Accueil
Envoyer à un ami
Version imprimable
Partager

Battizemu l'aviò di a CCM

A CCM prupone nant'à u so situ web di vutà per dà un nome à i so aviò. Attenti à a froda...



Battizemu l'aviò di a CCM
Cum'ellu si sente troppu spessu chì noi altri à A Piazzetta semu azezi è ch'ellu ùn ci piace nunda, pruvemu per una volta d'esse appena più bravi è purtemu a nostra cuntribuzione à u dibattitu.

Prima di tuttu, felicitemu a CCM pè a so iniziativa. Si vota nant'à u situ baptisonsnosavions.com

Ma cum'è no semu criticoni, quantunque avemu truvatu qualcosa à dì. Per principià nant'à i nomi imposti. Cum'è pè una selezzione di Domenech, ci hè dibattitu. I nove nomi scelti sò nove nomi di lochi, in magiurità in "L'Extrême Sud" (sapete, stu locu chì nanzu si truvava in Corsica...

I nomi sò per u più lucacci turistichi : "Désert des Agriates" (L'Agriate ùn sò purtantu mai statu un disertu...), "Lion de Roccapina", "Baie de Rondinara", "Iles Lavezzi", "Falaises de Bonifacio"...

Perchè micca "Pieve di Boziu", "Fiumorbu", "Paese di U Petricaghju", "A Rogna", "Bustanicu Suttanu", "Cima di u Stazzu Vechju", "Pitretu è Bicchisgià" o "U Ruminzulaghju" ? Micca abbastanza turistichi ?

È "Francardu", "Casamozza" o "Ponte Leccia" ? Lochi troppu goffi ?

Ma si pò felicità a CCM d'ùn avè avutu a gattivissima idea di prupone i nomi ultra-aspettati di "Napoléon Bonaparte", "Jean-Paul de Rocca Serra", "BA 126 de Solenzara" o "Laetitia Casta".

Torna appena è s'avia "Bob Sinclar", "Christian Clavier" o "Thomas Dutronc".

Dunque, A Piazzetta prupone à a CCM una lista di nomi chì elli dinù a si meritavanu di passà à a pusterità di e piste aeree di Roissy è d'Orly Ouest.

Perchè micca tandu, rende omagiu à a ghjente chì face onore à a Corsica :
  • Jean-Jean Sarkozy (un veru corsu pistunatu)
  • Gilbert Casanova dettu Gilbercopter (un spezialistu di i trasporti aereri)
  • Patrick Fiori (chì pò ringrazià à Jean-Charles Papi d'avè rilanciatu a so carriera !)
  • Bernard Casoni (chì avà tuttu ognunu rigreta in Furiani)
  • Faruk Hadzibegic (ma solu s'ellu ci la face à salvà u Sporting, videremu da quì à sei mesi)
  • Christophe Barbier (almenu si l'aviò si lampa, nimu pienghjerà u crash)
  • Vincent Tabarani (perchè ci n'hè una techja d'ùn manghjà ch'è cacahuètes secche è canistrelli in l'aviò)

È voi chì ne dite ?


u 16 di Dicembre 2009
u webmaestru



1.mandatu da estrimei u 16/12/2009 12:34
per contu meiu, aghju ricusatu di participà a stu ghjocu (si pò vince un viaghju ) e l'aghju scrittu a mio manera di pensà.
ringraziu u webmaestru (chi numacciu!) d'avè ammentatu s'edea vergugnosa . quand'omu pensa chi a ccm he una cumpagnia di a cullettività...!forse un 'di sti ghjorni a si regalleranu a VEOLIA !

2.mandatu da antò u 16/12/2009 16:56
Aghju un'idea di nome pà aviò :
"U Canistrellu di u celu" (Pà l'industria di i canistrelli)
"Raugi" (L'aviò che ha e più bonne giacce d'Auropa)
"Emil Zuccarelli" (Si l'aviò si lampa, tutt' i bastiacciu saranu cuntenti).

3.mandatu da ricu u 16/12/2009 18:33
Mi piaceria un nome bislingu, ind'u genaru : Mirella Mattea- Mireille Mathieux.

4.mandatu da Pietro Mastroleo u 17/12/2009 00:48
la cosa che ho potuto verificare, oltre ai nomi inadeguati, che la compagnia non ha nenmeno un volo con l'Italia o con altra nazione, giudico immeritato il suo motto:"Le ali della Corsica"; più che ali si definirebbe meglio "Guinzaglio"

5.mandatu da Pietro Mastroleo u 17/12/2009 00:55
ne ha uno solo con Genova

6.mandatu da Bof u 17/12/2009 08:32 (da un teleffuninu)
Un avion Jean Pierre treiber

7.mandatu da Fabien u 17/12/2009 09:54
Una bella manera d'ave i nomi, casate, indirizzi... di qualche centinaghje di Corsi per senteli sempre più publicità... participate sè vo vulete.
"Ocatarinetabellatchitchix" mi pare sunà assai bè.

8.mandatu da Toutafé u 17/12/2009 10:17 (da un teleffuninu)
Bien vu Fabien... Participate se vo vulete riceve appena di più di spam !

9.mandatu da GWM u 17/12/2009 10:42
ùn ci n'hè ch'è pè u soldu

10.mandatu da machja u 17/12/2009 11:55
Ci sbagliemu sempre di lotta!
Poca primura di i nomi di l'avio,so sempre avio francesi.
Fighjate i nostri batelli, portanu tutti nomi corsi, Paoli, Nabuleone, Casanova etc....
e u patronu si chjama Veolia, e ghjè cusi per tuttu, e nostre scole dino hanu nomi corsi, ma i zitelli un amparanu mica a nostra lingua.

11.mandatu da Culomba u 17/12/2009 14:29

Almenu Saint Exupéry puderia avè u so aviò, averia un sensu...

Pè u restu, sti nomi mi dispiacenu.

les Agriates, avec un s, ben intesa...
A lingua corsa puzza, avà, pè a CCM?

Sò nomi troppu turistichi, in un sensu gattivu perchè in fatti i turisti cercanu, per una parte almenu, una cultura, una sputichezza. Ci hè un mancu d'imaginazione , tremenda da a parte di a CCM!!

Nomi storichi di a Corsica ùn stavanu male : Sampieru Corso, Pasquale Paoli, Vincentellu d'Istria, Sambucucciu d'Alandu, Arrigu bel'Messere, eppo scrivani : Santu Casanova, Matteu della Foata, ...


12.mandatu da santini u 18/12/2009 11:25
sicura, perchè micca i nomi di e nostre regione??? castagniccia; fiumorbu....

13.mandatu da ZIU ANTO U PURCAGHIU u 18/12/2009 12:02
piutostu ghjienté chi so ricunisciuti d'avè diffusu a cultura corsa videria piutosu di chiamalli GROSSU MINUTU ,,,TINTIN PASQUALINI ,,,NATALE ROCCHICIOLI perché no?????

14.mandatu da fatica u 19/12/2009 11:55
senti, io non sono buono a parlari li corsu, ma leggendo lo capisco bene e sono contento che finalmente c'è un sito veramente corso dove si può leggere della cultura corsa.

15.mandatu da Little Drac, le petit vampire u 20/12/2009 19:00
Eiu, prupongu "Villa Christian Clavier".

16.mandatu da Bragaghju u 11/01/2010 22:15
Prupongu e trè meraviglie di Corsica : "La Camargue (o "Fabrick") , "L'Acapulco", è "Via Notte". Osinnò "il'2bo-T", "Fun Radio Bastia", "Ch'kif la Keurse", "La Keurse sans les Keurses ce s'rait l'paradis".
Aoh, a Corsica un'hè micca una puttana !...

17.mandatu da Ahmed Zavìa u 03/04/2010 09:49
Pudemu dì assai cose nantu à a CCM, ma micca chi l'aviò so francesi...
S'elli so di fattura Auropeana, st'aviò appartenenu quant'unque à a Cumpagnia Corsa e à a Cullettività...
Avìu pripostu di battizàli 'cù nomi di e principale città nustrale...postu chi c'hè almènu deci aviòni oghje à a CCM....
Ma, ùn la sò mancu perchè...e scelte si sò purtate nantu à u nome di "Calanche di Piana"....
O....scusàttemi....un hè "Calanche Di Piana" u nome sceltu...u nome rittenutu da a CCM hè : "Calanche De Piana"....una manera d'adduprà un bislingusimu "puliticamente currettu" e di mustrà à i so cumpatrioti a so cunniscenza prufonda di a lingua nustrale...

Novu cumentu :


Seguitateci nant'à Facebook


L'articuli

Abbunatevi à a newsletter

Circà nant'à A Piazzetta