 13:07
@roccisa

Ùn aghju micca capitu tuttu ciò ch'è vo avete scrittu...
Prima ùn era micca : "quellu ch'ùn salta micca ghjè un inculatu", ma hà dettu : "celui qui ne chante pas ce soir dans ce parcage c'est un enculé"
Bon d'accordu, sò parolle ch'ùn si dicenu micca, ancu eiu era scumudatu da ste parolle postu chì sò eiu chì hà spartu u "perchoir" fendu u "capo" cun ellu à Lens...
Ma ste parolle ùn eranu mancu appena dette cù sincerità, era solu pè fà cullà l'odiu turchinu sinu à l'ochji ! Ind'è u stadiu francese ! Pè facci sente !

Dunque a sò chì parolle cum'è "celui qui ne chante pas ce soir c'est un enculé" ùn si dicenu micca, ma creditemi puru ch'ùn hè mancu appena faciule di fà u capo ! È s'è no femu què hè solu per i nostri culori ! Per mette u più pussibile imbienza in Petrignani cum'è in spiazzamentu !

Dunque s'è vo vulete micca scusà e parolle ch'hà tenutu u m'amicu ch'era à u mégaphone, vi possu ancu capì... Ma ùn và veramente micca a pena di scrive chì a Corsica è u Sporting ùn anu micca bisognu di sumeri cume quessu !

PERCHÈ sti sumeri quì, sò quelli ch'eranu à u stadiu quande no eramu 1500 à u stadiu ! PERCHÈ sti sumeri quì, sò quelli ch'anu fattu cù li so mani un lucale "A Casa di u populu turchinu", senza aitutu da nimu ! PERCHÈ sti sumeri quì, sò quelli ch'organiseghjanu spiazzamenti trementu ! 300 in Monaco, 230 in Fréjus, ecc...

ALORA PER PIACÈ, appena di rispettu ! Di fà è di dì certe cunnerie pò accade à tutt'u mondu ! Ma per u mumentu Bastia1905 è i so membri si battamu cume lu ci vole, è oghje più ch'è mai !
Hè troppu faciule di criticà a ghjente avà chì tuttu và ben...

Amicizia turchina, turchinità eterna ! FORZA BASTIA !

8.mandatu da Parigi Zone Libre u 21/03/2012 20:01
Ricunuscemu bè a "bande di u BDB" nantu a video !

Novu cumentu :


Seguitateci nant'à Facebook


L'articuli

Abbunatevi à a newsletter

Circà nant'à A Piazzetta