Accueil
Envoyer à un ami
Version imprimable
Partager

Ben Laden di ritornu !

Un inglese hà avutu a surpresa di vede a faccia di Ben Laden... nant'à un pezzu di pane imbrustulitu.



Ben Laden di ritornu !
Sì ancu i grille-pain cummencianu à ridesine di noi, semu freschi.

A storia si passa in Inghilterra induve un omu hà avutu a surpresa di vede a faccia d'Ussamà sorte nant'à a fetta di pane ch'ellu avia messu à imbrustulisce.

Hè vera chì nant'à u ritrattu si ricunnosce bè a chigna di l'ex-capimachja d'Al-Qaida... ma forse ci serà statu un colpu di Photoshop ?

Fate quantunque pianu a matina quand'è vo utilizate u vostru grille-pain (d'altronde, cumu si pò dì grille-pain in corsu ? Lasciate e vostre pruposte in cummentu).

Imaginate, allora ch'è vo site azezu, in ritardu è micca discitatu, ch'elle ponu esce da u vostru apparechju e facce d'Emile Zuccarelli, di Ghjuvancristofanu Angelini, di Marcel Francisci o di Paul Quastana...

Iè, fate pianu. U vostru grille-pain hè forse un magagnone.

u 4 di Ghjugnu 2011



1.mandatu da Pettirussu u 04/06/2011 20:47
Arrustitoghju...?

2.mandatu da Filippi (u veru) u 04/06/2011 21:22
Pà fà quistu, hè facile cù un "pochoir".

3.mandatu da perchè micca u 04/06/2011 22:12
imbrustulinu?

4.mandatu da sasha u 05/06/2011 01:01
Griglia-pane (anche s'ellu face un pocu lucchese); in quant'a u ritrattu, Zucca m'anderebbe bè, nè vinderia un bellu pacchettu ogni dumenica à è puce nant'à piazza Santu Niculà!

5.mandatu da TAZZACARNE u 05/06/2011 01:35
imbrustapane ?

sta mane aghju messu a mo fetta in l'imbrustapane, m'hè saltata in faccia a faccia di Jean-Guy Talamoni. VDM.

6.mandatu da sasha u 05/06/2011 01:51
Un voli micca scambia à to' fetta di Talamoni cù a mo' fetta di Zucca? Cusi rifemmu u ghjocu di è 7 famiglie in fette di pane

7.mandatu da picciaghjolu u 05/06/2011 10:44
arrustapane

8.mandatu da Giovannoni u 05/06/2011 16:42
arrustapane eo dicerebbi...
Salut'à tutti
Ricusu di basgiavvi cum'elli fàcenu i "nuvelli corsi"

9.mandatu da LOLU u 05/06/2011 20:12
I Corsi pè l'OM so PD

10.mandatu da u machjaghjolu u 06/06/2011 17:58
Eiu pensu a parechji parolli pà di "grille pain": l'arrusta pane" o " u cosu pà fà grillà u pane, parolla appena sfrancisata" o allora " l'affari pà avè u pane arrustitu quandu m'arrizzu pienu à ciumaghi" eccucci i prupusizioni. A PRESTU O CUMPA!!!

11.mandatu da ANTO u 07/06/2011 14:32
Perchè vulè "cursisa" tutte e parole nove ,femu cume quelle chi entrenu in u dizunariu francèse :tenimulè cum'elle so !

Novu cumentu :