Accueil
Envoyer à un ami
Version imprimable
Partager

Bear Grylls ùn purterà più veste Millet

Hè a crisa dinù pè Bear Grylls, a star di l'emissione "Man vs. wild" hè statu lampatu fora. Gattiva nutizia per tutti i passiunati di Meindl è di GR20.



Bear Grylls ùn purterà più veste Millet
Cumu ? Ùn cunniscite à Bear Grylls ? Hè un anzianu militare appena scemu chì hà creatu l'emissione di telerealità "Man vs. wild". In francese hè diventata "Seul face à la nature".

Cumu a dice u so nome, l'omu era cappiatu solu solu, senza nunda, in un locu di u pianeta (disertu, alta muntagna o furesta amazuniana) è induve duviva sopravvive. U rollu di Bear Grylls hè d'amparavvi à esse un survivor. Cumu manghjà, beie, prutegesi, dorme in i lochi i più salvàtichi è antipàtichi di u mondu. Ùn si sà mai, pò sempre ghjuvà.

Pè i passiunati di scarpi Meindl è di veste Millet, l'emissione hè diventata "culte".

In e so emissioni si vidia à Bear Grylls manghjà vermi orrìbili (s'ampara chì "les vers de terre sont super bons, ils sont bourrés de protéines"), custruisce una barcella per falà un fiume scatinatu, custruisce un agrottu, truvà u nordu, piscà, manghjà un animale mortu, cunservà un baschicciu per pudè manghjallu più tardi, eccetera...

Ci vole à vede stu tontu tumbà un pesciu tamantu, manghjà pienu di rubaccia, o "se battre dans d'immenses marécages fétides" (si passa quì).

Pienu di cose assai utile dunque, per voi chì fate e vostre cummissioni à Géant Casino.

Bon, ùn face nunda s'elle ci sò state parechje pulèmiche è chì l'omu hè statu accusatu di trafficà appena e so emissioni. Ben ch'ellu sia appena mittòmanu, Bear Grylls hè quantunque un tippu bè. V'ampara à tumbà un orsu cù un stylo bic, scappà quandu site attaccatu da un aligator è chjappà un pesciu cù un scarpu è un pignottu.

Ma a gattiva nutizia hè cascata u mese scorsu. U so patrone, Discovery Channel hà decisu di piantà l'emissione. Forse u videremu da quì à pocu nant'à Via Stella ? I so fans corsi seranu cuntenti.

In tantu, l'omu hà rispostu cusì à u so licenzimentu nant'à Twitter : I'll survive! Chì tippu stu Bear Grylls...

Bear Grylls ùn purterà più veste Millet

u 23 di Maghju 2012
U Sgaiuffu



1.mandatu da Mare nostrum u 23/05/2012 07:55
Endemu à sente e so aventure à u Pôle emploi !

2.mandatu da Renosu u 23/05/2012 09:57
Curaghju o' Bear !!
Veni quande tu voli in Corsica, t'aspittemu.

3.mandatu da henry smart u 23/05/2012 10:44
Bear nant'a Via Stella chi prova a firma vivu a un'emmissione di Petru Lecu . "Per un dettu" fendu sí taglia a parolla in permanenza !

4.mandatu da Michè u 23/05/2012 11:32
U tippu ha da finisce nant'à ViaStella, in "Fora di strada".

5.mandatu da cucunellu arrabiatu u 23/05/2012 16:01
gloria à te o Bear ! meritta una piazza à i sapeurs !!!

6.mandatu da Casalta u 23/05/2012 19:22 (da un teleffuninu)
Fate entre Bear Grylls à u Cunsigliu Generale

Ci vole à dumandà à Bear Giacobbi

7.mandatu da Buvone u 23/05/2012 19:48
O orsu ! Pe vive una aventura magnifica piglii u battellu u primu d aostu e sbarcii in Bastia cu i pinzi a u mezu ! E cu i " va et vient "
Josiane c est beau la keurse mais sont pas sympas les keurses !

8.mandatu da Petru mazzulincu u 23/05/2012 20:04
Un sera micca ellu chi ha arrubatu à statua In san Petrone, pe fassi dui soldi?!! Ci vole à surveglia a "e puces" In Bastia , una di ste dumeniche....

9.mandatu da Buvone u 23/05/2012 23:22
O orsu , si tu cerci un conceptu "cercà charcuteria corsa ma senza porci natti in Provence.

10.mandatu da fafanellu u 24/05/2012 21:41
caccietini appena, "cappiatu solu solu"...aiò ! quali hè chi teni a camera? ci sò sempri 2 o 3 parsonni ch'u siguiteghjani...lol
m'arricordu d'un altru prugramma, chjamatu "Survivor", induva u tippu si filmava da par ellu. Mà forsa hè statu missu fora uni pochi di tempi fà par chi ùn n'aghju più intesu parlà dapoi un pezzu. Bon ci ni futtimu.
Spiremu chi tutti st'emissioni avarani missu appena di sal'in zucca à i turisti di u GR20. Avà, è grazia à u nostru amicu Bear Grylls, ancu s'elli sò persi, a sani bè chi si pò sopraviva, manghjendusi qualchi capi di topi pinnuti, bufoni, è di sicura 2 o 3 varmi, è sani dinò chi a stella mattutina l'aiutarà à ritruvà u so caminu. Ùn c'hè bisognu à chjamà u 112 !

Novu cumentu :