Accueil
Envoyer à un ami
Version imprimable
Partager

Beaujolais : nò, ùn site micca obligati di fà cum'è tuttu u mondu

A Corsica, u paese chì conta un centu di vigne classate in AOC. Ma sta sera, sò litri è litri di Beaujolais chì faleranu à rivocchi.



Sta sera « Beaujolais nouveau » ! Festa in paese ! A più parte di e cantine e di i caffè anu da prupone « Barbecue-grillades » è « sauciflard-pâté en croûte » per fà passà u gustu di u vinu francese aspettatu da tutti cum'è Pasquale Paoli in u 1755. 450 000 litri di fragnu anu da annacquà u mondu tale una cavallata cerria.

I giappunesi anu ancu, per sta celebrazione, rimpiazzatu l’acqua di u bagnu incù u « Beaujolpif » (cusì u chjamanu certi). Speremu ch'elli ùn u rimetteranu micca in buttiglia dop’à l’abluzione.

Sta vinaccia hè stata maturata dui mesi (guasi nunda), techja di levitu, pizzica assai quand’ella fala è ancu di più quand’ella colla.

Ma sta sera, a Francia sana (è ancu a Corsica), s’annigherà sott’à u liquidu acru. Seguiteremu i « flonflons » è u pezzu di a carne à u focu cum’è i topi anu seguitatu à quellu ghjucatore di pirulla d’Hamelin è ci truveremu tutti n cità, azezi, criticoni è spapersi à buleghju, senza sapè perchè no simu quì.

Sopr'à tuttu, pruveremu di truvà u gustu di l’annata : fragula, rubu, banana, o ancu puru carne macinata. Di tutte e manere, sò i capizzoni di a cummunicazione è i giurnalisti chì decideranu ciò ch’ellu sentia u vinu di u terzu ghjovi di nuvembre.

Avete capitu, ùn site mica voi chì sceglite di beie u « Beauj’ », ghj’è ellu chì v’hà sceltu, chè vo siate di cunsentu o nò. Simu tutti pari per ciò chì ghjè di moda.

Puderiamu scrive un altru capuversu à quella canzona di Canta u Populu Corsu : « Nuvembre sente u Beaujolais… »

u 20 di Nuvembre 2014
Pinnatu



1.mandatu da u turcu u 21/11/2014 08:29
700 000 litre in germania 7 000 000 in giappone i tinti 0 in italia e in tunisia 3 000 in corsica per i francesi o francisati

2.mandatu da sardu u 21/11/2014 13:48 (da un teleffuninu)
Sarebbe stu beaujolais??

3.mandatu da Cattana u 22/11/2014 11:14
Poc' importa, é solu di u beaujolais merzu ! un' è micca di u Pratavone o u Domaine de Piana !

4.mandatu da Beaujolais u 27/11/2014 17:57
O Sardu, u Beaujolais? Ghjè rubaccia.

5.mandatu da dolcerocca marie-antoinette u 30/11/2014 11:08
un simu micca obligati di fà cume i francesi......à forza di fa a chimia.....diventeremu chimié....!!! ( scuse per a mo scritura,faciu cume possu)

Novu cumentu :


Seguitateci nant'à Facebook


L'articuli

Abbunatevi à a newsletter

Circà nant'à A Piazzetta